Священная история Ветхого завета (мокшень)/О/31
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 36—37 |
31. Аравийскяй пустыняса чудатне.
Чермнай морять туркс ётамда меле, Моисейсь сявозень Еврейхнень шава паксява Синайскяй пандть пяли. Молемста Еврейхне колма шит ашесть мушенда ведь. Колма шида меле синь мусть ведь, ся ведсь сяпиель и афоль пъчке симомс. Моисейсь ушедсь озондома Шкайти. Шкайсь кулезе сонь озондоманц дъ мярьгсь путомда ся ветти фкя шуфта пакш; ветть сяпоць эстокиге ётась, и Еврейхне симсть ся ветта. Фкя ковонь ётазь, Еврейхнень лиссь сембе Египетста сявф кшисна, дъ тага кармасть пеняндама Моисейть лангс.
Шкайсь мярьгсь Моисейти: азк наротти: илять ярхцатада сивольда, а шобдава максан теенть кши. Афкукс, илять састь лиезь кочкодыкт (ёрт), дъ пяшкодезь сембе ся вастть, коса ащесть Еврейхне, а шобдава пиземкс прасть менельста акша ямкст. Еврейхне, тянь няезь, ушедсть фкя-фкянь кизефнеме: мезь тя тяфтамсь? Моисейсь мярьгсь теест: тя кши, конань максозе теенть Шкайсь ярхцамс. Еврейхне путсть тя кшити лем: манна. Тя маннась прашендсь эрь шобдава, субботада башка.