Священная история Ветхого завета (мокшень)/B/39
| ←38. Пророк Самуил. | Священная исторія Ветхаго завѣта на Мокшанскомъ нарѣчіи Мордовскаго языка (1900) 39-це главась. |
40. Саулы̃нь оцязы̃ркс эрямац.→ |
| Священная исторія Ветхаго завѣта на Мокшанскомъ нарѣчіи Мордовскаго языка. Изданіе Православнаго Миссіонерскаго Общества. — Казань, типо-литографія Императорскаго университета, 1900. — с. 49—50 |
39. Оцязы̃ры̃нь пиҥксь.
Сиредем-бя̈ли Самуил путы̃зень цёранзы̃н судіякс Еврейхнень лаҥкс. Синь судендасть аф видеста. Сяс Еврейхня̈ пуры̃мсть Самуилы̃нди дӑ анасть кя̈цты̃нза оцязы̃р. Самуил озы̃нць Шкайти. Шкайсь мя̈рьксь теенза тіемда станя̈, кода атя̈тнень мя̈льсна.
Ся̈ пиҥкть фкя̈ аля̈нь ульсь пя̈кь мазы̃ дӑ оцю цёрац; сонь лемы̃цы̃ль Саул. Сонь алянц имасть ослицанза. Саул тусь ослицатнень вешемя̈; ослицатнень вешы̃мста сон мольсь ся̈ ошу, коса эря̈сь Самуил; сон ёралексы̃льця̈ кизефтемс Самуилы̃нь, коста вешы̃мат ослицатня̈. Мы̃зярда Самуил ня̈езя Саулы̃нь, Шкайсь мя̈рьксь теенза: вага ся̈ ломанць кона ули Израильтятненди оцязы̃ркс.
[ 50 ]Самуил мя̈рьксь Саулы̃нди: тят ризна ослицатнень кувалмы̃ва, синь синць молихть меки куду. Самуил кирьдезя̈ Саулы̃нь обѣдама дӑ уды̃ма. Шобдава Самуил ся̈всь шуфта вай дӑ тусь Саулы̃нь пы̃рважама. Мы̃зярда синь лиссть ошта ушу, Самуил кая̈зя̈ шуфта вайть Саулы̃нь прянц лаҥкс дӑ мя̈рьксь: вага Шкайсь вя̈ттянза тонь Еврейхненди оцязы̃ркс.
Аф ламы̃с ащезь Самуил тердезень Еврейхнень Массифав[1] жерьбань ёрдама, кинди улема оцязы̃ркс. Жерьбась прась Саулы̃нь лаҥкс. Самуил вя̈тезя̈ сонь наротть ёткс дӑ мя̈рьксь: вага кинь кочкась Шкайсь оця̈зы̃ркс, сонь лацы̃нза наротть ёткса фкя̈вы̃к аш. Народ иваць: эряза оцязы̃рсь!
- ↑ Массифась — ош.