| Васеньце сценась
|
| ДОН ГУАН И ЛЕПОРЕЛЛО
|
Дон Гуан
|
Учсаськ минь тяса веть. Ах, мекпяли
Минь сатоськ ортанзон Мадритткя. Курок
Туян мон лиезь содаф ульця эзга;
Усанень кяши плащсь, а сельме кабанень
Монь вельтяй шляпась. Кода арьсят? Содаван
Эста м‘ля киньдигя, аль аяф?
|
| Лепорелло.
|
Да, Дон Гуанонь содамац аф тёждяня!
Лацонза сонь ломаньдя вдь пропасть!
|
| Дон Гуан.
|
Тон рахсят? Кия ина содцамань?
|
| Лепорелло
|
Ды васеньце сторожсь и гитанась,
Али иредьфтеньгя иредьф музыкантсь,
Али кавлалонза шпагань кани,
Плащса якай братце, визькфтом кавалерсь.
|
| Дон Гуан.
|
Беда аш, куть содасамазь! Аньцек
Афолемань васфте сонць корольсь.
А уленьдеза мезь тяз уля, мон
Мадритса кидонядонга аф пелян;
|
| Лепорелло.
|
А вандыкигя пачкоди корольти
Што сась эсь отям ссылкаста Гуан
Мадриту — мезь эста, тинь азостя,
Тии сон тинь мартононтт?
|
| Дон Гуан
|
Кучсамань
Меки, улема аф кярсазь прязень.
Вдь мон аф государственнай преступник.
Монь кучемань сон, моньцень кельгендезь,
Штоб кадолемань монь покойс, шавфть семьяц...
|
| Лепорелло.
|
А сяс и ащеледя тозк покойса.
|
| Дон Гуан
|
Слуга покорнай! Эса мон цють, цють
Ашень кула скучна шида. Мезень
Эса ломаньт, мезень эса мода!
А менельсь?.. Ефси качам. Аватьне?
Да мон аф полафтса, вов няйсак ли,
Монь ёньфтем Лепореллозе, инь кальдяв
Андалузияса крестиянкать
Тостонь васеньце красавицаснон лангс!
Синь тушендсть васенда монь мялезон
Мес сенемт сельмесна и шамас акшет,
Ды скромнайхть тага, — али ненгя сяс
Мес васеньцеда сельмесон синь няень.
Пасиба шкайти, курок шарькодень —
Няине мон: мартост греф и содцемска —
Синь эряф эсост аш мес восконь някат.
[ 31 ]
А миньценьнетне!.. Кулькя, титя вастсь
Тейнек содаф; содавсь ли сон теть?
|
| Лепорелло
|
Коданя аф содамс: аф юкстави
Теене Антоньев монастырьсь. Вдь тинь
Сашендчнедя се, а алашатнень мон
Кирьнекшниня вов тя самай рощаса.
Кда виденьцямс, проклятай должностьсь. Тинь
Сяда парста ётафнесть эсь пингоньттень
Корязон монь, верондада теень.
|
| Дон Гуан. (Думандазь).
|
Ах, Инеза, ямбарнясь! Сон аш ни!
Кода кельгончнине сонь.
|
| Лепорелло.
|
Инезать,
Сиця равжа сельменять... о, мяляфтса.
Колма кофт тинь ласьконьдедя мельганза;
Лукавайсь лездсь насил-насил.
|
| Дон Гуан
|
Июльста...
Веть. Мон мушендонь аф азомшка приятность
Сонь ризфу сельме ванфстонза, трванзон,
Лофташкадф трванзон лангета. Странна,
Тон, теень арам, ашить мушенда
Сонь красавицакс, и афкукс, ульсь кржа
Мазы шида эсонза сонь. Сельменза,
Аньцек сельменза. Да сельме ванфоц...
Стама сельме ванф мон ашень няенде
Оду ни мызярдонга. А вайгялец
Сетьменяль и вийфтем — кода сярядинь.
Мирдец ульсь сонь аеркс ни пяк кяжи,
Содайне мон позна... Ах, Инеза!
|
| Лепорелло.
|
Мезь кда, сонь мельганза илят ульсть.
|
| Дон Гуан.
|
|
|
| Лепорелло.
|
А жифт ульхтяма, улихть та илят.
|
| Дон Гуан.
|
|
|
| Лепорелло.
|
Тяни конань минь
Вешендемя карматам Мадритса?
|
| Дон Гуан.
|
О, Лаурать! Видеста мон теенза
Тяни ласькан инголькигя.
|
| Лепорелло
|
|
|
| Дон Гуан.
|
Сонь кенькшезонза видеста — а кивек
Кда токади иля ни пялонза —
Кошардса сонь комотемя вальмава.
|
| Лепорелло.
|
Видец. Вов и весялгодф. Аф ламос
Эвфнихть эсонок покойницатне минь,
А кия сай шта се?
|
| (Сувай монах.)
|
| Монахсь
|
Сон се сай курок.
