Мезэ эряви содамс эрь дэяти/1
[ 3 ]Кыда пижэ идьнэть мезнец-ка аф сэрэди, деянцты сон кенэндема васта, а кыда сон аф шумбра мархтонза юмафкс арафкс: аш тейнза, сюдофти ваймафкс аф шить, аф веть, козанянга васта аф муви, сединяц сэздндезь-сэзндеви.
Идьнэсь пишкоды, дэянц сельмэ-ведензда шюдийхть а мезэ сэнь мархта тият? Сэреди пишкоды, сембонь уроскофцыень, а кыда касы тяфтама тетьмаконэсь эздодонза тоже пара аф нэят.
Эряви станэ касфтомс идьнэцэ, штоба сон дэль урмаякшнэ и тонць-кэ анцяк кенэнчнелеть лангозонза ванозь.
Кода арай тяфта тиймос?
Васенкие эряви содамс, кода, да мезса тетьмакть андомс. Тоса эряви маштомс мельганза якама. А кыда тетьмакти тиеви урма, эста куроконэ молхть мархтонза дохторти а аф варажьетненди, да сирэ бабатьненди: сятнень тон тэйть кулхцонт и мезэ мергихть, тят тийндэ.
Эряви шерхькодьмосни, што апак тонафт мезнява аф тиеви. Афандови, аф касфтови тетьмаксь-кэ.
Сембэ тефнень колга эряви тонафнемс содай ломаць эзда, кода арай якамс да касфтомс идьнэтнень. Станэ-жа эряви тонафнемс сят ломатнень эзда, кие сонць лац содасы тэ тевть, а аф стама ломаннь эзда, конац сонць тэнь колга мезнява аф содай.
[ 4 ]Тэ вов книжканэсь сэнь колга серматф, кода эряви якамс идьнэть мелэ, кода сонь андомс, кода ванмос урмада ды куломода.
Сех лама идндяда кулси васенцэ кизонястост киза кучкаста, кизонда; минь масторсонок — СССР-ть эса лама вастова пэлсна иднэтнень эзда кулсихть ёмбланяста, васенцэ кизонястост. Мес тяфта? Вов мес: пижэ иднэсь ломаннесь ненгэ вийфтема; кыда теенза аф лездат, аф маштоньдэрят мельганза якама, аф касфтови сон. Кыда варжамс, кона иднэтнэ кулыйхть васенцэ кизонястост, эста нейсаськ: пижэ иднэтнэ кулсихть, кыда аф потяфцазь дэясна, ы̆лэ нингэ вохси пиженяста кармайхть аннемост ямняда, кшеняда, да порьфта. Станэ антф иднэтнэ ушептыйхть уксондома, писькизема да тяконь эзда кулыйхть. Иднэтнэ, конатнень потяфцазь дэясна эсь лофцост, а ямняса ушенцазь андоманза анцяк пэлэ кизода мелэ, сят лядондыхть шиса, хуть и писькизьмась мулхьцень.
Вов мезэ эряви аф юкснемс васенкие: пижь иднэть пэлэ кизос потяфтк эсь дэянь лофьцкада, а лияда мезденгэ тяк аннэ. Дэянь лофцькэсь сехта цебэрь, сехта топофты ярсцама пэлсь пижэ иднэти. Дэянц лофка эса ули сембэ мезэ эряви касомознза ды шумбра шисонза. Кодамовок лие ярсцам-пэль теенза макссемс аф эряви: лие ярхцама пэлсь анцяк урмаяфцы иднэть. Кода топоди иднэти пялэ-киза, сонь эряви эста аннемс ненгэ лофца ямняда.
