| КОЛХОЗНИКСЬ
|
| (Весяласта)
|
Няить! Кода пяшкотькшневи путфкссь —
Од правлениять исяконь лихтьфксоц?
Кафксоньгемонтти ни кепотьф
Видьмонь кочкама процентсь!
Пиксокс таргавихть:
Кандыхть сембе видьмот,
Усфонь ускихть одс сувайхне
Шужярьхть, пулфт и тишет.
Аньцек Кедьмати
Шужярсь и видьмонза ужальхть;
Авац корхнесы сонь, што ли...
|
| КОЛХОЗНИЦАСЬ
|
Да, кувать судть арсемасна моли...
|
| КОЛХОЗНИКСЬ
|
Тяни курок. А кузнецсь?!
Кяряттнень...
|
| (Кеподи суронц)
|
Во кодане тиезень!
Корхтай: «Путан сембе виезень,
Но вракнень каршес отвед аноклан!»
Кодане? А?
|
| (Сувайхть школав)
|
|
|
| 2-це лисемась.
|
| (Эрязда ётайхть школав кафта цёрат).
|
| 1-це цёрась
|
Эряздоне! Маряк анок
Приговорсь...
|
| (Сувайхть)[ 68 ]
|
|
|
| 3-це лисемась
|
| (Школаста лисихть Нувайсь и Ваня)
|
| ВАНЯ
|
Тейть корхнесть —
Перьфкат ворхт,
Конат мархтот ульсть
Сянь инкса,
Штоба пяльхть
Колхозть шарыязонды навамс.
|
| НУВАЙСЬ
|
| (Ризназь)
|
Корхнесть, но исть лезне тевса...
|
| ВАНЯ
|
Аф! Изеть верондакшне валхт тон!
Арьсеть, корхнихть сембе шавос...
Тяста лисендсь — тонцень шавоть.
Позда, Зафур, вельхтяфксть валхтыть
Сельме лангстот! Аф стак кельмот
Корхнематне улендьсть, мзярда ёрать
Мезьге сатомс. Ширем сельмот
Ванондсь лангозот эрь цёрась.
Синь исть няе ширдет пара ялга,
Хоть и ёрать ялгакс улемс.
А тя сяс: колхозниксь улендсь сялгатф
Классонь кяжса Келюнь каршес.
„Сон кулак“ — ня валхнень кулемс,
Зафур, эрявольхть...
|
| НУВАЙСЬ
|
Кие арьсесь,
Вдь васьце рабатасть синь парста.
|
| ВАНЯ
|
Э-эх!
Кичкор шуфтть тон ков тят шарфта,
Сонь аф путсак ни мяльцень коряс.
|
| НУВАЙСЬ
|
Эх, и мялезти аф пара!
Эльбятькшнень... Ваня, содат...
|
| ВАНЯ
|
Тонць эсь кицень унжань котфса кодать,
Сяс вов тяфта савсь и арамс.
[ 69 ]
Кие сорендакшнесь колхозть вракса?
Лятфтак, мзяра кулофтоде тракста?
Тя кржа. Лятфтайть сёксень шитнень,
Кода сязесть озим видемать,
Конань тяни судса лифтезь?
А тялонда? — ловонь кирдемать...
|
| НУВАЙСЬ
|
Кяльготневонь... Ух, и стака...
Партияста, Ваня, лисемась.
|
| ВАНЯ
|
Муворсь тонць.
Рядовойкска якат,
Кли кядьстот партбилетсь юмась.
Аст спасиба — кадодязь колхозу,
Лац работат, поват одукс...
|
| НУВАЙСЬ
|
Лама, лама лангозон синь марасть.
|
| (Лиси).
|
|
|
| 4-це лисемась
|
(Ваня ськамонза.
Сувайхть Матя и Миша.
Ванясь няйсыне и туй ширес)
|
| МАТЯ
|
Кувать кочкайхть тефнень эса,
Шудава ушедсть — вов ни ве сай.
|
| МИША
|
Сякокс тячи приговор лифтихть.
|
| (Пеедезь)
|
Кода, Матя, сединяце лифти?
Вдь Петровичсь цёрась «пароль».
|
| МАТЯ
|
| (Кяжда)
|
|
|
| (Думазь).
|
Саты, колхозть эса порьсть ни.
|
| МИША
|
Видя. Сору тишеть паксять лангста ёрьсихть.
[ 70 ]
|
| МАТЯ
|
Синь кядьалгаст
Лама етась. Тяни кирентьфт.
|
| ВАНЯ
|
Кода васькафтсть Нувай Зафурть...
|
| (Сувайхть школав).
|
|
|
| 5-це лисемась
|
| КЕДЬМАСЬ
|
(Корхтазь сувайхть Кедьмась и
фкя атя, Ванясь нинге ширеса).
|
Кда афольхть пова, нинге лама
Тиельхть сязькст колхозонь тевти.
Салальхть видьмот, алашат...
|
| АТЯСЬ
|
Сембе Ванясь. Мзярда сась
Ошста вели, пизось тарвадсь,
Сяс мес ширденза уфась
Тюремань инь вии вармась.