А кия тяса? Аф ли Донна Аннать
Ломененза?
|
| Лепорелло.
|
Аф, минь господинтама,
Самя се гуляндама.
|
| Дон Гуан.
|
|
|
| Монахсь
|
Курок Донна Анна
Тяза сай та мирьдень калмонц лангс.
|
| Дон Гуан.
|
Донна Анна де-Сольва! Ся кода!
Камандорть... аф мяляфтса кинь марта
Шавф командорть сай авац, Донна Анна?
|
| Монахсь.
|
Командоронь шавись шкайс аф озонды
Визьксфтома, развратнай Дон Гуанць
|
| Лепорелло.
|
Ва коданя! Дон Гуанонь квалма
Мирнай монастырю пачкодьсь мянь кулясь.
[ 32 ]
Моросост отшельникне сонь фалендайхть.
|
| Монахсь.
|
Улема, тинь содасасть сонь?
|
| Лепорелло.
|
Кода? Аф.
Коса шта сон тяни?
|
| Монахсь.
|
Тяса аш сон,
Сон ичкези прважаф ссылкав.
|
| Лепорелло.
|
Шкайти
Пасиба тянкса. Ичкозе сон — тейнек
Сяда пара. Сембень ба, развратникнень
Марамс кяскавс да и ёрдамс моряв.
|
| Дон Гуан.
|
Мезь? Мезь васькафнят тон?
|
| Лепорелло.
|
Тяда кашторда
Нарошна кортан.
|
| Дон Гуан.
|
Тяза маряк калмазь
Командорть?
|
| Монахсь
|
Да, тяза, авац кепедьсь
Памятник вов теенза и эрь шиня
Сашенды се кулофть ваймонц инкса
Озончнемя, — сяка еткть и авардьчни.
|
| Дон Гуан.
|
Мезень страннай в‘довойсь! А мазы?
|
| Монахсь.
|
Отшельникненди авань мазы шиса
Кенярдьчнемс аф мярьгф, но васькафнемс
Ули греф; аф кирди и угодниксь
Мазы шинц сонь квалма виденцямда!
|
| Дон Гуан.
|
Аф тяфтак же покойниксь ульсь пяк куне.
Донна Аннань пякстафста сон кирнезе.
Ашезь няеньдев сон тейнек киндигя.
Ералень мон кортамс ба сонь мартонза.
|
| Монахсь.
|
Донна Анна мзярдонга аф корхни
Аля марта.
|
| Дон Гуан.
|
|
|
| Монахсь.
|
Монь мартон иля тевсь: мон монахан.
Да вов и сон
|
| (Сувай Донна Анна)
|
| Донна Анна.
|
|
|
| Монахсь.
|
Тянёк, сеньора; мон тинь учседязь.
|
| (Донна Анна моли монахть мельгя.)
|
| Лепорелло.
|
|
|
| Дон Гуан.
|
Сон ефси ашезь няев
В‘довоень равжа вельксонц алда.
Цють прьметавсь тяйняня сонь кочкяряц.
|
| Лепорелло,
|
Саты тевек. Лядыксть фкя минутаста
Воображеньянте тинь рисовандасы;
Сон проворнай живописецть коряска.
Теенть сембе сяка, коста ушедомс,
Сельме кабастонза али пильгстонза.
|
| Дон Гуан.
|
Кулцент, Лепорелло, мон сонь мартонза
Карман содама.
|
| Лепорелло.
|
Ва тя ина ни тев!
Тя и самай эрявсь! Мирденц прафтозе
Ды ёрай ваномс в’довоень сельмеведьт,
Визькс аф содай!
|
| Дон Гуан.
|
Лепорелло, шоподьсь ни.
Мызярс изь кепедь вельксознок минь ковсь
И ашезь кенерь шарфтомс шобдать валдокс —
Суватама Мадриту. (туй).
|
| Лепорелло.
|
[ 33 ]
Испанскяй грандсь. Сон учи веть и ковда
Страф сяшкава пели. Сюдоф эряф!
Да ламос ли та сави усксевомс
Дон Гуанонь мельгя? Афкукс, эрьгясь маштсь!
|
