Колхозонь эряф/1938/01-2/Всесоюзнай коммунистическяй (большевиконь) партиять Центральнай Комитетонц обращенияц

From Wikisource
Jump to navigation Jump to search
Колхозонь эряф (1938), № 1—2 Январь-Февраль ков edited by Ежов П. И., Алемаев Н.
Всесоюзнай коммунистическяй (большевиконь) партиять Центральнай Комитетонц обращенияц
Колхозонь эряф (Колхозная жизнь). Общественно-политическяй и литературно-художественнай журнал. Мордовскяй АССР-нь советскяй писателень союзонь оргкомитетть органоц. Лисенди кефкиице кизось, ковти весть. — № 1—2, Январь-Февраль ков 1938 киза. — с. 3—7
 
[3]
ВСЕСОЮЗНАЙ     КОММУНИСТИЧЕСКЯЙ (БОЛЬШЕВИКОНЬ)   ПАРТИЯТЬ   ЦЕНТРАЛЬНАЙ КОМИТЕТОНЦ
ОБРАЩЕНИЯЦ
Сембе  избирательхненди,  рабочайхненди,  роботницатненди,  крестьяттненди  и
крестьянкатненди,  Якстерь  Армияти,  советскяй  интеллигенцияти.
 

ЯЛГАТ!

1937 кизонь декабрьть 12-це шистонза Советскяй Союзонь трудящайхне минь Социалистическяй Конституцияньконь коряс кармайхть кочкама ССР-нь Союзонь Верховнай Совету депутатт.

Кочкаматнень эса большевиконь партиясь выступает блокса, союзса беспартийнай рабочайхнень, крестьяттнень, служащайхнень, интеллигенциять мархта. Верховнай Совету депутатонди избирательнай окрукнень эса регистрировандаф кандидаттнень, — кода коммунисттнень, станя и беспартийнайхнень, — выдвинули заводга рабочаень и служащаень общай собраниятне, воинскяй частева якстерьармеецонь собраниятне, велева колхозниконь и единоличниконь собраниятне — коммунисттнень и беспартийнайхнень избирательнай союзснон коряс. Нят кандидатуратнень единодушна поддержали избирательнай округова и участкава трудящайхнень многочисленнай митингсна.

Большевиконь партиясь аф пирендьсы эсь прянц беспартийнайхнень эзда, а мекланкт, кочкаматненди моли блокса, союзса беспартийнайхнень мархта, моли блокса рабочаень и служащайнь профессиональнай союснень мархта, комсомолть и беспартийнайнь лия организациятнень и обществатнень мархта.

Сяс, депутатонди кандидаттне улихть общайхть кода коммунисттненди, станя и беспартийнайхненди, эрь беспартийнай депутатсь кармай улема станяжа депутатокс коммунисттнень эзда, кода и эрь коммунистическяй депутатсь кармай улема депутатокс беспартийнайхнень эзда.

Большевиконь партиясь сергятькшнесыне сембе коммунисттнень и сочувствующайхнень дружнайста, кода фкя, голосовандамс кода партийнай, станя и беспартийнай кандидаттнень инкса.

Большевиконь партиясь расчитывает, што беспартийнай избирательхне кармайхть станя жа дружнайста голосовандама коммунисттнень-кандидаттнень инкса, кода и кандидаттнень-беспартийнайхнень инкса.

Ули ли избирательхнень основаниясна голосовандамс большевистскяй партиять кандидатонзон инкса?

Заслуживает ли большевиконь партиясь народть ся довериянц, конань ланкс расчитывает сон предстоящай выборхнень эса?

Мезькс ульсь минь родинаньке тяда инголе и мезькс сон арась Советскяй властть кизонзон пингста большевистскяй партиять руководстванц пингста?

Мезькс ульсь минь родинаньке помещикнень и капиталисттнень господстваснонь пингста и мезе сон сатсь рабочайхнень и крестьяттнень властьснон пингста, большевистскяй партиять руководстванц пингста?

Советскяй властть кизонзон пингста минь странаньконь обликоц полафтсь [4]юрнек. Фталу илятфонь и средневековьянь, — трудящайхненди темнотань и бескультурьянь, нищетань, бесправиянь и угнетениянь странаста, кодамкс ульсь сире Россиясь, минь странаньке арась передовой, культурнай, могучай социалистическяй державакс.

Ня успехнень сатозень минь народоньке большевиконь партиять руководстванц ала.

Кие стремится сянди, штоба минь родинаньке улель сяда товга могучай, культурнай и свободнай социалистическяй державакс, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Минь странасонк навсегда машфтфт хозяйствань капиталистическяй системась и эксплоататорскяй классне, отмененай частнай собственностсь орудиятненди и производствань средстватненди и машфтф ломаньца ломанень эксплоатациясь. Минь советскяй обществаньконь кода незыблемай основац, кемокстаф социалистическяй собственность орудиятненди и производствань средстватненди.

