Колхозонь эряф/1941/02/К. Е. Ворошилов ялгати топодсь 60 киза
[ 3 ]
| К. Е. Ворошилов ялгати топодсь 60 киза |
Климент Ефремович Ворошилов — ВКП(б)-нь ЦК-ть Политбюронц членоц, СССР-нь Совнаркомть председателенц заместителец, СССР-нь СНК-ть видеса Оборонань Советть председателец, Советскяй Союзонь васенце маршалсь, старейшай большевикнень эзда фкясь, Ленинонь вернай ученикоц, Сталинонь ближайшай соратникоц и другоц и Рабоче-Крестьянскяй Краснай Армиять инь васенце организаторонзон эзда фкясь. Шачсь 1881 кизоня ингольдень Екатеринославскяй губернянь (Днепропетровскяй область) Верхний велеса, робочайнь семьяса. Идькс пингстонзокиге К. Е. Ворошилов ушедсь сиводезь работакшнема. 1896 кизоня Ворошилов поступил рабочайкс Алчевская (тяни Ворошиловск) станциять видеса „Дюмо“ металлургическяй заводти. Тоса сон организовандась революционнай кружок и 1899 кизоня возглавил ни „Дюмо“ заводонь крановщикнень васенце забастовкаснон.
1903 кизоня Ворошилов ялгась сувась Российскяй социал-демократическяй рабочай партияти и примкнул большевикненди. 1903—1904 кизотнень пингста сон ащес руководителькс большевистскяй организациять эса Луганскяйса. Ворошилов ялгать лемонц мархта сотфт Луганскяйса сембе крупнейшай революционнай событиятне.
1905—1907 кизонь революциять пингста од Ворошиловсь арась вождекс Луганскяй рабочайхненди. Сон успешнайста руководил Гартмановскяй заводонь рабочайхнень забастовкаснон эса. Омбоце забастовкать разгромдонза меле Ворошилов ялгась ульсь арестовандаф и сёлкф тюрьмав, 1905 кизоть пестонза рабочайхнень требованияснон коряс сон ульсь нолдаф тюрьмаста. Ворошилов ялгась ульсь партиять 1906 кизоня IV (Стокгольмскяй) и 1907 кизоня V (Лондонскяй) съездонзон эса делегатокс. Ня съезттнень эса Ворошилов ялгась васетькшнесь Ленинонь и Сталинонь мархта.
Столыпинскяй реакциять пингонц и рабочай движениять подъемонц кизонзон (1908—1914 к.к.) сембода ламоснон Ворошилов ялгась ётафтозень тюрьмава, ссылкава, коса тяфта жа стаки мольфтсь революционнай тюрема и глубокайста изучал марксизмать. 1908 кизоня ссылкаста удачнайста ворьгодемда меле Ворошилов пяле кизода лама пинге мольфтсь партийнай работа Бакуса Сталин ялгать руководстванц ала. [ 6 ]Мировой империалистическяй войнать пингста, работамок завоттнень эса Царицынца и Петроградса, Ворошилов ялгась большевиконь марнек партиять мархта марса тюрсь империалистическяй войнать гражданскяй войнанди шарфтоманц инкса. 1917 кизонь февральста Петроградса Ворошилов ялгась кеподезе восстанияс Измайловскяй гвардейскяй полкть. Февральскяй буржуазно-демократическяй революцияда меле сон меки сашенды Луганскяи и ётафни оцю работа Октябрьскяй восстаниять анокламаса и ётафтомаса.
1917 кизонь декабрьста Ворошилов меки сашенды Петрограду, назначандакшневи Петроградонь комиссаркс и марса Дзержинскяйнь мархта организовандакшнесазь ВЧК-ть.
1918 кизонь мартста сявомок ушеткшни Ворошилов ялгать военнай работац. Сон организовандакшнесы Луганскяйса I Луганскяй партизанскяй отрядть и сонь эсонза во главе мольфти вии бойхть империалисттнень войскаснон каршес, конат оккупировандакшнезь Украинать. Улемок назначандаф командующайкс V Украинскяй армияти, Ворошилов ялгась организовандазе сонь героическяй походонц Царицынти, сяземок оккупантонь войскатнень и донской белоказачай контрреволюциять кольцоснон.
