Колхозонь эряф/1938/05-6/Советскяй народть гордостец

From Wikisource
Jump to navigation Jump to search
Колхозонь эряф (1938), № 5—6 Май-Июнь edited by Ежов П. И., Пинясов Я. М.
Советскяй народть гордостец
Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь оргкомитетть органоц. Лисенди кефкиице кизось, ковти весть. — № 5—6 Май-Июнь 1938 киза. — с. (11)13—14
 

[11]

 
[13]
СОВЕТСКЯЙ  НАРОДТЬ  ГОРДОСТЕЦ
А.  М.  Горькийнь  куломанц  омбоце  годовщинац

Кафта кизот тяда инголе 1936-це кизоня июнть 18-це шистонза — кулось великай русскяй писательсь, человечествать счастьянц инкса самоотверженнай и страстнай борецсь — Алексей Максимович Горькийсь.

Троцкистко-бухаринскяй убийцатнень подлай фашистскяй шайкасна сязезе прекраснай эряфонц революциянь пламеннай буревестникть.

„Ленинонь куломодонза меле — Горькийнь куломац — инь стака юмафкссь минь странаньконди и человечествати“ — азозе Молотов ялгась гениальнай писательть паметенцты посвященнай речьсонза.

Горький йотась стака трудовой эряф, конац пяшксель невзгодта, лишенияда, жестокостьта, обидада и гоненияда, кона эряфть ланга обрекал царизмась сембе мыслящайть, передовойть, активнайть, сембонь, мезе кепсезе эсь вайгяленц насилиянь и вяронь царствать каршес, буржуазно-помещичьяй вековой гнетть каршес. Йомланястакиге Горький эсь сембе произведениянзон, сембе эсь эряфонц сотозе народть мархта, коста сон сонць лиссь. 30 кизода тяда инголе Горький сьормадсь: „Народсь — аф аньцек вий, конац тисыне сембе материальнай ценносттнень, но и единственнай и неиссякаймай источник духовнай ценносттнендинге...“

Горький эсь прекраснай произведениясонза моразе трудящай ломанть образонзон, ломанень счастьянкса самоотверженнай тюрихнень образснон. Изергиль бабать йофксонзон эзда Данкось, буревестниксь, а тяда меле Павел Власовсь, „Мать“ повестть эзда сире Ниловнась и лама лия пролетариятнень, революционерхнень замечательнай образсна пяк известнайхть сембе советскяй народти.

Великай пролетарскяй писательсь эсь статьянзон и художественнай произведениянзон эса гневна разоблачандакшнезень народонь вракнень, революциянь вракнень. Сон непревзойденнай мастерстваса рисовандакшнезень йотай пингонь ломанень типнень, ломаттнень—хищникнень. Эсь романонзон эзда фкяса „Клим Самгинть эряфоц“ Горький няфтезе капитализмань холопонь типть, двурушникнень и предательхнень типснон. Тя отвратительнай ломанень кондяма типса, можна няймс тянийнь пингонь фашистскяй наймиттнень и родинань предательхнень характернай чертаснон.

Горький лац содальхце вракть и меткайста шавсь эсонза. И вракне шарьхкоделезь, кодама страшнай тейст Горькийсь.

Оцязоронь правительствась эсь пингстонза врьгятсь тюрема Горькийнь каршес не на жизнь, а на смерть. Сонь, туберкулезса сяредить, полициясь сознательна йоразе кучемс стама вастс, коса климатсь ульсь убийственнай сонь эряфонцты. Горькийнь деятельностец тяшкава пяк тревожендазень охранникнень, што синь, аф лотксемок преследованиятнень лангс, ссылкать и тюрьматнень лангс, 1903-це кизоня организовандасть Алексей Максимовичть эряфонц лангс покушения. Москуса, Горьковскяй музейса ванфтови портсигар, конанц потмакссонза содави пейльса печконьф васта. Тя портсигарсь шорясь черносотенец убийцать пейленцты народнай великай писательть зряфонц сяземанцты.

[14]Великай Октябрьскяй социалистическяй революциять победадонза меле Горькийть деятельностец получась исключительно оцю размах. Но сонь эряфсонза тевкс ульсь аф аньцек литературась. Литературась и Горькийнь политическяй деятельностсь неразрывна сотфтольхть фкя фкянь мархта. Октябрьда меле Горький арась социалистическяй обществань строяйхнень йоткса инь активнайкс, социалистическяй культурань строямаса руководителькс.

Кеподемок эсь вайгяленц СССР-ть араламанц инкса, мирть араламанц инкса, разоблачандакпшемок васькафнемать, конань распространяндакшнезь Советонь странать колга контрреволюционерхне, всякай мастень фашисттне, Горький лездсь зарубежнай интеллигенциять лама лучшай представителензонды содамс правдать минь странаньконь колга и арамс сонь друзьянзон рядонзонды. Горькийсь ульсь международнай антифашистскяй движениять руководителензон эзда фкясь, мирть инкса крупнейшай борецнень эзда фкясь.

Социализмать подлай врагонза, народть врагонза, кяжснон шарфтозь Горькийть лангс. И синь шавозь сонь. Синь шавозь сонь сяс, што сон ульсь великай народть, великай цьорац, сяс, што сон мольсь социализмать инкса борецонь сталинскяй армиять васенце шеренгаса, сяс, што сон ульсь личнай другокс и соратникокс Ленинти и Сталинти.

Сянь, мезе не могли тиймс царскяй жандармериясь, тиезь подлай предательхне — троцкисттне и бухаринецне.

Сембе эсь эряфонц пингста Горькийсь тюрсь каиитализмать каршес и кулось эсь постсонза сире мирть поддонканзон ядовитай сускфснон эзда. Сонь шавозь сяка жа негодяйхне, конатнень кядьсна валфт незабвеннай Сергей Миронович Кировть верса, сят жа негодяйхне, конат кулофтозь Менжинскяйть, Куйбышевть и Горькийть цьоранц.

Чтиндамок сонцень великай певецонц памятенц, тонафнемок сонь произведениянзон сокровищаснон, социализмань странать трудящайнза мзярдонга аф юкстасазь сонь валонзон: „Кда врагсь не сдается — сонь машфнесазь“. Народсь аф юкстасыне Горькийть ня валонзон, пока модать лангс аф иляды великай пролетарскяй писательть подлайста шавиензон вдохновительснон эзда фкявок.

Алексей Максимович Горькийсь — советскяй народть гордостец — вечна кармай эряма сембе прогрессивнай человечествать седиенц эса.