Колхозонь эряф/1938/01-2/Великай гуманист

From Wikisource
Jump to navigation Jump to search
Колхозонь эряф (1938), № 1—2 Январь-Февраль ков edited by Ежов П. И., Алемаев Н.
Великай гуманист
Колхозонь эряф (Колхозная жизнь). Общественно-политическяй и литературно-художественнай журнал. Мордовскяй АССР-нь советскяй писателень союзонь оргкомитетть органоц. Лисенди кефкиице кизось, ковти весть. — № 1—2, Январь-Февраль ков 1938 киза. — с. 33—36
 
[]
 
[33]
ВЕЛИКАЙ   ГУМАНИСТ
 

Горький ульсь фкя великай гуманистокс русскяй и мировой классическяй литературать эса.

Горький кеподезе гуманизмань знамять, ломаньть и человечностть араламанц инкса знамять ся пингть, мзярда буржуазиясь наява атказась нльня гуманистическяй фразеологиять эзда, мзярда буржуазнай литературась кармась наява сельгондемонза ломанень личностть, сонь достоинстванц. Горький выступил васенце эсь произведениянзон мархта сят шитнень эзда, мзярда буржуазнай интеллигенцияти „прорококс“ и „вождекс“ ульсь Фридрих Ницше — тяниень пингонь фашизмать идейнай предшественникоц. Ницше проповедондась „госпоттнень моральснон“ аф лама „избраннайхнень“ мезьсонга апак кяшть праваснон сянди, штоба господствондамс трудящаень массатнень лангса. Ницшеанскяй философиять коряс человечествась явондови и должен явондовомс кафтова: господат и рапт, господатне должетт улемс властнайкс и жестокайкс, рапне должетт синь кулхцондомс.

Тевсь тя ульсь пяк простой „философияня“, конац фсякайкс шнакшнесы „господинть“ жестокостенц.

Литературнай кить эзга тумань васень пингстонзакигя Горький ушедсь тюрема буржуазнай „философиять“ каршес, буржуазнай моральть каршес.

Упадкань эпохань буржуазнай литературась доказывал ломаньть ничтожестванц, конань мархта оправдывал „госпоттнень“ насилияснон, трудовой ломаньти синь циническяй презренияснон.

Горький выступил радостнай гимнаса ломаньти, сонь величиянцты, сонь творческяй виенцты, сонь разумонцты, счастьяти сонь волянцты.

Русскяй классическяй литературась знаменитай васендакигя эсь гуманизманц мархта. XIX веконь сембе русскяй литературать эса наругаф личностть достоинстванц инкса тюремань мотивсь кайгозь кайги. Тяфтама великай писательхнень произведенияса, кода Некрасов, Салтыков-Щедрин, тя мотивсь арсесь всякай угнетенияти и наругамати подлиннай ненавистекс.

Горький сувась тя великай гуманистическяй традицияти и тага эреклафтозе сонь сят шитнень, мзярда буржузнай литературась тя традициять сельгондезе и тапсезе урдазс.

Но Горькиень гуманизмац ульсь аф простой продолжениякс классическяй гуманизмать линиянцты. Горькиень гуманизмац од валоль, конац васенцеда кайгозевсь русскяй и мировой литературать эса.

Эсь творчествасонза героенди Горький няфтсь оцю, вии ломань, эряфти афкуксонь азор, конанц наругазь и обжазь модать лангса временнай азорхне. Тя геройсь можна азондомс сонцень Горькиень валонзон мархта: „Сон — ломанць од человечествать эздонь, оцю, дерзкай, вию, — сяс тяшкава яростнайста сонь аф кельксазь сире миронь ломаттне“.

Эсь ранняй рассказонзон эса ни [34]Горький шарьхкодевиста и видеста азозе кинь инкса и кинь каршес сон тюри. „Старуха Изергиль“ йофкссонза кафта обраст путфт фкя-фкянь каршес: хищник-индивидуалистсь Ларр, ломаттнень врагсна, и мужественнай Данкось, конац таргасы мяштьстонза седиенц и кеподьсы сонь, кода факелонь, конац няфти ломаттненди ки валдти и свободати.

Данконь ульсь аф лама общаец йомланя, обжаф ломаттнень образснон мархта, кодама ломаньда сяшкава лама и сяшкава охотна няфнесь Горькийда ингольдень литературась. Данко аф максси пря Ларронь виенцты; великай кельгомаса сон кельксыне ломаттнень, — но сонь кельгомац мужественнай — тя аф „утешителень“ кельгома, а боецонь кельгома.

Сембе эсь творчествасонза тя главнай геройть моральнай чертанзон Горький васень пингть няфнезень условнай, романтическяй образса, кода Челкашть или Данкоть лаца или свободань кельги, прямой и правдивай цыгаттнень лаца „Макар Чудраста“. Сяда тов странаса рабочай движениять касоманц мархта Горький мусь эстеенза подлиннай герой — революционер, капитализмать каршес непримиримай борец, большевик. Тя геройть образоц сяда и сяда пяк касондсь и вииякшнесь Горькиень творчестванц эса.