Ватта тяни кода туй
Тевнеськ вельденза колхозса.
|
| КЕДЬМАСЬ
|
Стак ли мон сувань колхозу?
Няйса, вракнень эса тапси...
|
| АТЯСЬ
|
| (Эрязда)
|
Норак, Кедьма, норак! Ожу...
Сувать, а корманяцень максыть?
|
| КЕДЬМАСЬ
|
Аш, но тячи арьсине ни мон:
Максомс кормазень и видьмот.
Козянь мяленза ли Кедьмать.
|
| (Сувайхть школав).
|
|
|
| 6-це лисемась
|
(Ванясь кати мезе арьси,
тоса кармай корхтама)
|
| ВАНЯ
|
Мзярс «Зорянь» эрь колхозниксь
Улендсть аертф марстонь тефнень эзда!
[ 71 ]
Мзярс тюринь мяльхне лознясть
Кудта-кудс веленьконь эзга.
Кяшне палсть колхозникть мяштьса,
Мзярда няендсь, кода Келюсь шарфты,
Кода тюри наява и кяшфста.
Саты!
Тяни азсы судсь эсь кеме валонц.
А мон тюрян «Зорять» инкса куломс,
Конань инкса лама верда валовсь.
|
(Лиси. Аф лама пингта
меле сувай меки).
|
Зафур корхнесь: «Келюсь кандидат...
Сон одть инкса»... Тевса лиссь —
Сире пингонь хват,
Конань лосядсь Октябрянь инь псись.
Вов ужяль! Аш тяса Гринясь,
Цёрась лама лангти штафтоль...
А тячи венясь, венясь!
|
| (Сувай школав).
|
|
|
| 7-це лисемась
|
(Аф ламода меле сувай
Наста, кядьсонза сёрма)
|
| НАСТА
|
| (Пелезь).
|
Вов кда кяльсь сёрмаса маштоль, луволине.
|
| (Панчсы школа кенкшть, серьгяди).
|
|
|
|
|
| 8-це лисемась
|
| (Наста и Миша).
|
| МИША
|
Мезе ширден, Наста, вешат?
|
| НАСТА
|
Обечкада теень почтась
Сёрма кандсь, а коста
Саф и кинь ширде,
Содамс эряви.
|
| МИША
|
Мирьдень...
Аф, аф! Кядсь аф сонь.
Ну, кода?
[ 72 ]
|
| НАСТА
|
| (Эрязда)
|
|
|
| МИША
|
(Сязьсы конвертть.
Аф кувать ащи абондозь)
|
Да, сёрмась РУМ-ста... Арзамасста.
|
| НАСТА
|
| (Эводезь).
|
|
|
| МИША
|
| (Бокти)
|
|
|
| (Кармай аф смелста лувома).
|
Ну... кулхцонтт. «Наста, тята сюце,
Што тяфтама сёрма кучень.
Мезе тият, Наста, мон сизень
И лац лувине, што ётавсь кизе.
Сяс и путыне: тя тефненди
Сембонди путомс пе.
Монь ламос, Наста, кода пульть
Канни вармась, эряфсь каннемань,
Мезе аньцек мархтон изь уль...
Лац аф содан, кие тнярс ваномань.
|
| (Наста лофташкоды)
|
Но вдь пульскя эряй дуцянь самс,
Дуцяста вишке пизем прамс.
Эх, месть, Наста, тиенькшеень!
Ков аньцек мон лиенькшнень —
Ошста ошс, велеста велес,
Утомста утомс... И кинь пилес
Савондсь, Наста, кулемс,
Што Гринянди воркс улемс?
Тя сембе Келюнь вельде, Наста.
Молемс вели мон пяк виздень,
Сяс мес Келюнь пизот эждень...
Арьсень арамс честнай кити,
Сембе рдазть лангстон штамос,
Лисемс срокозень — и куду самос.»
|
(Тя пингть школаста кармай
лисема народсь).[ 73 ]
|
|
|
| 9-це лисемась.
|
Фкясь наротть ёткса:
Да, кемонень и ветень киза,
Прянь сёлгфтомать сатозе пизось.
|
| КОЛХОЗНИКСЬ
|
Колхозти судсь пара тись,
Штоба тейнек Келюнь паршинц
Максомс.
|
| (Корхтазь сембе лисихть)
|
|
|
| 10-це лисемась.
|
| (Лиси Ваня)
|
Сяськфт! И нинге сяськомс лама
Сави тейнек. Но анокт минь ульхтяма
Ленинть комсомолоц,
Сон кеме молот,
Конань искранза и толоц
Шавихть аф ужяльдезь вракнень.
А тяни, учемс видематнень...
|
| (Ерай тумс, но сонь сотсы Матясь.)
|
| МАТЯ
|
Тон? Ваня.., Ваня.
Уцяска вдь утяме...
Уцяска...
|
| ВАНЯ
|
Нинге сяда лама кармай улема,
Аньцек тонадома цебярьняста тюрема,
Штоба сатомс сембе тефнень эса
Оцю сатфкст! А тевда!..
Ну?..
|
| (И лисихть пялес ктмордазь).
|
|
|
| Занавес.
|
| 15/XII—33к.
|
