Священная история Ветхого завета (мокшень)/О/32
| ←31. Аравийскяй пустыняса чудатне. | Священная история Ветхого завета на Мокшанском наречии Мордовского языка (1900) by 32-це главась. |
33. Еврейхнень нильгемонь кизот Аравийскяй пустыняса якамасна.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 37—39 |
32. Шкайсь Синай пандть лангса максы Еврейхненди закон.
Египетста лисемда меле, ведьгемонь шинь ётазь, Еврейхне пачкодсть Синайскяй пандть малас. Синь самдост меле, Синайскяй пандть вельхтязе равжа туця; кармась торама атям, дъ кифчиеме ёндол.
Тихтедсь Шкайсь дъ азсь теест кемень заповедть:
1. Мон тонь Шкайцян, Мондедон башка кодамовок иля шкайхне тяст уль.
2. Тят тиенде эстить идолхт, дъ кодамовок синь лацост, мезь ули менельса вяре, мезь масторть лангса ала, мезь ведть эса, модада ала: тят озонкшне теест.
3. Шкайть лемонц стак ащемда (зря) тяк кунце.
4. Мяляфтк суббота шить[1] — цебярьста ётафтк сонь. Кота шит работак, — ня шитнень тиить сембе тефнень, а сисемце шись, субботась, улеза Шкайти.
5. Аляцень, тядяцень кулхцондыть, сянкса эститке ули цебярь, масторть лангсонга ламос эрят.
6. (Ломань) тят шав.
7. Тят усксевь.
8. Тят сала.
9. Мала ломанцень лангс стак ащемда тят корхта (васькафне).
10. Тят кая сельме ялгацень[2] аванц лангс, аф сонь кудонц лангс, аф паксянц лангс, аф работнеконц лангс, аф буканц лангс, аф осёлонц лангс, мезенц лангска тят кая сельме.
Еврейхне эводсть Шкайть вайгяленц эзда, дъ мярьгсть Моисейти: арт тон ськамот пандть пряс Шкайть кулхцондома, сальде сембонь азондсайть теенек: кода мярьги сон теть, стане минь тихтяма. Моисейсь тусь пандть пряс дъ нилегемонь шит-вет корхтнесь Шкайть мархта. Шкайсь макссь теенза кафта кевонь седяфт, конатнень лангс сёрматфтольхть кемонь заповедтне.
Моисеень панда пряса улемстонза, еврейхне пуромсть сонь брадонцти, Ааронти дъ мярьгсть теенза: Моисей маряк юмась тоса, тик теенек ся шкайть, конанди минь озонкшнеме Египетса. Ааронсь карнесь наротть эса, сон мярьгондсь теест Моисейть учемда.
Эста Еврейхне синць кочказь аваснон кядьста серень пильксснон дъ сурксснон; солафтозь сембонь, валсть эстиест серень ваз, дъ кармасть теенза сюконякшнеме, кода сюконякшнесть Египетса.
Пандть пряста валгомста Моисейсь няезень, кода Еврейхне сюконякшнихть серень вазти; сон пяк кяжияфтсь лангозост — кядьстонза прасть Шкаень максф заповедень седяфне дъ лазондовсть.
Моисейсь сявозя серень вазснон дъ тапазе сембонь, пяльксонзон шовазень пулькс, каязень ведьс, дъ ся ветта Еврейхненди мярьгсь симомда.
Сальде сонць тага тусь панда пряв, дъ тага ащесь тоса нилегемонь шит-вет. Шкайсь тага макссь од седяфт заповеднень мархта, дъ тонафтозе, кода тиема скиниясь (походнай церькавсь).