Омбоцесь вов мезэ аф юкстамс: потяфтомс дэяти иденц фкакс, а аф мы̆зярда сон аваргады. Цебэрь потяфтомась ули эста, мызярда анцяк иднэть шить эрь колма частса весть, а веть тяк тонафнэ потяма. Кода тонафцак, [ 5 ]станэ туй тевсь-кэ. Веть сон кармай удома 6—8 частт, тоньценнгэ ваймафттанза. Аргозь иднесь эрь потямста кармай сяда лама потяма лофцта. Потяфнемс сянкса сонь эряви сяда шуроста, ёмбла итть горяс. Шачемода мелэ, васенцэ колма кофнень эзда антк индэть колмоксть, шити (шовдаваста шовдавас) сяда мелэ тонафнек сонь потяма 3½—4 часста мелэ, ылэ шизонза анк анцяк ветексть. Тяфта андомать эзда иднэсь аф кармай авардема. Эстэйть-кэ ули сяда теждэ.
Кыда иднэсь шить уды мельцек 4 част, эста стяфтк сонь ди потяфтк, а веть вохсю тяк стяфнэ.
Мэрьгат: „кода-на аф андомс иднэть, кы̆да сон кармай рангома?“ А тон мэлявтат, кыда сон рангн, так вачсь, сяс и ранги? Ай-аф, изь вач. Сонь боконянза сэрэцть, сон начксь, ырдаскаць, кунара апак эшьлек, ыли нулац алнза пуромсь аф лац.
Урямнесонза иднэть аф пара вастоц, сон пишкоды
Мызярда тон иднэцень тонафцак, кода улсь ни азф колма частта инголэ потяма сон аф вачи.
Колмоцесь; — эряви мэштьнень-гэ макссемс аф кафцьконь эрь потяманэ. Весть потяманэ максек фкэть потэцень, видить мэрьктям, омцэ потямоцэ — кершть. Кафцкэ мэшттнень эряви макссемс фкэ потяфтомста стама иднэти, конанцти топади пэлэ кизони сэ пинкста лофцта мэшттнень эса эрэй сяда кыржа.
Мызяра врема эрь потямста иднэть эряви кырьдемс мэштцень ваксса?
Антк иднэть, мызярс аф топоди сон; топоденьдерэй — сон матодови. Кыда матодови, валомнэ явштк мэштцень эзда ды̆ путк вастонязонза удома. Кыда иднэсь аф урмав, топочни 10-15-шка минутста. Кыда потямода мелэ иднэсь [ 6 ]кармай уксондома, эста потяфтт иднэть эзда сяда кыржа времада. Кыда иднэсь матодовсь ни, эста сяда ламоксть мэштцень тяк макссэ, хуть ба сон курок сыргозель. Станэ коласак сонь потмонянц: иднэсь лишнай лофцонэ потэй и сэнь эзда урмаськады. Кыда аф ванцайть сембэ нят содаматнень, тетьмаконэсь ушепты уксондома, пеконяц уйфти галдордома. Сянкса сон кармай пишкодма, ды сидеста вадендевма, а выдь сэ тайнза урма-ни.
Ванмос урмада тетьмаконэть сяда теждэ, урмать праводндофтоманц горяс.
Андомода инголэ мызярдонянга тяк нюрхнэ тонць мэшцтоть лофцонэцень, — нюрхнемась иднэти аф пара канды.
Тяк уряфнэ, тяк шерьфнэ иднэть: — титэ тейнза аф пара, а андомода мелэ сянкса уксондома кармай.
Потяфтома пинкста аф эряви ашчемс стяда ылэ якамс, ылэ кодамава тев тийндемс. Иднэть андомац — тевсь оцю, — се пинькста сембэ лие тефнэ эрявихть кадмос.
Потяфтомода инголэ штайть кэтьнень да мэштэ пенэцень кельмэ локафтф ведьняса озак аф кенордазь, да путк иднэцень мэштцень вакс. Ватт, шалконяц иднэть дэль пандов мэшцот: идняти потямста эряви шалсконянц пачк тарксемс ваймоц. Оцю сурсот люпштак мэшцень. Потявтомода мелэ танга штак мэштцень да мештэ пеняцень веца, ды нардак ару лоскоца.
