Омонимдар: Ҡорбан ашы. Гүзәл Ситдиҡова

From Wikisource
Jump to navigation Jump to search

Ҡорбан аша
автор Гүзәл Ситдиҡова
«Омонимдар» циклынан. Ижад итеү ваҡыты: 2012.


Ҡорбан ашы



Бойҙайҙы ваҡлап ярма,
Эрерәк булһын ярма!
Әҙер ҡорбанға ҡуйым,
Ашыбыҙ булыр ҡуйы.
Ҡунаҡ килер теҙелеп,
Таҫтамалдар теҙ элеп,
Ҡул йыуырҙар сиратлап,
Йортҡа инмәҫ сир атлап.
Изге көн - Ҡорбан ғәйет,
Ҡунаҡҡа ҡорбанға әйт,
Ҡорбан улы Кәримгә,
Әхмәтшәрифкә, Римгә!


2012