Всемирно-историческяй тя победать сатозе минь народоньке большевиконь партиять руководстванц ала.

Кие стремится сянди, штоба Советскяй Союзонь трудящайхне улельхть навсегда свободнайхть эксплоатациянь ярмоть эзда, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

СССР-са социализмань победась обеспечендазе промышленностть расцветонц. Кафта пятилеткатнень кизоснон пингста тийф первокласснай промышленность, конац оснащеннай современнай техникаса. Минь социалистическяй фабриканьконь и заводоньконь производствань об“емсна войнада ингольдень промышленностень производствать об“емонц йотнесы 8-нь крдада ламоксть.

Ня успехнень сатозень минь народоньке большевистскяй партиять руководстванц ала.

Кие стремится сянди, штоба минь индустрияньке касондоль-вииякшнель сяда товонга, йотнемок капиталистическяй странатнень, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Минь странаньконь велень хозяйствасонза кафта кемотть миллионда лама мелкай и мельчайшай синь слабай техникаснон и помещиконь и кулаконь засилья мархта единоличнай крестьянскяй хозяйстватнень вастс кассть и кемокстасть крупнай социалистическяй хозяйстват — 243 тьожяньда лама колхост, конат свободнайхть помещикнень и кулакнень эзда, конат обильнайста снабженнайхть тракторса, комбайнаса и современнай вельхозяйственнай лия машинаса. Минь колхознай велень хозяйстваньке марса совхоснень мархта, кда кирдемс мяльса сонь сембе отраслянзон, производит тяни продуктада кафтонь крдада сяда лама, чем войнада ингольдень пингонь велень хозяйствась.

Тя всемирно-историческяй победать сатозе минь народоньке большевиконь партиять руководстванц ала.

Кие стремится сянди, штоба минь кольхозоньке и совхозоньке панжезь-панжельхть сяда товга, макссемок минь странаньконди велень хозяйственнай продуктань изобилия, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

СССР-са социализмать победац обеспечендазе трудящайхнень положенияснон кореннойста цебярьгофтоманц. Оцязоронь Россияса ялан лама ульсь безработнайда, кода сон ули эрь капиталистическяй государстваса тянингя. Материальнай ширьде аф обеспеченностсь, вандыень шити аф уверенностсь, нищетась ульсть постояннай уделкс рабочай классти. Советтнень властьснон пингста навсегда машфтф безработицась. Советскяй гражданинть инголе, конань мялец трудендамс, мзярдовок аф арай вандыень шити аф уверенностть колга кизефкссь. Минь странаньконь сембе гражданонзонды законца обеспечендаф [5]права трутти, ваймаманди, сиретьфста материальнай обеспечениянди.

Ня успехнень минь народоньке сатозень большевистскяй партиять руководстванц ала.

Кие стремится сянди, штоба минь странань трудящайхне сяда товонга улельхть избавленнайхть кодама ба тяза уль безработицада и эсь вандыень шиснонды аф уверенностьта, кие хочет рабочайхнень и служащайхнень материально-бытовой положенияснон сяда тов цебярьгафтоманц, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Мезькс ульсь крестьянинць помещиконь и капиталистонь властть пингста? Сон ульсь самай обездоленнай, самай бесправнай ломанькс. Революцияда ингольдень велеса ульсть 40 миллионда лама бедняцкяй населения, ломатть, конатненди уделкс ульсть вачашись и нищетась. Советскяй стройсь, конац машфтозень помещикнень, конац машфтозе кулацкяй кабалать, макссь крестьяттненди 150 миллиотт гектарда лама помещиконь и кулацкяй модат и конац обеспечендась колхознай стройть победанц, — навсегда избавил бедностть и нищетать эзда крестьянствать и обеспечендась теенза возможность зажиточнай и культурнай эряфти.

Ня достижениятнень сатозень минь народоньке большевистскяй партиять руководстванц ала.

Кие стремится сянди, штоба минь крестьянстваньке улель навсегда обеспечендаф нищетать и вачашинь опасностть эзда, кие хочет велеть зажиточнай эряфонь сяда товолдонь под“емонц, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Оцязоронь Россиясь ульсь шовда и невежественнай. Населениять сембода ламоц ульсь афграмотнай. Советскяй жа странаса йотафтф ни эряфс всеобщай обязательнай тонафнемась — минь школасонк тонафнихть 30 миллиотт итть. Сембе граждаттненди образованиянди правась завоеваннай и сьорматф минь Конституциязонк. Странать эса населениять грамотностец йотнесыне 90 проценттнень. Странать эса курок аф кармай улема фкявок афграмотнай гражданин. Наукась, литературась, театрась, искусствась касыхть-вииякшнихть минь странасонк кода мзярдонга ашель. Наукань и искусствань завоеваниятне ащихть сембе граждаттненди достояниякс.