Горьковскяй гуманизмать омбоце важнейшай отличияц сяда ингольдень литературать гуманизманц эзда ащи сянь эса, што великай писательсь сембе эсь творчествасонза утверждает од, подлиннай человечность.

Йотай пингонь писательхне ашезь няй ломанень достоинствать униженияса причинатнень ушотксснон. Горький няфтезень. Эряви свободас нолдамс трудть, — эста свободас нолдави ломанць.

Мировой литератураса кржа художникта, конатненди горьковскяй вийса няфтеволь ба общественнай трудть радостец и счастьяц, тиемати кенярдемать, кода корхнесь сонць Горький. Горький азозе миллиотт ломаттнень скорбьснон трудонь радостьснон юмафтоманц колга, творческяй трудти синь праваснон юмафтоманц колга, конань нельгозе капитализмась, Горькиень творчествац — трудонь героическяй поэзия. Лятфтасаськ хотя ба „Фома Гордеев“ пьесасонза баржать кеподемста сценать или тяфтама жа сценать „Мои университеты“ произведениястонза, конац кайги, кода величественнай поэма трудть колга:

„Тя веня мон эрянь радостьса, конань мон мзярдонга ашине сотце, седиезень валдоптозе мяль, штоба сембе эряфозень йотафтомс тиемань тя пялес безумнай кенярдемать эса... Няевсь, бта тяфтама радостнайста раз‘яреннай напряжениять виенц каршес мезевок аф кирди, сон может тиемс чудесат модать лангса, может фкя веста вельхтямс модать цебярьдонга-цебярь дворецса и ошса, кода тянь колга корхтайхть вещай йофксне“.

Горький няфнезе, што ломанть величияц, сонь козяшиц и виец лифневихть лангу трудса, трудсь кепсесы сембе подлинно-человеческяйть, сембода цебярьть, сембода благороднайть.

И сяс трудовой человечествась рабочай классть мархта во-главе ащи подлиннай азоркс модать лангса. Сон представляет эсь эздонза прекраснай дворецонь и ошень строителень особай армия. Сталин ялгать знаменательнай речец 1935 кизоня майть 4-це шистонза Якстерь Армиять академиконзон нолдамста, конань эса Сталин ялгась кеподезе трудовой ломанть небывалай высотас, няфтезе, коданя социализмань странаса йотафневихть эряфс человечествать лучшай ломанензон лучшай мечтасна. Восторг мархта, седиваксстонь кенярдемаса, надиямаса кулхцондозь тя речть сембе мирть трудовой ломаненза.

Горькийти тя речсь кайгсь кода эряфс йотафтф мечта. Сонь „Мать“ романонц героензон эзда фкясь, украинецсь рабочайсь Андрей Находкась, грустнай и ласковай, человечествать счастьянц инкса мужественнай и непримиримай борецсь, мечтает будущайть колга:

„Мон содаса, — сай пингя, мзярда ломаттне кармайхть кельгондема фкя-фкянь, мзярда кажнайсь ули кода тяштя омбоцеть инголе... эста аф эряф ули, а — служама ломаньти, сонь образоц кеподи пяк вяри... Великайхть улихть тя эряфть ломаненза...“

Времась, конань колга мечтал [35]Андрей Находкась и горьковскяй лама лия геройхне, сась. Тя — сталинскяй врема...

Горькийсь коданга аф явоштови сталинскяй эпохать эзда, сталинскяй школань ломаттнень эзда, Чкалофнень и Папаниттнень эзда, победившай социализмать эпоханц героизманц и величиянц эзда. Горький мечтал сонь колганза, сон аноклакшнезе сонь эсь произведениянзон мархта, конатнень пяк цебярьста шнакшнезень Ленинць. Горький ульсь Ленинть и Сталинть другсна.

Йофсикс шарьхкодеви, што Горький, конац сембе эсь эряфонц пингста кандсь, мечта человечествать возраждениянц колга, ульсь страстнай защитникокс ся странати, кона эряфс йотафтозе тя мечтать.

Сяряди, кулома лангса ащи Горькийсь, мзярда знакомондась Сталинскяй Конституциять проектонц мархта, мярьгсь, што тяни странаса нльня кефне морайхть... Нят ульсть сонь последняй валонза странать колга, народть колга. Алексей Максимовичть последняй мыслянза ульсть сотфт Сталинть мархта, сонь тевонзон мархта, сталинскяй школать ломанензон подвигснон мархта...

И сембонь тянь инкса лютай, зверинай ненавистьса сонь ашезь кельгонде вракне. Горькийсь ненавидел синь сембе виень благороднай, священнай человеческяй ненавистьса, кона няфневи буржуазнай мирть врьгазонзонды и тувонзонды. Трудовой человечествати Горькийть кельгомань виец равняндакшнесь человечествать врагонзонды сонь ненавистень виенцты.

