Колхозонь эряф/1938/03-4/Маяковский - советскяй эпохань талантливейшай поэт
| ←Валпрякс | Колхозонь эряф (1938), № 3—4 Март-Апрель edited by Ежов П. И., Пинясов Я. М. Маяковский — советскяй эпохань талантливейшай поэт |
Сталинскяй тяштьсь→ |
| Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь оргкомитетть органоц. Лисенди кефкийце кизось, ковти весть. — № 3—4 Март-Апрель 1938 киза. — с. (3)5—6 |
 |
| Владимир Маяковский |
| Маяковский — советскяй эпохань талантливейшай поэт |
Маяковскяйсь лиссь революционнай большевистскяй подпольять эзда. Революцияда ингольдень русскяй поэзияса сон ульсь сят афлама поэттнень мархта, конат кепсезь синцень протестонь вайгяльснон капитализмать каршес, империалистическяй бойнять каршес. Ся пингонь сонь творчествац ульсь тенденциознай революционнай смысласа. Ся пингонь сонь сатирическяй стихонза сьормадкшневсть Гейнень, Некрасовонь революционнай политическяй сатирань традицияснон коряс. Октябрьскяй революциять васенце шинзон пингстакигя Маяковский арась якстерь баррикадань поэтокс. Сон сембе эсь талантонц максозе революциять врагонзон каршес, интервенттнень каршес пролетариатть вооруженнай тюреманцты. Маяковскяйть революционнай моронц мархта мольсть матросне Зимняй дворецть штурманцты. Тьожятть строчка сьормадсь Маяковскяй, мзярда работась Ростаса, сон агитировал, мобилизовандакшнезе народть Октябрьть победанц инкса тюремати. Кемотть стихт сьормадсь сон конкретнай эрь шинь тюремати хозяйствать восстановлениянц инкса, массатнень культурнай касомаснон инкса, бюрократизмать каршес тюремать инкса, политикаса, бытса, искусстваса вредительствать каршес. Сон тийсь замыслать коряс грандиознай эпопея, кона посвященнай Ленинти. Сон сьорматкшнесь поэмат, морот, пьесат, конат пяшксет фкя и сяка жа неистребимай, пламеннай идеяса социализмать торжестванц инкса. Тяконди жа ульсь посвященнай сонь мекольдень поэтическяй валоц: „Катк тейнек марстонь памятникокс кармай улема бойхнень эса строяф социализмась.“ Величайшай бескорыстия, пяк оцю убежденность сонцень поэтическяй тевонц правотанцты, верность и преданность партияти, народти — ня качестватне тиендсазь Маяковскяйть благороднейшай фигуракс мировой поэзияса.
Маяковскяйти всегда ульсь принципиально важнайкс постояннай, кровнай соткссь революциять мархта. Тяфтома, коммунизмать инкса тюремафтома, сонь ашель творчествац. Сонь всегда тревожазе арьсемась сянь колга, шарьхкодьсазь ли сонь кода эряви сонь поэт ялганза и советскяй лия поэттне. Сон макссезе тейст кизефксть видеста: „Тон азк, тиеть ли или тяряфнеть тиемс тон эсь стихнень эзда оружия классти, оружия революцияти?“ Сон справедливо лувондозе, што революциять истиннай оружияц аф ограничендави общай валса, кодама ба мазихть синь афольхть уль. Всякай темати сон кярьмотькшнесь пяк оцю личнай заинтересованностьса. Сонь кяденза пачкодькшнесть семботи — и тяконь шовор насокнень качестваснонды, часовой стрелкатнень колга кизефксти молемс. Сон корхтась тейнза присущай страстностьса: „Минь содатама тячиень шинь кемотть жгучай и важнай проблемат. А коса поэтсь? Кона шайтанонь тидяти ня поэттне юмасть?.. Эсь собственнай душанц лирическяй сущностенц эсь прянц няфтеманц вешендемаса [ 6 ]литераторсь сязевсь самай главнайть эзда: улемс активнай работникокс минь социалистическяй строительстваньконь фронтса“.
Маяковскяй ульсь революционнай политическяй поэзиять лучшай традициянзонды талантливай продолжателькс. Но сон, тяда башка ульсь мировой революционнай поэзияса величайшай новаторкс. Сонь новаторствац ащесь аф аньцек формать, синтаксисть, образностть новаторстванц эса.
Маяковскяйсь — подлинно народнай поэт. Но сонь народностец ащи аф архаическяй, примитивнай форматненди механическяй подражанияса, аф традиционнай любовно-заунывнай тематикати тумать эса, кода шарьхкодьсазь „народностть“ кой-кона поэттне.
Маяковскяйть народностец ащи сянь эса, што сонь поэзияц няфнесыне передовой человечествать, сембе советскяй народть идеянзон, чувстванзон и чаяниянзон. Сонь народностец сянь эса, што сон няфтезе стихса и народть революционнай тюремань пафосонц, и эрьшинь сонь заботанзон и тевонзон. Маяковскяйть народностец и сянь эса, што сон йордазень и срафтозень поэтическяй, форматнень косностьснон, поэтическяй валть искусственностенц и камернай приглушенностенц — и кемокстась поэтонь-трибунонь, ульцянь и площадень, заводскяй цехонь и лама тьожятть народнай аудиториянь страстнай, кайгозь-кайги речь.
Маяковскяй ульсь величайшай новаторкс поэтическяй формань областьса. Тяса сон ульсь истиннай изобретателькс. Сон кеподезе русскяй стихотворнай культурать сяда вярдень уровеньти. Тя направленияса тяниень пингть самс пяк кальдявста разработаннайхть и кальдявста изученайхть Маяковскяйть сатфксонза. А вдь, формальнай лафчашись, пяк кунардонь архаическяй приемтнень мельгя молемась — пяк распространеннай афсатыкссна нльня ламоц минь крупнай поэтоньконь.
Маяковскяйть поэзияц всегда ульсь мобилизационнай готовностень состоянияса. „Поверх зубов вооруженнай войскань“ сонь стихонза всегда ульсть анокт. Именно тяфтамкс должен улемс сембе советскяй поэзиясь. Мекольдень пингть советскяй поэзиясь козякадсь прекраснай мороса, боевой вию маршса. Но эряви видеста азомс: самай цебярьсь, мезе сьормадф военнай опасностть колга, Советскяй патриотизмать колга, анокста улемать эрявиксонц колга, порахть коськста кирдеманц колга, самай цебярьсь принадлежит Маяковскяйть перанцты.
Владимир Маяковскяйсь — самай цебярь, советскяй эпохань талантливейшай поэт, революциянь поэт, ся народть поэтоц, кона строясь социализма.