Сеп-сей наҙан. Шәйехзада Бабич

← Салауат батыр

Сеп-сей наҙан (шиғыр) автор Шәйехзада Бабич

Скрипка →

Ижад итеү ваҡыты: 1911. Сығанаҡ: Бабич Шәйехзада. Беҙ үҙебеҙ - башҡорттар: шиғырҙар, поэмалар, фельетондар, мәҡәләләр, хаттар, көндәлектәр. - Өфө: Китап, 1994. - 640 бит.

Сеп-сей наҙан

Бер әҙәм: "Русса беләмеһең һин?" — тип
Һораны; мин әйттем: "Беләмен мин" — тип,

"Йә, һөйләп ҡара!" — тигәс ул, мин тинем:
"Знакум, я бит ничауа незнаем!"

"Шәп икәнһең руссаға, Шайҡулзадам,
Кем өйрәтте, әйтсе?" — тине ул әҙәм.

Мин был һүҙгә аптырап торҙом; ләкин
Аңланым тиҙ: ул икән сеп-сей наҙан!

1911

---