Священная история Ветхого завета (мокшень)/О/10
| ←9. Вавилонса столбать тиемац. | Священная история Ветхого завета на Мокшанском наречии Мордовского языка (1900) by 10-це главась. |
11. Авраамонди Шкайть кафта ангел мархта тихтедемац.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 12—13 |
10. Авраамть Ханаанскяй мастору тумац.
Къда ломаттне сърадсть сембе масторть ланга, синь юкстазь Шкайть, дъ кармасть сюконякшнема идолонди, илядсь аньцек фкя Шкаень мяляфты ломань, — Авраам. Шкайсь тихтедсь теенза дъ мярьгсь: листь тя Халдейскяй масторста, дъ арт иля мастору, конань Мон теть няфтса. Авраамсь кулхцондозе Шкайть: эстокиге сявозе алянц Фаррань, аванц Саррань дъ плямяннеконц — Лотонь, дъ тусь мархтост Ханаанскяй мастору. Ки лангса Авраамть аляц кулось. Къда пачкодсь Авраамсь Сихем лашмоти, Шкайсь танга тихтедсь теенза, дъ мярьгсь: сембе тя масторть Мон максса теть дъ тон родцти; Мон раштафтса тонь родцень, кода менельса тяшттне, кода моряса шуварсь. Авраам, сюконясь Шкайти, дъ тись ся вастти, коса теенза тихтедкшнесь Шкайсь, озксонь кандома васта.
Авраам мархта Лотонь ламоль жуватасна. Синь жувата ванысна сидеста сялонкшнельхть фкя-фкянь мархта дъ пеняндакшнельхть фкя-фкянь лангс азорснонди. Авраам афолезе кельга сялонкшнемать; сон мярьгсь Лотти: тай яфтама, сяфть эстить кодама кельгат васта, къда тон туят види кядь шири, эста мон туян кержи кядь шири, а къда тон туят кержи кядь шири, эста мон туян види кядь шири. Лотсь кочкась сембода цебярь вастть, Иорданскяй лашмоть, дъ кармась эряма Содомса; Авраамсь лоткась эряма Хевронть малас, Мамврийскяй вирнять ваксс.