Священная история Ветхого завета (мокшень)/О/26
26. Моисейть Египетста ворьгодемац.
Фараонть пяле эрямста, Моисейсь сидеста якась Гессемскяй масторти раднянзон пяли. Весть сон няезе, кода фкя Египтянинсь пикссь еврей. Моисейсь арась еврейть ширес, шавозе египтянинть дъ калмазя шуварть потмос. Омбоце шиня Моисейсь танга лиссь дъ няйсь кафта сялонды еврейхт; сон мольсь теест дъ мярьгсь: тинь кафцке браттада, мес мъле сялонттада, а синь мярьгсть теенза: кие путонзе тонь минь лангознок оцюкс, аф ёрасамасть-ли тон минге шавомс, кода исяк шавить египтянинть? Моисейсь, къда кулезе тянь, эводсь; сон арьсесь, сянь содасы Фараонсь. Моисейсь эстокиге ворьгодсь Мадиамскяй мастору; тоса сон ушедсь эряма попонь пяле, конань лемоцель Иофор. Ърьвяяйсь Иофорть стиренц лангс дъ нильгемонь кизот вантсь теенза учат.