Священная история Ветхого и Нового завета (1880)/В/Новый/20
20. Капернаумонь синагогасо азарсь ломанень потсто нечистоень паньмадо да Петрань тёщанзо віемтемадо.
Весть Іисусъ Христосъ, Капернаумъ городсъ сазь суббутань чистэ синагогасъ совась да тонавтомо кармась. Народъ Сонзо кулцонось да дивась: «Сонзо тонавтомазо авуль истякъ сёрмасъ содыцятнень тонавтомастъ кондямо», мерить: «Сонзо валтнэ эйсэ такодамо вій ули»! Сестэ синагогасонть вейке азарсь нечистой духъ марто ломань ульнесь. «Кадымизь минекъ, Назорейстэ Іисусъ! мезе ули Тенть эйсэнекъ? Тонъ ёмавтомонокъ сыть. Ки истяматъ Тонъ монъ содатанъ: Тонъ Пазонь Святоезэ»! сергедезь мерсь азарсесь. Христосъ мерсь тензэ: «сейремадо лоткакъ да листь эйстэнзэ». Нечистой духось ломаненть кеместэ сорновтызе да, кеместэ сергедезь, сонзо апакъ томбакъ лись эйстэнзэ. Весе народось соракадсь да эрва ёндо «те кодамо истя одъ тонавтома»? мерезь, вейкестъ вейкестъ кевстнеме кармасть: «нечистой духтнэ якъ кулцоныть Эйсэнзэ». Христосто эрва косо кортамо кармасть.
Синагогастонть Іисусъ Христосъ, Іаковонь Іоанонь марто саезь Петра марто Андреень кудозостъ сась. Тесэ инялдсть Тензэ Петрань тёщанзо орманзо пичкавтомань кисъ: сонъ гарячка ормасо сэредсь. Іисусъ сэредицянть ваксъ молезь, кедтензэ саезь, стявтызе. Сонъ сэридицянть кодакъ кедте саизе, ормазо сескэ кадызе.