Ня успехнень сатозень минь народоньке большевиконь партиять руководстванц ала.

Кие стремится минь странасонк просвещениять сяда товолдонь касоманцты, кие хочет Советскяй Союзонь нароттнень наукаснон, литератураснон и искусстваснон сяда товолдонь расцветонц, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Оцязоронь Россияса авась ульсь рабокс и лядонды рабокс сембе капиталистическяй странатнень эзга. Аньцек СССР-са сон свободнай и полноправнай. Кода ошса, тяфта и велеса авась кядень пецек моли алять мархта социализмань строямаса и государствать управлениясонза. Аньцек минь странасонк тийфт условият обеспеченнай и счастливай материнствати. Советскяй закоттне ванфнесазь тярять праванзон и иттнень шумбра шиснон.

Ня успехнень минь народоньке сатозень большевиконь партиять руководстванц ала.

Кие стремится сянди, штоба минь советскяй аваньке улель ба сяда товонга свободнай и полноправнай хозяйствань и управлениянь сембе областева, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Оцязоронь Россиясь ульсь тюрьмакс нароттненди, национальнай гнетонь и резнянь странакс, тяфта жа кода и сембе капиталистическяй странатне ащихть национальнай гнетонь и колониальнай порабощениянь странакс. Аньцек Советскяй Союзса сяда инголе угнетеннай нароттне сатсть полнай освобождения национальнай гнетть и [6]неравноправиять эзда. Тяни Советскяй Союзса пуроптфт СССР-нь нароттне единай союзнай государствас равенствань и добровольностень началаса. Советскяй Союзсь мирса ащи фкя странакс, коса педа-пес машфтф нароттнень йоткса фкя-фкянди афверондамась и коса нароттнень отношениясна тиендевихть фкя-фкянди верондамань, братскяй союзонь и дружественнай сотрудничествань началаса.

Тя всемирно-историческяй победать минь родинаньке сатозе большевиконь партиять руководстванц ала.

Кие стремится сянди, штоба Советскяй Союзть народонза улельхть сяда товонга свободнайкс и равноправнайкс, кие стремится СССР-ть народонзон дружбаснон сяда тов кемокстаманцты, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Од свободнай эряфонь строительствань областьса минь родинаньконь сатфксонза поистине оцюфт. Синь завоевандазь СССР-ть народонза большевистскяй партиять руководстванц ала внутренняй и внешняй вракнень каршес тюремаса. СССР-нь нароттнень друзьясна радовайхть ня сатфксненди и приветствуют синь. Но Советскяй Союзть улихть аф аньцек друзьянза. Сонь улихть нингя врагонзовок. Тя, васендакигя, странаса машфтф эксплоататорскяй класснень ляткссна. Тя, омбоцесь, Советскяй Союзть пределонзон омбокса капиталистическяй странатнень реакционно-фашистскяй вийсна. Кда внутренняй вракне малочисленнайхть и бессильнайхть, то синь ширеснон кирди внешняй вракне ащихть серьезнай опасностекс минь родинаньконь свободанцты и независимостенцты. Штоба обезопасить минь родинаньконь тя опасностть эзда, эрявихть, васендакигя, цебярьста организовандаф карательнай оргатт, конат способнайхть обезвредить шпиоттнень, вредительхнень, диверсанттнень и советскяй наротть лия врагонзон; эряви, омбоцесь, цебярьста организовандаф и технически оснащеннай Якстерь Армия, конац способнай ванфтомс советскяй границатнень извне нападениятнень эзда; эряви, наконец, штоба улель лац арьсеф и последовательнайста йотафневикс миронь политика, конац способнай разоблачать капиталистическяй странань воинствующай крукнень захватническяй политикаснон. Лама кизонь пингста советскяй властсь маштсь сатомс сянь, што минь родинаньконь эсь распоряжениясонза тяни улихть, кода проверендаф карательнай органонза и лац оснащеннай Якстерь Армияц, тяфта и внешняй отношениянь областьса последовательна йотафневикс миронь политикац. Аньцек ня сатфкснень улемаснон мархта азонкшневи ся фактсь, што советскяй народсь вов ни 16 кизот избавленнай военнай столкновениятнень эзда, пользовандакшни, мирнай эряфть благанзон мархта и ули возможностец сяда тов мольфтемс эсь мирнай трудонц.

Минь родинаньконь свободанц и независимостенц арелямаса ня успехнень СССР-нь нароттне сатозь большевистскяй партиять руководстванц ала.

Кие стремится сянди, штоба СССР-нь трудящайхне сяда товонга пользовандакшнельхть мирнай трудонь благаса, кие йорай минь родинаньконди свобода и независимость, ся кармай голосовандама большевиконь партиять инкса, ся кармай голосовандама коммунисттнень и беспартийнайхнень блокснон кандидатонзон инкса.

