Колхозонь эряф/1941/03/Промышленностень и транспортонь областьса партийнай организациятнень задачаснон колга резолюциясь/3
| Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 3 Март 1941. — с. 42—47 |
| III |
| Промышленностть и транспортть областьса парторга- низациятнень хозяйственно-политическяй задачасна |
Кодама мерат эрявихть примамс парторганизациятнень хозяйственно-политическяй задачаснон линиява, штоба машфтохмс аф сатыкснень промышленностть и транспортть работаса?
[ 43 ]1. Васендакиге эряви безусловна машфтомс безучастнай отношенияснон парторганизациятнень промышленностть и транспортть состоянияснонды и решительна шарфтомс парторганизациятнень мяльснон промышленностть и транспорттъ нуждаснон и интересснон колга максимальнай заботать шири.
Эряви, штоба партийнай организациятне систематически сувсельхть промышленнай предприятиятнень, машина китнень, пароходстватнень и порттнень тевснонды, сотцелезь синь нуждаснон и запросснон и лезнельхть хозяйственнай организациятненди промышленностть и транспортть эса руководствать колга синь эрь шинь работасост.
Партийнай организациятне тяниень пингть самс инь оцю мяль шарфнесть велень хозяйстваса руководствати. И тя ульсь правильна, мзярс зерновой проблемась нинге апак решандаколь. Но тяни, мзярда в основном решандафт ни зерновой проблемась и эрь кизоня 7—8 миллиартт пуд сёронь урожайнь получама задачась, — эряви шарфтомс партийнай организациятнень промышленностть и транспортть шири. Тя не значит, што эряви лафчептомс мяльсь велень хозяйствати. Но тя значит, што партийнай организациятне сяшкава кассть, што синь могут заняться ровнайста и промышленностть и велень хозяйствать мархта.
2. Сяда тов, эряви, штоба партийнай организациятне, лезнельхть наркоматтненди и главкатненди проверякшнемс предприятиянь директорхнень работаснон, проверякшнемс, кода пяшкотькшнесазь предприятиятне наркоматтнень решенияснон.
Партийнай организациятне должетт шарьхкодемс, што аньцек наркоматтненди эстейст аф контролировандави предприятиятнень работасна, аф проверяви наркоматтнень решенияснон пяшкотькшнемасна. Сяс партийнай организациятне должетт лездомс наркоматтненди предприятиятнень ширде наркоматтнень директиваснон пяшкотькшнемаснон проверендамаса, лиякс мярьгомс, предприятиянь директорхнень работаснон контролировандама тевса.
3. Эряви, сяда тов, штоба промышленнай предприятиятнень и машина китнень улель правильнайста ладяф учетсна оборудованияти, всякай имуществати и материалхненди.
Партийнай организациятне должетт шарьхкодемс, што правильнай учетфтома аш кода управлять предприятиять и машина кить мархта. Предприятиятнень работасна, коса аш мзяровок нормальнай учет, пяшксе неожиданностьта. Тяфгама предприятиятнень эса неизбежнайхть производствань срыфне, руководительти материалонь, полуфабрикатонь, инструментонь, оборудованиянь неожиданнай аф сатомать сюнеда. Оборудованиятъ и материалонь учётса запущенностсь лишандакшнесы директорть ся возможносттнень эзда, штоба правильна и марнек использовандамс предприятиять ресурсонзон и обеспечендамс производствати перебойфтома работа.
Эряви, сяда тов, штоба минь промышленнай предприятияньконь, машина киньконь и воднай транспортонь органнзацияньконь эса полностью и правильнайста использовандакшпеволь оборудованиясь и [ 44 ]хозяйственнайста расходовандакшневольхть инструментсь, сырьясь, материалхне, топливась, электроэнергиясь.
Партийнай организациятне должетт шарьхкодемс, што пинге ни решительна машфтомс тяфтама вреднай практикать, мзярда предприятиятнень и машина китнень эса ащекшнихть апак работак, а кой-коста проста ащихть склаттнень эса аф кржа станок и лия оборудованият, мзярда квалифицированнай дефицитнай оборудованиясь, сложнай производственнай агрегаттне, крупнай станокне использовандкшневихть аф назначенияс коре или аф полнай нагрузкаса, а сырьясь, материалхне, топливась и электроэнергиясь расходовандакшневихть расточительна.
5. Эряви, сяда тов, сатомс ся, штоба промышленнай предприятиятнень эса и транспортть эса сембе материальнай ценносттне кирдевольхть сохранностьса и цебярь состоянияса, штоба предприятиятнень руководительсна ванфтолезь тейст довереннай государственнай имуществать: зданиятнень, оборудованиять, инструментть, материалхнень.
