Советскяй Социалистическяй Республикань Союзть Конституцияц (1936)/1938.01.15/03

From Wikisource
Jump to navigation Jump to search
Советскяй Социалистическяй Республикань Союзть Конституцияц  (1938) 
СССР-нь Верховнай Советть
III Главась
Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц.
[ 10 ]

III ГЛАВАСЬ

Советскяй Социалистическяй Республикань Союзть государственнай властень высшай органонза

30-це статьясь. СССР-са государственнай властень высшай органкс ащи СССР-нь Верховнай Советсь.

31-це статьясь. СССР-нь Верховнай Советсь эряфс йотафнесыне сембе праватнень, конат максфт Советскяй Социалистическяй Республикань Союзти Конституциять 14-це статьянц коряс, поскольку синь аф сувсихть, Конституциять коряс, СССР-нь органтнень компетенцияс, конат подотчетнайхть СССР-нь Верховнай Советти: СССР-нь Верховнай Советть Президиумонц, СССР-нь Народнай Комиссаронь Советть и СССР-нь Народнай Комиссариаттнень компетенцияс.

32-це статьясь. СССР-нь законодательнай властть эряфс йотафнесы аньцек СССР-нь Верховнай Советсь.

33-це статьясь. СССР-нь Верховнай Советсь ащи кафта палатаста: Союзонь Советть и Национальностень Советть эзда.

34-це статьясь. Союзонь Советть кочксесазь СССР-нь граждаттне избирательнай окрукнень эзга тяфтама нормас коря: 300 тьожятть населенияста фкя депутат.

35-це статьясь. Национальностень Советть кочксесазь СССР-нь граждаттне союзнай и автономнай республикава, автономнай областтнень и национальнай окрукнень эзга тяфтама нормас коря: 25 депутатт эрь союзнай республикать эзда, 11 депутатт эрь автономнай республикать эзда, 5 депутатт эрь автономнай областть эзда и тифтень депутат эрь национальнай округть эзда.

36-це статьясь. СССР-нь Верховнай Советсь кочксеви ниле кизонь пингс.

37-це статьясь. СССР-нь Верховнай Советть кафцьке палатанза: Союзонь Советсь и Национальностень Советсь равноправнайхть.

38-це статьясь. Союзонь Советти и Национальностень Советти законодательнай инициативась принадлежит фкя лаца.

39-це статьясь. Законць лувондови утвержденнайкс, кда сон примаф СССР-нь Верховнай Советть кафцьке палатасонза кажнайть эса простой большинстваса.

[ 11 ]40-це статьясь. СССР-нь Верховнай Советса примаф закоттне публиковандакшневихть Союзнай республикатнень кяльса СССР-нь Верховнай Советть Президиумонц председателенц и секретаренц подписьснон мархта.

41-це статьясь. Союзонь Советть и Национальностень Советть сессиясна ушеткшневихть и аделакшневихть фкя пингова.

42-це статьясь. Союзонь Советсь кочкси Союзонь Советти председатель и теенза кафта заместительхть.

43-це статьясь. Национальностень Советсь кочкси Национальностень Советти председатель и теенза кафта заместительхть.

44-це статьясь. Союзонь Советть и Национальностень Советть председательсна вятихть руководства соответствующай палататнень заседаниясост и вятсазь синь внутренняй распорядкаснон.

45-це статьясь. СССР-нь Верховнай Советть кафцьке палатанзон марстонь заседанияснон йотафнесазь Союзонь Советть и Национальностень Советть председательсна поочередно.

46-це статьясь. СССР-нь Верховнай Советть сессиянзон терьнесыне СССР-нь Верховнай Советть Президиумоц кизоти кафксть.

Внеочередной сессиятнень терьнесыне СССР-нь Верховнай Советть Президиумоц зсь мяленц коряс или союзнай республикатнень ззда фкять требованиянц коряс.

47-це статьясь. Кда Союзонь Советть и Национальностень Советть йоткса лиси разногласия, кизефкссь макссеви разрешандамс согласительнай комиссияти, кона образовандаф паритетнай началас коря. Кда согласительнай комиссияти аф сатови согласнай решения или кда сонь решениянц мархта аф согласиндай палататнень эзда фкясь, кизефкссь ванондови палататнень эса омбоцеда. Кда кафцьке палататнень ширде аф ули согласнай решения, СССР-нь Верховнай Советть Президиумоц распускает СССР-нь Верховнай Советть и назначандай од кочкамат.

