Священная история Ветхого завета (мокшень)/О/40

From Wikisource
Jump to navigation Jump to search
Священная история Ветхого завета на Мокшанском наречии Мордовского языка  (1900)  by Евсевьев, Макар Евсевьевич
40-це главась.
Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 50—51

40. Саулонь оцязоркс эрямац.

Оцязоркс арамда меле Саулсь ушедсь война филистимлятнень мархта. Пърдась солдатт дъ кармась Самуилть учеме, войнада инголе жертвань кандома. Ётась сисем шит, а Самуилсь ашезь сашенда. Саулть солдадонза кармасть пелеме филистимлятнень эзда дъ кармасть кудга ворьгодеме. Саулсь ашезе уча Самуилть, сонць кандсь жертва. Аньцек Саулсь кенерсь жертвань кандомс, сась Самуилсь дъ мярьгсь теенза: аф цебярьста тиеть, мес ашемайть уча жертвань кандома. Сяс тон ламос аф улят оцязоркс; Шкайсь муй эстиенза иля ломань дъ путсы сонь оцязоркс.

Аф ламос ащезь Шкайсь мярьгсь Саулти Самуилть вельде юмафтомда амаликитятнень сембе жуватаснон дъ паршиснон. Саулсь шавондозень аф сембе амаликитятнень: кадозе живста оцязорснон дъ цебярь жуватаснон. Самуилсь сась дъ сюцезе Саулть Шкаень аф кулхцондоманкса. Саулсь видептелексольхце прянц. Сон мярьгсь Самуилти: мон кадыне ня жувататнень Шкайти жертвань кандомс. А Самуилсь теенза мярьгсь: Шкайть кулхцондомац жертвада цебярь. Сяс, мес тон ашить кулхцонда Шкайть, тон аф улят оцязоркс. Сяда меле Самуилсь тулексыль, Саулсь фатясь адёжазонза дъ сязезе адёжанц. Эста Самуилсь мярьгсь: тячи Шкайсь сявозе тонь кядьстот Еврейскяй царствать дъ максозе илянди, кона тондедот цебярь. Сальде Самуилсь мярьгсь вятемда амаликитянскяй оцязорть дъ керсезе сонь.