Колхозонь эряф/1941/02/Рабоче-Крестьянскяй Краснай Армиянь шись
| ←К. Е. Ворошилов ялгати топодсь 60 киза | Колхозонь эряф (1941), № 2 Февраль edited by Игнатьев Г. А. Рабоче-Крестьянскяй Краснай Армиянь шись |
А. А. Жданов→ |
| Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 2 Февраль 1941. — с. 8—10 |
| Рабоче-Крестьянскяй Краснай Армиянь шись |
Февральть 23-це шистонза сембе советскяй народсь отмечандакшнесы Краснай Армиянь шить. Рабоче-Крестьянскяй Краснай Армиясь созданай гражданскяй войнань стака кизотнень. Лама лувксса интервентонь и белогвардеецонь ордатнень каршес ожесточеннай тюрематнень эса ковандакшневсь сонь боевой мощец. Сон кассь красногвардеецонь, солдатонь и матросонь отряттнень эзда, конат храбрайста сражандакшнесть Советтнень властьснон инкса октябрьскяй бойнь шитнень пингста. Сонь организаторонза, руководителенза и вдохновителенза ульсть социалистическяй революциять величайшай стратегонза Ленин и Сталин.
Краснай Армиясь мольфтсь тюрема родинать врагонзон каршес пяк стака условияса: ашезь сатне оружиясь, боеприпасне, одежась, кшись. Вача, кальдявста щаф красноармеецне воявасть интервентонь и белогвардеецонь полчищатнень каршес, конат цебярьста ульсть снабжандафт сембе эрявиксса и конатнень мархта руководили опытнай генералхт и офицерхт. И, аф ваномок тянь лангс, Краснай Армиясь сясксь.
Краснай Армиясь сясксь сяс, што тя армиясь од типонь армия, кона содасы, мезенкса сон тюри. Сталин ялгась, выступандамок Краснай Армиять кемонь кизонь топодеманцты посвященнай торжественнай заседанияса, корхтась сонь колма особенностензон колга. Васенце и основной особенностец ащи сянь эса, што тя армиясь освобожденнай рабочайхнень и крестьяттнень армиясна, пролетариатть диктатуранц армияц. Сонь кельгсы и поддерживает сембе советскяй народсь. Тянь эса сонь вийц и могуществац. Краснай Армиять омбоце особенностец ащи сянь эса, што сон... «ащи минь странаньконь народонзон ёткса братствань армиякс, минь странаньконь угнетённай народонзонды армиякс, минь странаньконь народонзон свободаснон и независимостьснон араламаснонды армиякс“ (Сталин). Колмоце сонь особенностец ащи интернационализмань духса, кона пронизывает сембе минь армияньконь. Минь армияньке воспитандакшневи интернационализмань духса, сембе странань рабочайхнень интересснон единстваснон духса. „...Именна тянкса сон, минь армияньке, ащи [ 9 ]мировой революциянь армиякс, сембе странань рабочайхненди армиякс“ (Сталин).
Гражданскяй войнань фронттнень эса победатнень сатомста сембода пяк оцюфт заслуганза Сталин ялгать. Сон улендсь самай труднай, революцияти опаснай васттнень эса. Сталин ялгать лемонц мархта сотфт самай выдающай и решающай победатне. Тянь колга корхтайхть и Царицынть оборонанц героическяй эпопеяц, Деникинть разгромонц колга сталинскяй планть блестящайста осуществленияц и Колчакть, Юденичть, Врангельть, белополякнень каршес Краснай Армиять лия важнейшай операциянза. Ня операциятне ащихть гениальнай революционнай стратегиянь и тактикань образецокс.
Сталин ялгась беспощаднайста разоблачандакшнезень Троцкяйть предательскяй планонзон, кона ёрась вятемс минь странаньконь пораженияс.
Краснай Армиясь сясксь сяс, што сонь вятезь бойс ленинско-сталинскяй выучкань большевистскяй полководецне — Фрунзе, Ворошилов, Киров, Орджоникидзе, Куйбышев, Буденный. Краснай Армиять рядонзон эса кассть тяфтама славнай геройхть, кода Чапаев, Щорс, Пархоменко, Котовский, Лазо и лама лият.