Кыда мэштцень аф кырцак аруняста, мэштенетнэ лияста лазондовихть, а лазьфсь сырхкай поколькс, таргови мэштцэ пэк, урмаськодат мештэнь урмаса ды кувац кармат сэрэдьма. Тэ сэрэтьфть праводндамознза иднэть эряви лоткамс потяфтомода, а дэянь лофцтома иднэсь-кэ урмаяй. Нингэ, кыда мэштцень аф кырьцак аруняста, [ 7 ]иднэть сэрэтьксты курга потмоняц, кармай кургоняць паньжома (молочница). Эста тетьмаконэсь лоткай потямода, осалгады, ушепты писькизьма, а тоса аф ичкизэ эздодонза ули куломась-кэ.
Курга потмонянц иднэть тяк нарнэ мызярдонга: аф андомода инголэ, аф андомода мелэ. Тэйть кулхцонт сят ломатнень, конат тяфта
 |
| Шамнень шафтомода мелэ эряви тяфта ашкорямс иднэть: фкэ нолать эряви мендемс колма ужеса, фкэ пенц нолдамс пильгонзон ёткова, а кофта петнень эзда ашкорямс кофта пельдэ теланц. |
тейть кармахть корхтама. Курга потмосна сэрэчнийхть стама иднэтнень, конатнень потяфцазь, кода повсь, конатнень потяфцазь апак штак потяста, соскаса.
А кыда сэряць ни тонь иднэцень кургоняц молхть куроконэ дохторти и тийнть станэ, кода сон тейть мэрьги.
[ 8 ]„Мезда тейнь ярцамс, мездэ аф ярцамс?“ — сидеста кизефнесазь потяфты аватнэ
Ярхцамс и симмос эряви сынара, мызяра кельгат. Ярхцак сембэ ярсцаматнень эзда, конатнень ззда ярхцсеть потяфтомода инголэ. Ватт, анцяк тяса пэкста ярцафксь потмоцень, ды̆ тяза калафта сонь. Ярхцак шапомдонга, салудонга, пижэ кормодонга (куярда, пурхькада, лиядонга а шюрхькада да чеснокта лючи тят ярхца)
 |
| Сяда мелэ шамнянц ланга иднэть ашкодмос лие нуласа, а кэдснзон кадмос ушу апак ашкотт. |
Анцек винада да позада вохсю аф эряви симмос. Позать эзда лофцта лама мэштезт аф сай. Лама кармат симма позада, пряцэ дураськады, ваймоцэ аф тарксеви, а лофца мэштезт тиеви кыржа. Стакаста тят каннэ, а ту урмаят; тон урмаят сяда курок, аф потяфты ломань горяс. [ 9 ]Касфтомс кемэ иднэ — тевсь оцю. Потяфты авать кэцта аф эряви кизефнемс лама тевда, мызяра тии аф потяфты авась сяда лама тевда катк тии мырьцэ, а тон тэ пингонэ эряват ужяльдемс.
Эрь шинэ потяфты ава лисентть 1—2 часткас ару кожфкас ушу мызярда уды иднэцэ. Кыда тялонда аф кармат лисендема ушу, тейть аф кармай мольма ярхцама пэлсь, лофцьсэ—вок кири. Якак сиденяста баняв, кырьтьк аруняста телацень, эста улят тонць ды̆ иднэцы̆вок шумбра, кыда танга пекият, корхтак дохторть ылэ акушеркать мархта. Улийхть ават, конатненди аф ули осал, мызярда потяфцазь тетьмакснон мэнь шачфтомозт, а лиятненди кувать потяфтомась аф пара. Исьтейть тэ тевсь аф арсеви.
Мызяра Ерема эряви потяфтомс иднэть мэштцот?
Потяфтк иднэцень ладнек киза, ылэ сяда ламос, кыда иднэценди кизоц топоди киза паранэ. Вехса ковда инголэ иднэцень потямода тяк катфнэ.
Кота ковда мелэ иднэцень ушептк аннема ямняда. Сехта цебэрь маннай ямнэсь рисонь люкшэннь.
Кода пидемс иднэти ямнэсь?