Тяфтапт минь родинаньконь революциянь кизотнень пингста сатфксонза, конат завоевандафт большевиконь партиять руководстванц ала.

Тяфтапт большевиконь партиять тюреманц тевонза и итогонза, конань валоц мзярдовок ашезь аерткшне тевть эзда и конань обещаниянза мзярдовок ашесть арсе пустой вайгялькс.

Вов мес большевиконь партиясь позволяет эстеенза рассчитывать наротть довериянц ланкс предстоящай выборхнень эса.

Вов мес большевиконь партиять ули правац надиямс, што избирательхне единодушна кармайхть голосовандама коммунисттнень и беспартийнайхнень блокснон кандидатонзон инкса.

[7]Избиратель ялгат!

Избирательнай кампаниять молема пингста няевсь кой-кона коммунисттнень и беспартийнайхнень мяльсна голосовандамс обязательна и аньцек лидерхнень инкса, партиять и правительствать руководительснон инкса, афваномок сянь ланкс, кодама избирательнай округса синь зарегистрированнайхть. Ня ялгатне, кода няеви, аф шарьхкодьсазь, што законц коря эрь кандидатсь может баллотироваться аньцек фкя избирательнай округса. Ня ялгатне, кода няеви, аф шарьхкодьсазь, што тя или тона кандидатть инкса голосовандамась, конань поддерживает большевиконь партиясь и беспартийнайхне, ащи голосованиякс аф аньцек тя кандидатть инкса, но васендакигя, — ся политикать инкса голосованиякс, конань йотафнесы большевиконь партиясь марса беспартийнайхнень мархта и конань обязуется йотафтомс эряфс тя кандидатсь. Задачась ащи сянь эса, штоба кандидаттне улельхть стойкай и народть тевонцты преданнай ломанькс и штоба избирательхне дружнайста голосовандальхть сембе кандидаттнень инкса, кда нльня кой-конат синь эздост тяни эсь од шидост аф ащихть общепризнаннай руководителькс. Советскяй стройть особенностец именна сянь эса и ащи, што сон обеспечендакшнесы вишкста касомаснон ломаттнень, синь способностьснон, синь талантснон, што исяк нингя аф пяк содаф ломаттне нюрьхкяня пингста могут арамс общеизвестнай деятелькс, конат заслуживают всеобщай уважения.

Всесоюзнай Коммунистическяй (большевиконь) Партиять Центральнай Комитетоц серьгятькшнесыне сембе коммунисттнень и сочувствующайхнень голосовандамс беспартийнай кандидаттнень инкса тяфтама жа единодушияса, кодамса синь должетт голосовандамс кандидаттнень-коммунисттнень инкса.

Всесоюзнай Коммунистическяй (большевиконь) Партиять Центральнай Комитетоц серьгятькшнесыне сембе беспартийнай избирательхнень голосовандамс кандидаттнень—коммунисттнень инкса тяфтама жа единодушияса, кодамса синь кармайхть голосовандама беспартийнай кандидаттнень инкса.

Всесоюзнай Коммунистическяй (большевиконь) Партиять Центральнай Комитетоц серьгятькшнесыне сембе избирательхнень самс, кода фкя, сембонди 1937 кизонь декабрьть 12-це шистонза избирательнай урнатненди Союзонь Совету и Национальностень Совету депутатонь кочкама.

Не должен улемс фкявок избиратель, конац аф использовандасы эсь почетнай праванц советскяй государствать Верховнай органц кочкамаса.

Не должен улемс фкявок активнай гражданин, конац ба афольхце лув эстеенза гражданскяй долгокс сембе избирательхнень Верховнай Совету кочкаматнень эса участияснонды содействиять.

1937 кизонь декабрьть 12-це шиц должен арамс СССР-нь сембе народонь трудящайхненди Ленинонь—Сталинонь победнай знамять перьф единениянь праздникокс.

Сембе кочкама!

Шумбра улеза и кемокснеза минь могучай родинаньке — Советскяй Социалистическяй Республикань Союзсь!

Шумбра улеза минь советскяй социалистическяй Конституцияньке!

Шумбра улеза рабочайхнень и крестьяттнень союзсна!

Шумбра улеза советскяй государствать верховнай органозонза предстоящай кочкаматнень эса коммунисттнень и беспартийнайхнень союзсна!

Шумбра улеза Советскяй властсь!

Шумбра улеза Всесоюзнай коммунистическяй (большевиконь) партиясь! ВСЕСОЮЗНАЙ КОММУНИСТИЧЕСКЯЙ (БОЛЬШЕВИКОНЬ) ПАРТИЯТЬ ЦЕНТРАЛЬНАЙ КОМИТЕТОЦ.

Декабрьть 6-це шистонза 1937 кизоня.