Советскяй патриоттненди, минь странаньконь сембе гражданонзонды Краснай Армияса служамась ащи почётнай обязанностекс Сталинскяй Конституциясь корхтай: „Отечествать араламац ащи священнай долгокс СССР-нь эрь гражданинти“. Эрь гражданинць, арамок РККА-нь боецокс, примси воинскяй присяга, клянется улемс честнай, храбрай, дисциплинированнай, бдительнай боецокс, строгайста ванфтомс военнай тайнать, добросовестнайста тонафнемс военнай тевть и улемс педа-пес преданнайкс эсь народонцты, аф ужяльдемок эсь веронц и сонцень эряфонц родинать врагонзон лангса победать инкса.
Сталинскяй пятилеткань кизотнень пингста Советскяй Союзсь арась могучай странакс, кона анок всякай „случайносттненди“ и способнай нолдамс массовай масштабса вооружениянь сембе современнай виттнень. Советскяй промышленностсь снабжандакшнесы Краснай Армиять новейшай конструкциянь боевой самолётса, танкаса, пушкаса, пулемётса.
Мекпяльдень кизотнень минь славнай Краснай Армияньконди аф весть савсь тюремс вракнень каршес и битватнень эса прославить советскяй оружиять вийнц. Хасан эрьхкть маласа, Халхин-Голть маласа бойхне ульсть предметнай урококс взорвавшай военщинати. Сембе мирсь убедился эста Краснай Армиять высокай боевой качестванзон эса.
1939 кизонь сентябрьста Краснай Армиясь, Советскяй правительствать приказонц коряс, тись поход Западнай Украинав и Западнай Белоруссияв, нолдамок 13 миллион минь единокровнай братьяньконь польскяй пантнень игаснон эзда.
[ 10 ]Финскяй белогвардейщинать каршес бойнь шитнень пингста минь Краснай Армияньке стакадонга стака условияса няфтсь отвагань и героизмань чудесат. Минь славнай Краснай Армияньконь сокрушительнай ударонц мархта ульсь разгромленай Маннергеймань линияц, кона лувондовсь буржуазнай мирса несокрушимайкс. Минь странаньконь северо-западнай границанзон эса войнань очагсь ульсь машфтф. Белофиттнень каршес тюремаса тёжятть героическяй участник награжденайхть орденца и медальса. Краснай Армиять лама воинонза получасть Советскяй Союзонь геройнь званият.
Тёжятть и тёжятть советскяй патриотт, работамок мирнай условияса, получакшнихть омбоце профессиять — военнайть, тонафнихть ляцендема, владеть гранатать и штыкть мархта, танкать и самолётть вятема, тонафнесазь кавалерийскяй тевть. Синь мяляфтсазь Сталин ялгать указаниянц: улемс фалу мобилизационнай готовностьса.
Неустанна мяляфтомок военнай опасностть колга, партиясь и правительствась примсесазь сембе мератнень сянди, штоба обеспечиндамс советскяй границатнень безопасностьснон. Тянь инкса 1940 кизоня оборонань нуждатненди государственнай бюджетста ульсь ассигновандаф 57 млрд. цалковай. Тя значит, што минь Краснай Ярмияньке получакшни од могучай танкат, од пушкат, скоростной бомбардировщиконь и истребителень од эскадрильят. Штоба нинге сяда пяк кемокстамс минь родинаньконь обороноспособностенц, советскяй народсь ётась кафкса частонь рабочай шис и сисем шинь недяляс. Тя максси вооружениянь од, добавочнай средстват. Шиста шис касы минь непобедимай Краснай Армияньконь могуществац, вийц.
1940 кизоня СССР-нь Верховнай Советть Президиумонц указонц коряс ладяфт воинскяй званият СССР-ть вооруженнай вийнзон высшай команднай составонцты. Генеральскяй званиянь ладямать значенияц Краснай Армиять эряфса пяк оцю. Ня званиятнень ладямасна направленай минь высшай команднай составоньконь авторитетонц кеподеманцты, воинскяй дисциплинать сяда товолдонь кемокстаманцты.
Няка жа цельхнень преследует и РККА-са единоначалиять кемокстаманц колга 1940 кизонь августть 13-це шистонза лихтьф СССР-нь Верховнай Советть Президиумонц Указоц.
Краснай Армиянь шись — Советскяй странать вооруженнай вийнзон боевой смотраснон шиц, трудящайхнень всенароднай праздниксна. Сембе советскяй народсь анок грудью стямс вракнень покушенияснон эзда эсь кельгома родинанц аралама.