Царицынть араламаса Ворошилов ульсь васенце и инь маластонь помощникокс Сталин ялгати. Ворошилов ялгась ульсь царицынскяй фронтса командующайкс, Южнай фронтонь командующайти заместителькс и Военно-революционнай советонь членкс, командующайкс славнай X армиять эса, кона аралакшнезе Царицынть. Сталин и Ворошилов тапазь генералхнень Красновть, Мамонтовть и лиятнень белогвардейскяй бандаснон. 1918 кизоть пестонза, оккупациять эзда Украинать освобождениядонза меле, Ворошилов ульсь назначандаф Украинскяй республикань Внутренняй тевонь народнай комиссаркс.
1919 кизонь майста, Харьковскяй военнай округонь войскатненди командующайкс улемстонза, сон тапазе Григорьевть мятеженц. Сяда меле, XIV армиять эса командующайкс улемстонза, сонь руководстванц ала мольфтевсь Украинать оборонац деникинецнень и петлюровецнень эзда.
1919 кизонь ноябрьста Ворошилов ульсь назначандаф Реввоенсоветонь членкс I Коннай армиять эса, кона созданай Сталин ялгать инициативанц коряс. Марса Буденнайть мархта, лична мольфтемок руководства Коннай армиять эса, Ворошилов ялгась участвондась Диникинть разгромонц колга (1919—1920 к.к.), польскяй захватчикнень эзда Украинать освобождениянц колга (1920 к.) и Врангельть машфтоманц колга сталинскяй планть пяшкодемаса. 1921 кизонь мартста Ворошилов ялгась большевиконь партиять X съездонц делегатонь группанц эса во главе ульсь кучф Кронштадтскяй контрреволюционнай мятежть тапама.
[ 7 ]1921 кизоня партиять X съездсонза Ворошилов ялгась кочксеви РКП(б)-нь ЦК-ти членкс. 1926 кизоста сявомок сон — ВКП(б)-нь ЦК-ть Политбюронц эса член. 1921—1924 кизотнень Ворошилов ялгась — командующай Северокавказскяй военнай округть эса, 1924—1925 кизотнень — командующай Московскяй военнай округть эса. В. М. Фрунзень куломдонза меле Ворошилов ялгась арась руководителькс Советскяй государствать вооружённай вийнзонды. 1925 кизоста сявомок сон Военнай и морской тевонь народнай комиссар и СССР-нь Реввоенсоветть председателец, а 1934 кизоста сявомок, сяс мес реорганизовандафоль наркоматсь — ССР-нь Союзонь оборонань народнай комиссар.
1935 кизоня Ворошиловти присвоенай Советскяй Союзонь Маршалонь звания. 1940 кизоня Ворошилов ялгась назначандаф СССР-нь Совнаркомть председателенцты заместителькс и СССР-нь СНК-ть видеса Оборонань Советти председателькс. Ворошилоз ялгась СССР-нь Верховнай Советонь депутат Минскяй городской избирательнай округть эзда (Белоруссия). Ворошилов ялгась мольфтсь и мольфти беспощаднай тюрема партиять врагонзон и народть врагонзон каршес. Ворошилов ялгать руководстванц ала Краснай Армиясь кассь несокрушимай, грознай вийкс. Омбоце пятилеткать ушетксстонза Ворошилов ялгась лихни задача — „тиемс Краснай Армиять мирса сембода цебярь армиякс“ и Сталин ялгать руководстванц ала оцю настойчивостьса сатнесы сянь, што тя задачась ётафтф эряфс.
Революциять инголе пяк оцю заслуганкса Ворошилов ялгась награжденай Ленинонь колма орденца, Краснай Знамянь нагрудной ниле орденца, Краснай Знамянь кафта орденца оружиянц лангс, Краснай Знамянь колма республиканскяй орденца. Февральть 4-це шистонза марнек народсь отмечает К. Е. Ворошилов ялгать шачема шистонза сявомок кодгемонь кизонь топодеманц, конань марнек сознательнай эряфоц посвященай рабочай классть победанц инкса, социализмать сембе мирса торжестванц инкса тюремати.