Священная история Ветхого и Нового завета (1880)/В/Новый/52

From Wikisource
Jump to navigation Jump to search
Священная исторія Ветхаго и Новаго завѣта на эрзянскомъ нарѣчіи  (1880) 
by Юртовъ, Авксентій Филипповичъ
Новый завѣтъ. 52-це глава.
Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 137—138
[ 137 ]

52. Христозонь вельмезь стямодонзо.

Субботадо мейле васеньсе чистэ (недля чистэ) валске пекъ рана Пазонь Ангелъ менельстэ валгсь. Сонзо чамазо ёндолъ ладсо вандолсь, адюжазо ловонь кондямо ашо ульнесь. Сонъ Христозонь калмазь пещёранть кенкшензэ лангсто покшъ кевенть, (путозь печатенть апакъ кола) ве ёновъ кшумадезь, лангозонзо озась. Сестэ масторъ кеместэ соракадсь: Іисусъ Христосъ Эсь полной війсензэ, весе славасонзо калмстонзо вельмезь стясь. Каравулицятне тандадомадостъ, масторовъ пракшнозь, кулозь ломань коньдямотъ теевсть; мейле аломосъ паметьсъ сазъ кона ковъ, кона ковъ орголесть. Конатастъ, Іерусалимсъ сазь, весе мезе нейсть, мезе марясть ёвтлизь. Прявтъ священниктнэ, ве таркасъ седе курокъ промозь, думасть, арсесть да [ 138 ]каравулицятненень, ламо ярмактъ максозь, истя кортамо тонавтызь: «тынь», мерить, «вана кода ёвтледе: «минь веть удомстонокъ эзинекъ маря, кода Іисусонь тонавтницянзо сазь тѣланзо салызь». Салдатнэ, кедстэстъ ярмактнэнь саезь, ломатненень священниктнэнь тонавтозь ладсо кортасть (ёвтлесть). Еврейтне каравулиця салдатнэнь кургсто марязь кулятненень те шкамсъ (ней гакъ) кемить. Іисусъ Христосъ вельмезь стямодонзо мейле ламо разтъ ламо ломаннень неявкшнось. Весемеде икеле мѵро марто Сонзо калмонзо ваксъ молиця аватненень неявсь, мейле ліятъ кемицятненень гакъ, а весемеде ламо разтъ, Эсензэ Апостолтнэнень неявкшнозь, Пазонь царствасонзо тайнатнень содамостъ эйсэстъ тонавсь. Евангеліясо Іисусъ Христозонь ламо ломаннень, кемень разтъ появазь, неявомадонзо ёвтазь: 1) Магдаласто Маріянень, 2) Мѵро марто молицятненень, 3) Петра Апостолнэнь, 4) Еммауйсъ Эсензэ кавто молиця тонавтницятненень, 5) Весе Апостолтнэнень Ѳомавтомо, 6) Апостолтнэнень Ѳома марто вейсэ, 7) Тиверіада лемсэ моря лангсо, 8) Іаковъ Апостолнэнь, 9) Галилейской пандо прясо, 10) Сонсь менельсъ кептямсто ламо ломатнень неявсь.