Колхозонь эряф/1940/08/Колма шурьхкяпрят

From Wikisource
Jump to navigation Jump to search
Колхозонь эряф (1940), № 8 Август edited by Игнатьев Г. А., Дурнов Ф. С.
Колма шурьхкяпрят
Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 8 Август 1940. — с. 78—79
 
[78]
Колхозонь эряф 1940-08 80стр изобр1.jpg
 
Колма  шурьхкяпрят

Эрясь киза, эрясь кафта,
Колмогемонь киза эрясь:
Аш шачиняц-касыняц,
Аш мельганза ваныняц.
Думандась — тусь базару —
Рамась колма шурьхкяпрят;
Сон сивозень-тиезень:
Сон пекиясь-лангиясь.
Колма кизот пеке кандсь,
Колма недлят идь шачфнесь:
Шачфтсь сон колма идякат. —
Аш мезьняса эшелемс,
Аш мезьняса ашкодомс
Сельмоведьса эшелезень,
Каль лопаса ашкодозень,
Рава *)[1] трвав кандозень,
Ведьатяти максозень.
Ведьатянясь сявозень,
Ведь кувалма нолдазень,
Шуди веднясь салазень.
Эрясь киза, эрясь кафта
Колмогемонь киза эрясь,
Равчкодсь лангстонза паляняц.
Думандась-тись лопафнесь,
Сон лопафнесь-чопафнесь,
Рава трвав муськома тусь.
Се ваны, тов ваны —
Ашезь няй мезнявок.
Варжакстсь Рава кувалманя —
Сайхть колма суднанят,
Эсост колма од цьорат:
Лафтубряват шяярьсна,
Мархтот корхтайхть кудрясна.
— Тинь коволдонь шачемда,
Тинь коволдонь касомда?

[79]

— „Минь товолдонь шачемда,
Минь товолдонь касомда:
Ульсь сюдуф удава,
Ся раштамазь-шачфтомазь,
Рава трвав кандомазь,
Ведьатяти максомазь.
Ведьатянясь сявомазь,
Ведь кувалма нолдамазь,
Вярдень шкайсь минь ваномазь,
Алуда масторсь касфтомазь.
Вай, тядяняй—аваняй,
Тяни адя мархтонок!“ —

Народнай  мор.  Морсесазь  Ковылкинскяй  рай-
ононь  Порапа  велеса  сире  ломаттне.
Сёрмадыец  Ф.  Дурнов.
 

  1. *) Равась — Волгась.