Советскяй Социалистическяй Республикань Союзть Конституцияц (1936)/1938.01.15/04
| ←III Главась | Советскяй Социалистическяй Республикань Союзть Конституцияц (1938) IV Главась |
V Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
IV ГЛАВАСЬ
Союзнай республикатнень государственнай властень высшай органцна
57-це статьясь. Союзнай республикань государственнай властень высшай органкс ащи Союзнай республикань Верховнай Советсь.
58-це статьясь. Союзнай республикань Верховнай Советть кочксесазь республикань граждаттне ниле кизонь пингс.
Представительствань норматне латцевихть союзнай республикань Конституциятнень эса.
59-це статьясь. Союзнай республикань Верховнай Советсь ащи республикань единственнай законодательнай органкс.
[ 14 ]60-це статьясь. Союзнай республикань Верховнай Советсь:
а) примси республикань Конституция и тиенди эзонза полафнемат СССР-нь Конституциять 16-це статьянц соответствияса;
б) кемокснесыне сонь составсонза ащи автономнай республикатнень Конституцияснон и определяндасыне синь территориянь границаснон;
в) кемокснесы республикать народно-хозяйственнай планонц и бюджетонц;
г) ули правац максомс амнистия и помилования граждаттненди, конатнень судендазь Союзнай республикань судебнай органтне.
61-це статьясь. Союзнай республикань Верховнай Советсь кочкси Союзнай республикань Верховнай Советонь Президиум тяфтама составса: Союзнай республикань Верховнай Советонь Президиумонь председатель, теенза заместительхть, Президиумонь секретарь и Союзнай республикань Верховнай Советонь Президиумонь члетт.
Союзнай республикань Верховнай Советть Президиумонц полномочиянза определяндакшневихть Союзнай республикань Конституциять эса.
62-це статьясь. Заседаниятнень вятемс Союзнай республикань Верховнай Советсь кочкси эстеенза председатель и теенза заместительхть.
63-це статьясь. Союзнай республикань Верховнай Советсь образует Союзнай республикань Правительства — Союзнай республикань Народнай Комиссаронь Совет.