Священная история Ветхого завета (мокшень)/О/19
19. Иосифть мишендьсазь брадонза.
Иосифть оцю брадонза вантсть аляснон стадаснон. Весть синь панезь жуватаснон пяк ичкозе кудснон эзда, дъ ламос синь кувалмоваст ашель куле. Иаковсь мярьгсь Иосифти: арт варжайть братнень, шисот-ли синь дъ целайхть-ли синь стадасна. Иосифсь щазе цебярь щамонц дъ тусь. Брадонза няезь сонь ичкоздекиге дъ кармасть эсь ётковаст корхтама: вага сай минь ононь няинеке, дайти шавсаськ сонь. Эста оцю братсна, Рувимсь, мярьгсь теест: мезенди минь шавсаськ эсь брадоньконь? ёрдасаськ сонь коське эшись, катк тоса сонць кулы. Сон кортась тяфта брадонзонди вага мес: сон сяда меле ёралексольхце таргамс сонь эшиста дъ нолдамс куду. Брадонза кулхцондозь Рувимть, дъ ёрдазь Иосифть коське эшис. Иосифть ёрдамда меле Рувимсь тусь шири брадонзон ёткста; тя пингть Иосифть брадонзон вакска ётасть Измаилонь купецть; брадонза таргазь Иосифть эшиста дъ мизь комсь сия ярмакта. Купецне ускозь Иосифонь Египту дъ тоса мизь Пентефриенди, кона служендась Египетскяй оцязорти. Иосифть брадонза печксть каза вяроске, вадендезь сонь вяронц мархта Иосифть мазы щамонц, дъ кучезь сонь Иаковонди, тяфта мярьгозь: минь тя щамть муськ паксяста, аф Иосифонь-ли сон? Иаковсь содазе Иосифть щамонц дъ ламос сяда меле сон авардсь кельгоме цёранц кувалмова.