Колхозонь эряф/1941/03/Промышленностень и транспортонь областьса партийнай организациятнень задачаснон колга резолюциясь/2
| Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 3 Март 1941. — с. 41—42 |
| II Промышленностень и транспортонь областьса наркоматтнень и парторганизациятнень работаса аф сатыкснень причинасна |
ВКП(б)-ть XVIII Всссоюзнай конференцияц лувондсы, што промышленностть лама отраслянзон эса аф удовлетворительнай работась азонкшневи васендакиге сянь мархта, што:
а) наркоматтне вятьсазь эсь работаснон ламода бюрократически, аф пачкотькшнихть нинге башка эрь предприятияти, «руководят» эсь предприятияснон лангса аф существас коре, а формальна, бумажнай перепискать вельде;
б) наркоматтне аф проверякшнесазь, кода пяшкотькшнесазь синь решенияснон предприятиянь директорхне, и ограничивают, тяфта, эсь руководящай работаснон коллегиянь заседаниятнень и решениянь примсемать лангс, аф шарьхкотькшнемок, што решениятне примсевихть аф эстейст решениятненди, а синь пяшкотькшнемаснон инкса, аф шарьхкотькшнемок, што руководящай работать эса главнай частекс должен ащемс аф заседательскяй работась и аф решениянь примсемась, а ня решениятнень пяшкотькшнемаснон эрь шинь проверкац;
в) местнай партийнай организациятнень ламосна, сянь вастс, штоба лездомс эсь областень, ошень, райононь предприятияснонды, лафчептозь эсь работаснон кода промышленностьса, тяфта и транспортса, аф правильна арьсемок, што синь аф кандыхть ответственность промышленностть и транспортть работаснон инкса;
г) местнай парторганизациятне стане жа, кода и хозяйственнай организациятне, аф шарьхкотькшнесазь исполнениять проверканц смысланц и значениянц и тянь сюнеда аф лезнихть наркоматтненди и главкатненди ладямс эрь шинь проверка, кода пяшкотькшнесазь наркоматтнень решенияснон тейст подчиненнай предприятиятнень директорсна.
Партиянь обкомтнень эзда ламось, занимандамок велень хозяйствать мархта, сельскохозяйственнай продуктань анокламань тефнень мархта, кадозь промышленностть эса и транспортть эса [ 42 ]работать, юкстазь эсь областень, ошень, райононь завоттнень, фабрикатнень, шахтатнень, рудникнень, машина китнень работаснон инкса эсь ответственностьснон, а партиянь горкомтне, конат обязатт эсь главнай мяльснон шарфнемс промышленностти и транспортти, аф занимандайхть тя тевть мархта и аф примсихть мерат фталу лядонды предприятиятнень и машина китнень работаснон цебярьгофтоманцты.
Партиянь горкомтне и обкомтне сянь вастс, штоба сувсемс фабрикатнень, завоттнень, машина китнень тевозост, сидеста ащекшнихть ширеса промышленностть и транспортть эзда, аф контролировандакшнесазь предприятиятнень работаснон, аф проверякшнесазь фабрикатнень, завоттнень и машина китнень эса руководящай ломаттнень, аф лихнесазь лангти синь работасост аф сатыкснень и тянь мархта попустительствуют ня аф сатыксненди.
Партиянь горкомтне и обкомтне тонадсть ся положенияти, што синь лама предприятиясна лама пингс ащихть глубокай прорывса и аф примсихть действеннай мерат сянь инкса, штоба машфтомс тя позорнай явлениять.
Сембода кальдявста партиянь горкомтне и обкомтне занимаются предприятиятнень и промышленнай стройкатнень мархта, конат подчиненнайхть союзнай наркоматтненди, ошибочна арьсемок, што ня предприятиятнень и стройкатнень эса тефнень состоянияснон инкса отвечайхть аньцек наркоматтне.
Партиянь горкомтнень и обкомтнень работаса оцю аф сатыксокс ащи ся, што синь не вникают предприятиятнень работаснон существанцты, аф изучандакшнесазь предприятиятнень экономикаснон и, тянь вастс, сидеста отделываются поверхностнай обследованияса и верхоглядскяй решенияса.
ВКП(б)-ть XVIII Всесоюзнай конференцияц лувондсы, што горкомтне, обкомтне, крайкомтне и союзнай республикатнень компартиянь ЦК-сна обязатт, наркоматтнень мархта ряцок, кандомс ответственность ошть, областть сембе промышленнай и транспортнай предприятиянзон работаснон инкса. Именна горкомтнень, обкомтнень, крайкомтнень, союзнай республикатнень ЦК-снон улихть возможностьсна непосредственнай вастса сяда объективна, узковедомственнай интереснень лангс апак ватт, разобраться предприятияса тефнень положенияснон мархта, определить, мезьса ащихть сонь работасонза аф сатыксне и лездомс преднриятиятнень и наркоматтнень руководящай работникснонды аф сатыкснень машфтомаса.