Священная история Ветхого и Нового завета (1880)/В/Ветхий/33
| ←32-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 33-це глава. |
34-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 45—47 |
33. Еврейтнень Алтазь масторонтень совамодостъ.
Моисеень куломадо мейле Еврейтне Алтазь масторсонть Іорданъ лемсэ леень чиресъ пачкодсть. Іордандонть ве ёно, омбоце пелензэ, кеме Іерихонъ лемсэ городъ ульнесь. Іисусъ Навинъ се городонть парынестэ ваноманзо, эйсэнзэ эрицятнень содамостъ кисъ кавто ломать кучсь. Не кавто Еврейтне Іерихонсъ сазь ве Раавъ лемсэ аванень совамо годявсть. Іерихононь инязорось Еврейтнеде чаркодсь да кундамостъ ломать кучсь. Раавъ инязоронь кедстэ кучозь ломатненень ёвтась: „чіякъ“, мери, „монь кедсэмъ такодатъ кавто ломать ульнесть да, кода чизэ сундергадсь, сынь таковъ тусть. Монъ а содасынь ней сынь косотъ“. Кучнезь ломатне Раавонь валонзо инязоронтень ёвтнизь. Инязорось вешнеместъ кисъ эрва ёновъ ломать кучсь. Раавъ, кучозь ломатнень тензэ самостъ содазь, Еврейтнень таковъ кекшнинзе. Сонъ кучозь ломатнень туемадостъ мейле сынстъ тердинзе да кортась тенстъ: „минь“, мери, „содасынекъ, кода тынкъ Пазонкъ [ 46 ]Египетстэ ливтидизь да Якстере морянть кавтовъ явозь коске потмаксканзо ютавтыдизь. Монъ тыненкъ паро теинь, тынкъ куломадонкъ ваныдизь; тыньгакъ монь эсень тятянь весе семьянзо марто илимизь маштъ, кода минекъ городонть сайсынкъ“. Сонъ сынстъ пиксъ вельде вальмава городъ ушовъ валтынзэ. (Сонзо вальманзо городъ ушовъ ванылть несакъ). Сынь кода городъ ушосо велявть, Раавнэнь мерсть: „тонъ тятять весе семьянзо эсеть кудосъ пурныкъ да вальмаватъ якстере пиксъ поводь. Якстере пиксэнть кувалтъ минь тонь кудотъ содасынекъ да эйсэнзэ улезь ломотнеде вейкень гакъ а чавданокъ“. Мейле сынь кавнескъ шумбрань паро чистэ эсестъ народонтень велявтозь, мезе нейсть, мезе марясть весе ёвтнизь. „Пазъ“, мерить, „се масторонть миненекъ максызе; тосонь ломатне миньденекъ пелезь сорнозь сорныть“.
Теде мейле Іисусъ Навинъ весе народонть марто Іорданъ леень чиресъ сась. Іисусъ Навинъ Іорданонь чиресэ народонть лоткавтызе да мерсь тензэ: „Пазонь валонзо парынестэ кулцонынкъ! Сонъ вана меть корты: „Закононь Коробкась икелевъ сыргазо. Сонзо кандыця священниктнэ кодакъ конилька видьга Іорданонь веденьтень совить, сексъ, Іорданонь ведесь чудемадо лотказь, леенть потмаксозо коски: вере ёнсе ведесь чудемадо лотказь стѣнань кондямоксъ велявты, ало ёно ведесь весе морясъ туи“. Кода Іисусъ Навинъ мерсь, истя велявсь. Мейле весе Еврейтне Іорданонь троксъ коскева ютасть. Весе народдонть мейле Закононь Коробканть марто священниктнэ якъ лейстэнть [ 47 ]листь. Кодакъ сынь листь, Іорданъ леесь икелень ладсо чудеме кармась. Іорданонь троксъ листь Еврейтне да Пасхань праздникъ праздновасть. Омбоце чистэ сынь товсюросто*)[1] панезь ламбамо сюкородо ярсасть. Те чиденть мейле манна тенстъ знярдоякъ эзь пракшнокъ ужъ.
- ↑ (*) Пшеница.