0%

Мин — даһи. Шәйехзада Бабич

From Wikisource
Jump to navigation Jump to search
Мин — даһи (шиғыр)
автор Шәйехзада Бабич
Ижад итеү ваҡыты: 1916.



Мин — даһи


— Мин уҡыусы, мин йыраусы, мин — даһи,
Уҙҙырырмын мин даһиҙан, билләһи!

— Сеү! Ханис булырһың, ант итмә, иҫәр,
Сеү, даһи йәндәрҙе рәнйетмә, иҫәр!
Даръяны үртәйем тигән сәпсек һымаҡ,
Буш ҡыуыҡ холҡоңдо аңҡытма, иҫәр!

— Мин — даһи! Йөрөмәм үҙемде кәм тотоп,
Тергеҙәм үлгән йөрәкте ант итеп.
Ник… Ханис булһам, түләрмен кәфарәт,
Бар ғүмергә ут тотоп та ҡан йотоп.


1916