Jump to content

Колхозонь эряф/1939/10/М. Ю. Лермонтов/Драматическяй произведениянза

Add links
From Wikisource
←
Поэманза. Романтическяй поэманза
Колхозонь эряф (1939), № 10 Октябрь
edited by Чумаков И. Ф.
М. Ю. Лермонтов. Драматическяй произведениянза
Прозац
→
263827Колхозонь эряф (1939), № 10 Октябрь — М. Ю. Лермонтов. Драматическяй произведениянза
 
[ 42 ]

ДРАМАТИЧЕСКЯЙ  ПРОИЗВЕДЕНИЯНЗА

Лермонтовть откс пингонь драманза пяшксет страстностень чувствада, благороднай гуманистическяй порывда. Реалистическяй зарисовкатнень шовор моли активнай, гневнопротестующай романтизма.

Рана сьорматф „Испанцы“ трагедиясонза поэтсь мрци средневековай Испаниять эпоханцты. Фернандо од еврейсь воспитандави знатнай дворянинть Альварецон кудса. Фернандо кельксы воспитателенц стиренц Эмилиять. Обстоятельстватне арсихть стане, што Эмилиясь повонды развратнай инквизитор-атять Соррининь кядьс, конац анок тиемс насилия стирнять лангса. Штоба араламс кельгоманц честенц и аф максомс сонь инквизициять стака издевательстванзонды, Фернандо шавсы Эмилиять, а сонць кулы тол костер лангс.

Авторсь седиге аердаф инквизиторхнень эзда, конат плхнезь костер лангса сембе цебярть и передовойть. Синь няфтьфт кода веры убийцат, невежестванкса, фанатизманкса ащихть.

Рана сьорматф трагедиянц эса улихть кой-кодама слетт Шиллеронь „Разбойники“, „Коварство и любовь“ трагедиянзон эзда, можнат мумс стане жа сходствань элементт „Натан мудрый“ и „Эмилия Галотти“ Лессингонь произведениянзон мархта.

Но эряви азомс, што Лермонтовть драмац — оригинальнай, самобытнай произведения, конац пяшксе вии протестта гнетонь и бесправиянь ужаснень каршес. Авторть марнек пара мялец шарфтф мрачнай инквизициять трагическяй жертванзон шири.

Лия произведенияц „Люди и страсти“ ульсь автобиографическяй черта мархта. Трагедиять эса споряйхть итть воспитандамс правать инкса аляц и щавац. Лама пингонь квалма судендамась крхкаста сувась поэтть седис. Сон тиенкшнесь тейнза мученият и страданият. Пьесать геройц Юрий Волин кельксы двоюроднай сестранц, но тя чувствась тиенди тейнза аньцек страданият. Ня спорьсематнень сюнеда аляц проклинандазе цьоранц. Юрийнди ашесть кирдев судьбанц тяфтама ударонза и шавсы эсь прянц. Автобиографическяй интереста башка трагедиять эса виихть выпаттне крепостной правать каршес.

Примерна, тянь лаца ситуация минь мушенттама „Странный человекть“ эзда (1831). Алять и тядять йоткса аф ладяматне стака кевкс люпштайхть геройть Владимир Арбенинонь седиенц лангс. Сялонкшнематнень сюнеда пингта инголе кулы Владимиронь тядяц. Тядянц куломанц инкса ризфть, алянц проклинандаманц и келгоманц ширде васькафтомать сюнеда Владимир лиси йонда и кулы.

Крепостной правать ужасонзон каршес протестсь тяса няендеви нинге сяда вииста. Авторсь апак кяшенть ненавистьса и гневса шави самодурнай, зверень кодяма жестокай помещицать [ 43 ]лангс, конац мярьгонди „муворготф“ крестьяттнень синнемс кядьснон станок лангса и тарксемс сакалснон.

Негодованиянь, страстностень чувствань и помещичай стройть каршес выпадонь пяльде „Люди и страсти“ и „Странный человек“ драматнень ули общайсна сяка жа пингть тихтетьф знаменитай критикть Белинскяйнь „Дмитрий Калинин“ пьесанц мархта.

Сембода цебярькс Лермонтовть драматическяй произведениянц можна лувомс „Маскарадть“. (1834—35).

Кода и Пушкин, Лермонтов кярмотькшни Шекспиронди, штоба соньцтонза тонафнемс великай драматическяй искусствати.

Кода Шекспир „Отеллоть“ эса, стане Лермонтов „Маскарадть“ эса максси крхка анализ кунекстомань чувстватненди, няфнезе, коде кельгомась кунекстомать вельде шарксты ненавистенди. Ревностсь кошяресы геройть оцю преступленияс. Сянь лувозь, што Нинась тись измена, Арбенин отраваса кулофтсы сонь. Но сяда меле, кода содазе, што Нинась аф виноват, Арбенин кармась тоскавама и лиссь йонда.

Эсь трагедиянц сьормадома пингова Михаил Юрьевич цебярьста содазень знаменитай английскяй драматургть произведениянзон. „Отелло“ трагедиять влияниянц фатязень нльне кой-кона детальхнень. Шекспиронь трагедиясонза юмаф руцянясь Отеллоть седис шачфни подозрения и кунекстомань чувства. Лермонтовть героиняц юмафтсы браслетонц. Кунекстомать сюнеда и Отелло и Арбенин оцюста наказандакшнесазь аеркс рьваснон. Звездич князть эзда няевихть Яготь чертанза.

„Маскарад“ драмаса яркайста сатирически няфтьф поэтть пингонь петербургскяй дворянскяй обществась. Лермонтов пощадафтома разоблачандакшнесыне дворянскяй эряфть пошлостенц, пустотанц, паразитизманц.

Пошлай любовнай интригатне, корхтафтоматне, лиянь корхтафтоматне, картаса налхкомась, балхне, кодамовок творческяй порывонь аф улемась — тяфтамоль светскяй кругть представителензон эряфсна. Лермонтов валхнесыне кольф-калатф ломаттнень маскаснон, лихнесыне лангу правящай крукнень эгоизмаснон, честолюбияснон, грубостьснон, корыстолюбияснон, жестокостьснон, конат ланга кяшфт европейскяй урядть и пиндолфть мархта. „Два брата“ драмасонза няфнесыне кафта браттнень Александр и Юрий Родиттнень соперничестваснон мирде мархта фкя авань инкса. Шарфни мяль Александрсь. Александрсь няфтьф эсь видева эгоистокс, кяжикс, кяжень панды ломанькс, вии воляц. Сон сембе пингть эсь мельганза ваны и мезе бди эсь эздонза веши. Александр кода бта переходнай тип Арбенинонь эзда Печоринонди.

Лермонтовть драматургияц ащи питни вкладкс русскяй литературати.

 
 

(примечание редактора вики-библиотеки) Ссылки на произведения, перечисленные в этой статье:

Retrieved from "https://wikisource.org/w/index.php?title=Колхозонь_эряф/1939/10/М._Ю._Лермонтов/Драматическяй_произведениянза&oldid=855611"