Горькийсь терьнемазь бдительностти, сон эсь статьянзон эса корхнекшнесь сянь колга, што „Советонь странать потмоса педа-пес апак машфтт врагсь — тя вернай друг и лезды врагти странать омба ширесонза. Тя — сознательнай вредитель, предатель, клеветник и наушник, тя — ломань, кона няфнесы советскяй действительностть заведома васькафнезь, кода тянь колга виденцясть меньшевикне“. Тянь колга виденцясть троцкистско-бухаринскяй бандиттнень мекольдень процесса меньшевикнень вернай друзьясна и салавань наушниксна, фашистскяй убийцатне Рыковсь и Бухаринць — тя „келазень и тувонь проклятай помесь“ кода корхтась Максим Горькийсь „Бывшай ломаттнень“ галлереяснон эзда фкя героень колга.

Фашистскяй убийцатне, конат эцесть Горькийть кудс друзьянь маска эшксса, трнатсть страхть эзда, думандамс сянь колга, што Горькийсь шарьхкодьсыне и лихтсыне синь лангти, — кода шарьхкодезень сон, например, культурнай фронтса вредительхнень, вракнень, конат ащесть Наркомпросса (лятфтасаськ сонь замечательнай статьянзон идень литературать колга!). И троцкистско-бухаринскяй мерзавецне лихорадочна эряскадсть кулофтомс Горькийть...

Сонцень тяфтама произведениянзон эса, кода „Жизнь ненужного человека“, конань эса штафневи читательть инголе шпиононь и провокаторонь мирсь, кода „Враги“, „Последние“, „Васса Железнова“ пьесатнень эса, кода „Жизнь Клима Самгина“ произведениясонза, Горькийсь, няфтезе буржуазиять и сонь агентонзон сонь провокаторонзон и шпиононзон зверькс арамаснон. „Банкирсь шачфни бандит“ — тя положениять Горький няфнезе художественнай образса, — лятфтасаськ, например, „Клим Самгинть“ эзда Бердниковть фигуранц — тя капитализмать сонь империалистическяй стадиясонза, финансовай капиталть бандитонзон представителензон типичнай образсна. Повестть геройц сонць — Клим Самгинць — няфнесы империализмань эпохань буржуазнай типичнай „ломаньть“ выхолощенностенц, бесчеловечностенц. Представительнай, корректнай, интеллигентнай господин, конань ламоц лувондсазь серьезнай „революционеркс“, Клим Самгинць пяк тьёждяста убеждает эсь прянц занимандамс шпионажса иностраннай капиталисттнень пользас, кона предложениять тиезе теенза Бердниковсь.

Сембе эсь эряфонц пингста Клим Самгинць якай охранкать перьф, сон эсь потмосонза анок любовай преступленияти, и именна шпиоттне и провокаторхне апак полафнек ащихть теенза сембода маластонь и шарьхкодеви ломанькс.

Троцкистско-бухаринскяй бандать эзда фашисттне йотазь аф аньцек Клим Самгинть, но и предательствань, [36]чудовищнай изуверствань и озверениянь областьста сембе возможнайть.

Горькийть синь сембода пяк афолезь кельге. Горькийсь презирал и ненавидел синь бандитскяй шайкаснон атаманонц Иуда — Троцкийть. Горькийсь ульсь сембе фашистскяй лагерть неумолимай врагоц. Горькийсь лихнезе лангти буржуазнай мирть зверстванц. Горькийсь тиендсь гимнат ломаньти, сонь разумонцты, сонь трудонцты, сонь счастьянцты. Горькийсь ульсь Ленинть и Сталинть другсна.

И тянкса право-троцкистскяй презреннай бандиттне шавозь сонь. Минь отмечаем Горькийть шачема шинц 70 кизонзон. Горькийсь улель ба минь мархтонк ня шитнень. Сон кенярдель ба минь победаньконди. Троцкистско-бухаринскяй зверьхнень, машфтомаснон сон приветствондалезе. Сон марса сембе народть мархта васьфтелезень геройхнень — папанинецнень, сон палалезень синь, жаднайста ваноль ба синь лангозост эсь мудрай, чудеснай, работать эзда сизеф сельмонзон мархта...

Горькийти — трудовой ломаньти, конац сембе эсь эряфонц пингста работась трудовой ломаттнень радостьснон инкса, честнай, прямой, правдивай ломаньти, трудовой народть гениальнай цьоранц сонь родной моданц лангса фашистскяй убийцатне ня паразиттнень, „радостень, трудонь и ваймамань убийцатне“, „эряфонь сембе радостень убийцатне“, конатнень колга сьормачнесь Горькийсь, ашезь кад эрямс эсь сроконц.

Сон шавф боевой постонц лангса, фашизмать каршес тюремаса ингольдень позициятнень эса, Марксонь—Энгельсонь — Ленинонь — Сталинонь бессмертнай тевонц инкса тюреманкса.