Священная история Ветхого завета (мокшень)/О/34
34. Ханаанскяй мастору Израильтятнень сувамасна. Иисус Навин.
Моисеень куломда меле Израильтятнень лангс оцюкс арась Иисус Навин. Мъзярда Еврейхне пачкодсть Иорданть малас, Иисус Навин мярьгсь попненди сявомда Ковчег Заветть дъ сувамда мархтонза пълманжава ветти; ся вастса вярьде ширде ведсь арась стенакс, а алда ширдесь тусь шудезь; Еврейхне ётасть Иорданть коське потмаксканза.
Сальде Еврейхне пачкодсть Иерихон ошть малас; ся ошть перьф кеме кевонь стенатольхть.
Шкайсь мярьгсь турбаса турбазь кандомда Ковчег Заветть ошть перьф: солдатненди молемда инголи, а наротти Ковчег Заветть мельге. Израильтятне кота шит стане ётасть эрь шиня весть ошть перьф; сисемце шиня синь ётасть ошть перьф сисемксть; сисемцеда ётамстост Иерихонть стенанза синць каладсть, и Еврейхне шавондозь сембе Иерихон эряйхнень.
Сисем кизоста Иисус Навин сявозе сембе Ханаанскяй масторть, дъ явозе кемгафтува, Иаковонь цёранзон родснон коряс. Сяда меле Иисус Навин эрясь аф ламос.