Нолдак пси стакан вец кафта чайнай куцюнят ямкскэ, ды аф ламнэ салняда. Кыда пий шонгара ямнэсь, каяк эзознза пэлэ стакан тракс лофцта (апак рястафста) ди лакафтк. Лакафтомста тяк юкста, шерьсек, каяк тэ ямнэти фкэ куцю сахар почкэ. Эряви ямнэть лацкас пидемс, покольнявтома.
Ямняда антк весть шизонза, куцюняса, весть потяфтома уторс. Антк весть андозь фкэ стакан ямнэ. Кыда топоди иднэсь ямнэти, пицек ямнэ анцяк лофцонэ ланкса, ветьфтема. Салнят да сахарнэ тят юкснэ кайсемс. Ямняда башка, кота [ 10 ]ковда мелэ иднэтнень аннесазь кстыйнь пара, марень, модмарь почфонь ксэльняда: тяфтама ксэльнэть эряви пидемс ведьнэ ланкса сахор мархта, а ту ксэльсь ули аф ламбама.
Кафксоцэ ковти ксэльть эзэмс весть шизонза макссек сюфтем пачк нолдаф модмарьнят ды пурхкэнят, цебэрь вайнэ мархта. Тяда башка, иднэть антк кстый ведьняда вишнэнь, инезинь норумарень, теркаса шоваф апак пидек пурхкенэ да, 3—4 чайнай куцюнят шизонза. Тэ кормось ладэй пэк, кыда иднэть потмоняц пэкстав. Кстыйхнень инголэ штайть пси веца, а тоса ару лоскоткэ пачк люпштайть сокснон.
Иднэть, конанцти топоцть кафкса кофт, анктяфта:
7 частца шовдава — мэштцень макск, 10½ частца шовдава — макст 1 стакан кстынь ксэльнь, калацэнь коськшинэ мархта, ылэ модамарьняда ды пырхкэняда вайнэ мархта (сюфтем пачк нолдафта).
Абетта мелэ частцта макск мэштцень ды колма нилэ куцонэ кстыйнь соконэ, ылэ шоваф пырхкэннэ.
5½ частца абетта мелэ стаканшка лофца ямнэ.
9—10 частца илэть потяфнек эсь мэштьцот (фкэть, а кыда кыржа эсонза лофцта — кафцьконь).
Мызярдонянга тят макссэ иднэти мезьнява азф андома ёткнень эзда, аф кшэ, аф глендэрхть — синь эздодост иднэти калады потмоняц и кармай писькизма да уксондама.
Тят макссэ иднэти шава рамаф потэнэ штоба сон дэль ранга. Эряви содамс, мес иднэсь ранги, а аф кургонц пандомс. Рамаф потэнэть эса иднэсь толкфтома потэй, а титэ теенза аф пара: шовиявцы, лебониявцы пэк кургонянц.
Нингэ сада аф цебэрь, кыда иднэти макссийхть потэнэ ямнэ мархта, ылэ порьф кшэ мархта. Вов [ 11 ]самай тянькса кулсийхть сехталама минь масторсонок идняда.
Мызярдонянга тят макссэ иднэти тяфтома потянят, тэйть кулхцонт сят ломатнень, конат тейть тафта кармайхть корхтама. Синь мезэвок аф содайхт, шовда ломатть; синь аф содасазь, кодама кальдяв тевсь синь кошэретядэзь, синь юмавцазь тонь идцень содак: шачемода мелэ кота ковнь ётамс антк иднэцень анцяк дэянь лофцта.
Кота ковда мелэ весть ылэ кафксть потямода башка макссек лие ярхцама пэль. А кизонянц топодьмос и лядыкс колма эсь мэшцот потяфтоманень валомнэ полафтыйть рестаф тракс лофцкэ ланкс, тифтень стакан лофца эрь максомаста. Иднэсь тяфта катфтови потэстот-ка.
А кыда иднэцэ урмав, ылэ киза кучкаста, иднэцень потяфтк эсь мэштэ лофцкадот, а тракс лофцта тят макссэ. Потяфтк-ста мызярс аф праводндай.
Ваныйть нят лэтфтама тефнень и тон касфтат шумра ды̆ цебэрь идь. Цебэрь идцэ ули эста, кыда кармат лац якама мельганза.