Священная история Ветхого завета (мокшень)/О/23
| ←22. Иосифть брадонзон Египту васенце молемасна. | Священная история Ветхого завета на Мокшанском наречии Мордовского языка (1900) by 23-це главась. |
24. Иаковть куломац.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 27—29 |
23. Иосифть брадонзон Египту омбоцеда молемасна.
Кизода меле Иаковть сивовсь сембе Египетста рамаф сёроц. Сон тага ушедсь цёранзон кучема Египту сёронь рамама. Цёранза мярьгсть: минь Вениаминфтома аф мольхтяма сёронь рамама, соньфтемонза Египетста сёронь мишендись ашезь мярьге сашендомда. Иаковсь мярьгсь: тяфта тинь монь сембе иднень юмафтсаенть: Иосифсь аш шиса, Симеонть кадость Египту, тяни Вениаминтьке ёрасасть сявомс. Вениаминфтома мон тяса ризназь кулан. Эста Иудась сявозе эсь лангозонза Вениаминть шумбраста тумс куду. Тяда меле Иаковсь нолдазе Вениаминтьке, дъ сембе кефкие братт тусть Египту. Египту самда меле синь сембе мольсть Иосифонди дъ тага сюконясть пильгозонза. Кодак Иосифсь няезе Вениаминть, сонь тусть сельмоведенза дъ лиссь сон иля кудс. Сальде анокласть Иосифонь брадонзонди ярхцама дъ озафтозь синь кизоснон коряс: васенда сембода сиреть, ваксозонза сяда отть, сянь ваксс нинге сяда отть, стане озафтозь сембонь рядс. Ярхцамста Иосифть сембе брадонзонди путнесть ярхцама пяльда фкакс, а Вениаминти путсть ветексть сяда лама. Ярхцамда меле Иосифсь мярьгсь сембе брадонзон кяскавозост каямда сёрот дъ путомда эзост сембе туф ярмакснон, а Вениаминть кяскавозонза мярьгсь путомда нинге сонцень сиянь чашанц. Тяда меле синь сембонь нолдазь куду. Брадонзон тумда меле, Иосиф тердезе эсь куд ваныенц дъ мярьгсь теенза: арт сатыть ся ломатнень, синь салазь монь серень чашазень. Сон сатызень синь, вешендезень, музе чашать Вениаминть кяскавста дъ мърдафтызень синь меки. Иосифсь кяжиста кизефтезень: мезь тинь тяфта тиеде? мезенди саласть монь серень чашазень? Брадонза мярьгсть: мезь тяни минь корхтатама, кода видендсайнек пряньконь? минь чашацень ашеськ сала, теенек тяфта Шкайсь панды грехоньконь инкса, аш месендемс теенек, иляттама сембе теть работнекокс. Иосифсь мярьгсь: аньцек ся, конань кяскавста мувсь чашась, иляды, а тинь сембе арда куду. Эста Иудась мярьгсь Иосифти: Фараон! Вениаминть вастс илядан мон, а сонь брадонза мархта нолдак куду, минь корхтаме-ни теть, аляньке сире, сон Вениаминть минь эздонок сембода пяк кельгсы, къда минь сатама Вениаминфтома куду, аляньке ризназь кулы. Ня валхнень корхтамста Иосифсь ашезь кирде, аварьгадсь, мярьгсь лисемда кудста сембе Египтятненди дъ мярьгсь брадонзонди: мон тинь брадонтян, Иосифсь, арда сяда курок куду дъ азость алязти, што мон нинге живан; кадость сон сай Египту, ётась аньцек кафта вача кизот, нинге ули вете вача кизот. Брадонза тусть куду дъ самда меле азондозь аляснонди, мезь тиевсь мархтост. Иаковсь пяк кенярдсь Иосифть кувалмова. Сон кочказе сембе паршиенц, сявозе сембе семиянц (сонь семиясонза сизьгемонь вете ломанель) дъ тусь Египту. Иосифсь васьфтезе сонь дъ вятезе оцязорти. Оцязорсь максозе Иаковти эрямс Гессемскяй масторть.