Священная история Ветхого завета (мокшень)/О/54

From Wikisource
Jump to navigation Jump to search
Священная история Ветхого завета на Мокшанском наречии Мордовского языка  (1900)  by Евсевьев, Макар Евсевьевич
54-це главась.
Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 73—75

Пленста мърдамда меле Еврейхнень эряфсна.

Мъзярда Еврейхне совсем кадозь идолхненди сюконякшнемаснон, Шкайсь меки вятезень синь шачема масторозост. Еврейхне тага тисть эстиест Иерусалимса церькав дъ кармасть эряма Персидскяй оцязорть кядь-ала. Мъзярда Александр Македонскяй сяськозе Персидскяй оцязорть дъ масторонц сявозе эстиенза, эста Еврейхненьге сявозень эсь кядь-алонза. Александр Македонскяень куломда меле Еврейхнень эсь кядь-алонза сявозень Египецкяй оцязорсь.

Египецкяй оцязорхнень кядь-ала Еврейхнень эряфсна тёждяняль. Египецкяй оцязорхнень ёткста сембода лама пароть Еврейхненди тиезе Птоломей Филадельф. Сон Еврейхнень сембе книгас сёрматф писанияснон сёрматфтозень греческяй кяльса[1]. Кочкась сон Еврейхнень ёткста цебярь атят, конат Еврейскяй кяльсонга, греческяй кяльсонга цебярьста тонафтфтольхть; явондозень теест Евреень книгатнень дъ мярьгсь теест грекань кяльса сёрмадомдост.

Мекпяли Иерусалимть сявозе Египтяттнень кядьста Сириянь оцязорсь — Антиох. Антиох сонць язычниколь; сон кармась Еврейхненьге идолонди сюконяма кошярема. Еврейхне ашезь кулхцонда сонь. Эста Антиох идолонди аф сюконяманкса муцязень фкя авань сисем цёранзон, конатненди мярьгольхть: братья Маккавеи; муцязе синь учительснон — Елиазаронь; дъ тядяснон — Соломиянь.

Эста Иуда Маккавей пърдазень сембе Еврейхнень, панезе Антиохонь Иерусалимста дъ арась сонць Еврейхнень лангс оцюкс. Ся пингть римлятне воявазь сембе масторть лангста царстватнень: сявозь эсь кядь-алост Еврейхненьге дъ путсть синь теест оцязоркс Иродонь, конань пингста шачсь Иисус Христозсь.

 


  1. Ся пингть сембе тонафтф ломаттне корхтальхть греческяй кяльса.