Эряви инь маластонь пингть машфтомс народнай добрати стама нерадивай и аф хозяйственнай отношениять, мзярда оборудованиясь, сырьясь, материалхне, инструментсь, конаса пяк нуждается минь промышленностеньке, сидеста, валяндамок куване-повсь, портендакшневихть, шямониякшнихть, тиендевихть аф кондястикс, мзярда оборудованияти, зданиятненди и сооружениятненди, машина кинь подвижной составти аф эсь пингстонза и аф доброкачественнай ремонтсь пингта инголе синь разрушает и лихнесыне стройста.
6. Эряви, сяда тов, машфтомс ламоц предприятиятнень и машина китнень эса ладяф, кода мярьгихть, демонтируемай и лишнай оборудованиянь и материалонь мишендемаса практикать, конац ащи аф лиякс мезькс, кода социалистическяй собственностень салсемакс.
Партийнай организациятне обязатт обеспечендамс контроль «Шири оборудованиянь и магериалонь мишендемать, полафнемать и нолнемать запрещениянц колга и ня аф законнай действиятнень инкса судс коре ответственностть колга» СССР-нь Верховнай Советть Президиумонц 1941 кизонь февральть 10-це шинь указонц эряфс строжайшайста ётафтоманц мельге.
7. Эряви, сяда тов, тиемс и эрь шиня кирдемс чистота и элементарнай порядка предприятиятнень и машина китнень эса.
Парторганизациятне обязатт тяникиге решандамс предприятиятнень эса чистотань и порядкань кирдема задачать, кода задачань, кона ёфси аш кода кадондомс сяда тов. Чистотафтома и порядкафтома аш кода мольфтемс нормальнай работа современнай предприятияса. Рдазсь ащи неизбежнай спутникокс и источникокс заводса, фабрикаса, машина киса расхлябанностти, дисциплинань расшатанностти, разболтанностти, порядкафтома шити. Производствать эса элементарнай культурафтома аш кода обеспечендамс минь промышленностеньконь и транспортоньконь сяда товолдонь подьемсна.
8. Эряви, сяда тов, машфтомс бесплановостть, продукциянь аф равномернай нолямать, предприятиятнень работаса штурмовщинать и [ 45 ]сатомс сянь, штоба кажнай заводсь, фабрикась, шахтась, машина кись эрь шиня, инголькиге арьсеф графиконь коряс, пяшкотькшнельхце производственнай программать.
Партийнай организациятне должетт шарьхкодемс, што готовай продукциянь аф равномернай нолямась тиенди аф правильнай режим предприятиять работанцты, вятни оборудованиять простойнзонды, рабочай вийть простойнзонды, производственнай мощносттнень аф педа-пес использованияснонды, бракть касфтоманцты, сверхурочнай работанкса аф производительнай паннематненди. Тяфтама аф правильнай режимсь кирдьсы предприятиять лихорадочнай состоянияса и путнесы сонь фалу стама угроза алу, што сязьсы государственнай планть пяшкодеманц.
9. Эряви, сяда тов, сатомс минь предприятияньконь эса технологическяй процесса строжайшай дисциплинань ванфтома, тиемс сембе предприятиява технологическяй процессонь точнай инструкцият, ладямс контроль синь ванфтомаснон мельге и обеспечендамс, тяфта, доброкачественнай и комплектнай продукциянь нолдама, кона полностью отвечай ладяф стандарттненди.
Партийнай организациятненди, предприятиянь, наркоматонь работникненди пинге шарьхкодемс, што од точнай механизматне, конатнень мархта оснащеннайхть минь предприятияньке, вешихть строгай порядка производстваса, точна ванфтомс техническяй правилатнень и инструкциятнень и што тяни ни аш кода работамс ингольцекс, аф эряскодозь, кой-как, сельмованфс коре.
Партийнай организациятне обязатт обеспечендамс «Недоброкачественнай или некомплектнай продукциянь нолдамать инкса и промышленнай предприятиятнень эса обязательнай стандартонь аф ванфтомать инкса ответственностть колга» СССР-нь Верховнай Советть Президиумонц 1940 кизонь июльть 10-це шистонза нолдаф указонц строгайста эряфс ётафтоманц.
10. Эряви сяда тов, башка мяль шарфнемс од техникань кизефксненди, апак лотксек работамс техникать усовершенствовандаманц лангса, од машинань, материалонь и изделиянь производствать освоениянц лангса.
