Колхозонь эряф/1941/05/Минцьке пандсаськ

←

Колхозонь эряф (1941), № 5 Май
edited by Игнатьев Г. А.

Минцьке пандсаськ

→

Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 5 Май 1941. — с. 67—68

277790Колхозонь эряф (1941), № 5 Май — Минцьке пандсаськ1941

[ 67 ]

Минцьке пандсаськ

Алду аварди
Сазан паксяса,
Зойфкац кулеви
Мокшень велети;
Мокшень велети,
Крайняй кудняти;
Крайняй кудняти,
Рябой цёрати
Кузьмань Стёпати.
Рябой цёрась эрясь
Шувар-ляй велеса,
Крайняй кудняса;
Алдунь вайгяленц
Степан марязе,
Степан кулезе
Крайняй кудняса,
Крайняй кудняса,
Мокшень велеса.
Степан кудстонза
Юпадсь ласькозне
Алду кельгомнянц,
Алдунь варжама.
Ласьки пупоряй,
Ласьки пупоряй:
Степань од цёрась
Ласьки Алдунь тейс.
Мес тон авардят,
Алду сестраняй,
Мака лопаняй,
Кельгома стирняй? —

[ 68 ]

— „Кода аф авардян,
Степан кельгомняй,
Степан кельгомняй,
Кельгома цёраняй? —
Сазан баярсь монь
Локшеса шавомань,
Локшеса пиксомань
Веронь потяйньке,
Веронь симиньке
Сазан баяроньке“. —
— Чу! тят аварде,
Алду кельгомняй,
Алду кельгомняй,
Адека куду, —
Минь минцьке пандсаськ...
Алду маконяй,
Алду од стирняй,
Кельгома сестраняй,
Сай Сазанонь шиц,
Алду сестраняй, —
Локшеса шавсаськ,
Эшис каясаськ —
Чу, тят аварде! —

Сёрмадозе Лобурев Гав. Ив. (Зубово-По-
лянскяй райононь Новые Выселки велеста).