Кӧчильӧй-чойильӧй
| Кӧчильӧй-чойильӧй (1926) by |
| Гижан кад: 1926, Йӧзӧдан во: 1926. Ӧшмӧс: Школаын лыддянтор. Сыктывдінкар, 1926. |
ЧЕЛЯДЬ:
Видза олан, кӧчильӧй,
Видза олан, чойильӧй!
КӦЧ:
Видза олад, аканьяс,
Видза олад, мусаяс!
ЧЕЛЯДЬ:
Кытчӧ ветлін, кӧчильӧй,
Кытчӧ ветлін, чойильӧй?
КӦЧ:
Йӧрӧ волі, аканьяс,
Йӧрӧ ветлі, мусаяс.
ЧЕЛЯДЬ:
Мый сэн керин, чойильӧй,
Мый сэн вӧчин, кӧчильӧй?
КӦЧ:
Капуста сэн чегъялі,
Еджыд сьӧмӧссӧ йири.
ЧЕЛЯДЬ:
Эз-ӧ тэнӧ нӧйтыштны,
Гашкӧ, ёна нӧйтісны?
КӦЧ:
Нӧйтісны тай, аканьяс,
Ёна-ёна, мусаяс.
ЧЕЛЯДЬ:
Гашкӧ, бӧрдін, кӧчильӧй,
Гашкӧ, бӧрдін, чойильӧй?
КӦЧ:
Кыдз нӧ эг бӧрд, аканьяс,
Бӧрді, бӧрді, мусаяс.
ЧЕЛЯДЬ:
Кыдз нӧ бӧрдін, кӧчильӧй,
Кыдз нӧ бӧрдін, чойильӧй?
КӦЧ:
Синваӧн мысси, аканьяс,
Со кыдз чышки, мусаяс.
ЧЕЛЯДЬ:
Ӧні кытчӧ котӧртан,
Кодарланьӧ тірӧдан?
КӦЧ:
Вӧрӧ, вӧрӧ, аканьяс,
Гажа вӧрӧ, мусаяс.
ЧЕЛЯДЬ:
Видза колян, кӧчильӧй,
Да вӧрад пышйы ӧдйӧнджык.
КӦЧ:
Ме со стук-сток,
Со нин кӧн,
Ме со стук-сток,
Пышйи нин.
|
This work is in the public domain in the United States but it may not be in other jurisdictions. See Copyright.
|