Священная история Ветхого завета (мокшень)/О/49
49. Пророк Елисей.
Елисейсь масторть лангса эрямстонза тись лама чудат дъ цебярь тефт.
Весть беднай вдова сась Елисейти дъ мярьгсь теенза: монь мирдезе кулось дъ кадсь лама шумот; мондиень пандомс аш-мезьса, учемс макссихне шумоть инкса ёрасазь сявомс монь цёразень. Елисейсь кизефтезе сонь: мезьце тонь ули мимс? Авась мярьгсь: аф оцю парьняса ули аф лама ваезе. Елисейсь мярьгсь авати: кочкак шабратнень кядьста лама кядьгонят дъ кайсек эзост вайцень. Вдовась ся аф лама вайть марта пяшкодезень сембе эсь кядьгонянзон дъ шабранзон кядьста кочкаф кядьгонятнень; мизе вайть, пандозень ся ярмакнень мархта шумотнень дъ нинге эстиензонга иденза мархта илядьсть ярмакт.
Сирийскяй оцязорть сярятькстсь начальникоц, конань лемоцоль Нееман. Неемансь Еврейхнень эзда кулезе, кодама чудат тиенди Елисейсь дъ тусь теенза прянь пъчкафтома. Елисейсь ашезь лисе Нееманть васьфтема, аньцек слуганц вельде мярьгсь Нееманти сисемксть чопафтомда Иордан ляйса. Ся ашезь ту Нееманть мяльс; сон мярьгсь: Мон арьсень, пророксь озонды монь инксон эсь Шкаенцти, а сон кучи монь эсон Иордан ляйти эшелема; али минь Сирияса ляеньке сяда аф цебярьхть; дъ апак эшелек тулексоль меки куду; аньцек слугац корхтазе сонь эшелема Иорданса. Неемансь тусь Иорданть лангс дъ сисемксть чопафтсь эсонза. Кодак сон чопафтсь сисемцеда, проказась штазь штавсь — пъчкясь. Пъчкафтомда Нееман кандсь Елисейти лама казнет, но Елисейсь мезевок ашезь сяв. Гиезий, Елисеень слугац, сатозе Нееманонь ки лангса, дъ васькафтозь, Елисеень лемса, анась сонь кядьстонза кафта талантт серебра дъ кафта пархть одёжа, дъ кяшезень сембонь снянь эсь пялонза. Елисейсь содазе тя васькафтомать, тердезе Гиезиень дъ мярьгсь теенза: тя васькафтоманкса Нееманонь сярядемац педи теть. Эстокиге Гиезиень телац вельтявсь проказаса.
Ётась киза Елисеень куломда меле. Кандсть калмамс ломань; кандыхнень лангс нападондасть неприятельхть, синь путозь кулоть ташта калмос, а синць тусть ласькозь. Ся калмось Елисееннель. Кодак кулось токась Елисеень ловажанцти, эстокиге эреклась.