Парторганизациятне, промышленностень и транспортонь работникне должетт марнек использовандамс социалистическяй стройть огромнай возможностензон техническяй мыслять расцвегонцты и производствав техникать од достижениянзон сяда курокста сувафтомаснонды.
Эряви путомс пе предприятиянь кой-кона руководительхнень ширде од техникати хвостистскяй, коряннек оппортунистическяй отношенияти, сяс мес тяфтама консерватизмась шорси производствать сяда товолдонь развитиянцты, кадондсы не предприятиятнень фталу лядондома и прозябанияс, сязендьсы странать обороннай мощенц.
11. Эряви, сяда тов, систематически кирфнемс нолдави продукциять себестоимостенц, всякай лаца кемокснемс хозрасчетть, решительнайста машфнемс расточительствать.
Штоба правильна руководить предприятиятнень работаснон [ 46 ]лангса, эрявихть содамс фактическяй расхоттне изделиянь единицати себестоимостень основной элементтнень коряс — заработнай платась, сырьять, топливать и электроэнергиять питнесна, амортизационнай начислениятне, административно-управленческяй расхоттнень, и водендакшнемс предприятиять деятельностенц экономическяй ширенц стане, штоба себестоимостень коряс и прибыльхнень коряс платтне безусловна пяшкотькшневольхть.
12. Эряви, сяда тов, заработнай платань областьса строга и последовательна ётафнемс цебярьста работайхненди материальнай поощрениянь принципсь, кона ётафневи эряфс оплатань сдельнай системаса рабочайхненди, премиальнай системаса руководящай работникненди и сяда оцю оплатаса квалифицированнай трудть инкса, аф квалифицированнайть коряс.
Эряви педа-пес машфтомс заработнай платань областьса уравниловкань наксада практикать и сатомс сянь, штоба сдельщинась и премиальнай системась аральхть нинге сяда важнейшай рычагокс трудонь производительностть касфтомаса, а следовательна, и марнек минь народнай хозяйстваньконь развитияса.
13. Эряви, сяда тов, марнек машфтомс прогулхнень.
«Кафкса частонь рабочай шити, сисем шинь рабочай недяляти ётамать колга и предириятиятнень и учреждениятнень эзда рабочайхнень и служащайхнень самовольна тушендомаснон лоткафтоманц колга» СССР-нь Верховнай Советть Президиумонц 1940 кизонь июнть 26-це шинь указонц эряфс ётафтомац ламода цебярьгофтозе предприятиятнень эса трудовой дисциплинать состояниянц. Однака, лама фабрикава, заводга, рудникова, шахтава, машина киге прогулхне и работаста самовольна тушендоматне нинге ламода ашесть лотка.
Партийнай организациятне, профсоюсне, промышленностень и транспортонь работникне обязатт вятемс оцю работа промышленностьса и транспортса трудовой дисциплинать кемокстаманц инкса, мяляфтомок сянь колга, што рабочай вийнь текучестть и прогулхнень каршес тюремань задачась ащи аф кратковременнай кампаниякс, а веши массатнень ёткса эрь шинь работа.
14. Эряви, сяда тов, решительна кемокстамс предприятиятнень эса единоначалиять и сатомс сянь, штоба предприятиянь директорсь араль тевса полновластнай руководителькс, конац марнек отвечаль предприятиять состояниянц и производстваса порядкать инкса.
15. Эряви, сяда тов, сембе ширде кемокстамс предприятиятнень эса производствать лангса техническяй руководствать.
Эряви кучемс предприятиятненди, цехненди, шахтатненди подземнай работас кой-кона инженерхнень и техникнень, конат работайхть центральнай и местнай хозяйственнай учреждениятнень эса и заводоуправлениянь и шахтоуправлениянь аппараттнень эса.
16. Эряви предприятиятнень эса кеподемс мастярть роленц, кода производствань непосредственнай организаторонь и ладямс тевть тяфта, штоба мастярсь ащель полноправнай руководителькс тейнза порученнай производствань участкать эса, конац марнек отвечаль [ 47 ]технологическяй дисциплинать ванфтоманц инкса и сембе показательхнень коряс производственнай заданиять пяшкодеманц инкса.
17. Вузонь аделай, од специалисттненди отношенияса эряви ладямс тяфтама порядка, штоба кажнайсь, кона аделась высшай учебнай заведения, получакшнель производственнай опыт предприятияса, обязательна ётнель практическяй работань стаж — цехса мастяронь помощниконь, мастяронь, инженеронь.