48-це статьясь. СССР-нь Верховнай Советсь кочкси кафцьке палататнень марстонь заседанияса СССР-нь Верховнай Советти Президиум тяфтама составса: СССР-нь Верховнай Советть Президиумонцты председатель, теенза 11 заместительхть, Президиумонь секретарь и Президиумонь 24 члетт.

СССР-нь Верховнай Советть Президиумоц сембе эсь деятельностьсонза подотчетнай СССР-нь Верховнай Советти.

49-це статьясь. СССР-нь Верховнай Советть Президиумоц: а) терьни СССР-нь Верховнай Советть сессиянзон; [ 12 ]б) максси толкования СССР-нь действующай закоттненди, ноляй укаст;

в) СССР-нь Конституциять 47 статьянц коряс распускает СССР-нь Верховнай Советть и назначандай од кочкамат;

г) эсь инициативанц или союзнай республикатнень эзда фкять требованиянц коряс йотафни сембенароднай опрос (референдум);

д) отменяет СССР-нь Народнай Комиссаронь Советть и союзнай республикань Народнай Комиссаронь Советтнень постановленияснон и распоряженияснон, кда синь ащихть аф законть коряс;

е) СССР-нь Народнай Комиссаронь Советть председателенц представлениянц коряс СССР-нь Верховнай Советть сессиянзон йоткста периодть валхни и путни должностьс СССР-нь отдельнай Народнай Комиссархнень и сяда меле утвержденияс макссесыне СССР-нь Верховнай Советти;

ж) казенди орденца и максси СССР-нь почетнай званият;

з) эряфс йотафнесыне помилованиянь праватнень;

и) назначандакшнесы и полафнесы СССР-нь вооруженнай виень высшай командованиять;

к) СССР-нь Верховнай Советть сессиянзон йоткста пингть об"являет войнань состояния кда СССР-ть лангс тиихть военнай нападения или кда эрявихть эряфс йотафтомс агрессиянь эзда фкя-фкянь арелямаса международнай договорнай обязательстватне;

л) об"являет общай и частичнай мобилизация;

м) кемокснесыне (ратифицирует) международнай договорхнень;

н) назначандасыне и меки терьнесыне лия странань государствава СССР-нь полномочнай представительхнень;

о) примсесыне сонь видесонза аккредитованнай иностраннай государствань дипломатическяй представительхнень верительнай и отзывной грамотаснон;

п) об"являет отдельнай местносттнень эса или сембе СССР-са военнай положения СССР-ть ареляманц или общественнай порядкать и государственнай безопасностть обеспечениянц интересса.

50-це статьясь. Союзонь Советсь и Национальностень Советсь кочксихть мандатнай комиссият, конат проверяндакшнесазь эрь палатань депутаттнень полномочияснон.

Мандатнай комиссиять представлениянц коряс палататне решандасазь либа полномочиятнень лувомс законнайкс, либа кой-кона депутаттнень кочкамаснон кассировандамс.

51-це статьясь. СССР-нь Верховнай Советсь назначандакшни, мзярда сон лувсы эрявиксонди, любовай кизефксть колга следственнай и ревизионнай комиссият. [ 13 ]Сембе учреждениятне и должностной ломаттне обязатт выполнять ня комиссиятнень требованияснон и макссемс теест эрявикс материалхт и документт.

52-це статьясь. СССР-нь Верховнай Советть депутатоц судебнай ответственностьс таргамс или арестовандамс аш кода СССР-нь Верховнай Советть согласияфтома, а ся пингть, мзярда аш СССР-нь Верховнай Советть сессияц, — СССР-нь Верховнай Советть Президиумонц согласияфтома.

53-це статьясь. СССР-нь Верховнай Советть полномочиянзон йотамда меле или срокта инголе сонь роспусктонза меле СССР-нь Верховнай Советть Президиумоц ванфтсыне эсь полномочиянзон мянь снярс, мзярс СССР-нь одс кочкаф Верховнай Советсь аф кочкай СССР-нь Верховнай Советонь од Президиум.

54-це статьясь. СССР-нь Верховнай Советть полномочиянзон йотамда меле или срокта инголе сонь роспусктонза меле СССР-нь Верховнай Советть Президиумоц назначандай од кочкамат аф кафта ковда поздна СССР-нь Верховнай Советть полномочиянзон йотамда меле или роспусктонза меле.

55-це статьясь. СССР-нь одукс кочкаф Верховнай Советть терьнесы СССР-нь ингольдень Верховнай Советть Президиумоц аф ковда поздна кочкаматнень йотамда меле.

56-це статьясь. СССР-нь Верховнай Советсь кафцьке палататнень марстонь заседаниясост образует СССР-нь Правительства — СССР-нь Народнай Комиссаронь Совет.