Колхозонь эряф/1936/06/ССРСть Конституцияц/10
| ←IX главась. Судсь и прокуратурась | Колхозонь эряф (1936), № 6 (35) Ноябрь-Декабрь ков edited by Купряшкин Т., Бебан М. А. Советскяй Социалистическяй Республикань Союзть Конституцияц (Основной Законоц) X главась. Граждантнень основной правасна и обязанностьсна |
XI главась. Избирательнай системась→ |
| Колхозонь эряф (Колхозная жизнь). Мокшень литературно-художественнай и общественно-политическяй журнал. Мокшэрзянь АССР-нь писателень союзть правлениянц органоц. Лисенди вейксоце кизось, кафта ковти весть. — № 6 (35) Ноябрь-Декабрь ков, 1936 киза. — с. 35—36 |
| X главась
ГРАЖДАНТНЕНЬ ОСНОВНОЙ ПРАВАСНА И ОБЯЗАННОСТЬСНА |
118-це СТАТЬЯСЬ. СССР-нь граждантнень ули правасна трудс, лиякс мярьгемс, правасна получамс гарантированнай работа синь трудовой качестванц и количестванц коряс пандомань марта.
Трудс правась обеспечендакшневи народнай хозяйствать социалистическяй организациянц марта, советскяй обществать производительнай виензон апак лотксек касомаснон марта, хозяйственнай кризисонь возможностьтнень машфтомаснон марта и безработицать машфтоманц марта.
119-це СТАТЬЯСЬ. СССР-нь граждантнень ули правасна ваймамс.
Ваймаманьди правась обеспечендакшневи рабочайхнень сембеда ламоснонды рабочай шить 7 частс кирьфтаманц марта, рабочайхненьди и служащайхненьди эрь кизоня отпусконь макссемать марта работама питнень ванфтозь, трудяйхненьди лама санаториянь, ваймама кудонь, клубонь макссемать марта.
120-це СТАТЬЯСЬ. СССР-нь граждантнень, мзярда сиредихть, а станя жа мзярда сярядихть или юмафтсазь трудоспособностьснон, улихть правасна получандамс материальнай обеспечения.
Тя правась обеспечендакшневи государствать счетса рабочайхнень и служащайхнень социальнай страхованияснон келептеманц марта, трудяйхненьди питнень апак пандт медицинскяй лезксонь максомать марта, трудяйхнень пользованияс лама всякай курортонь максомать марта.
121-це СТАТЬЯСЬ. СССР-нь граждантнень улихть правасна тонафнемс.
Тя правась обеспечендакшневи всеобщеобязательнай начальнай образованиять марта, питнень апак пандт тонафнемать марта, тяза лувомс высшай образованиятькя, высшай школаса тонафнихнень сембеда ламоснонды государственнай стипендиянь максомать марта, школатнень эса родной кяльса тонафнемать марта, заводга, совхозга, машинотракторнай станциява и колхозга трудяйхнень производственнай, техническяй и агрономическяй, питнень апак пандт, тонафнемаснон марта.
122-це СТАТЬЯСЬ. СССР-са авати макссевихть прават алять марта фкя лаца хезяйственнай, государственнай, культурнай и общественно-политическяй эряфонь сембе областьтнень эса.
Аватнень ня праваснон эряфс йотафтомаснонды возможнонстьсь обеспечендакшневи авати алять марта ровнаста трудонь максомаса, трудть инкса пандомаса, ваймамаса, социальнай страхованияса и тонафнемань правань максомаса, тярять и идьть интересснон государствать ширьде ваномаснон марта, авати пеки пингста содержания марта отпусконь максомаса, шачфтома лама кудтнень, идень лама яслятнень и садтнень марта.
123-це СТАТЬЯСЬ. СССР-нь граждантнень равноправиясна, синь национальностьснон и расаснон лангс афванозь, ащи афполафневи кеме законкс хозяйственнай, государственнай, культурнай и общественно-политическяй эряфонь сембе тевса.
Видеста или косвенно правань кодамовок кирьфтамась или, мекелангт, расовай или национальнай принадлежностень коряс граждантненьди видеста или косвенна преемуществань максомась, станя жа кодамовок расовай или национальнай исключительностень или ненавистень и пренебрежениянь всякай проповедьсь — наказави законса.
124-це СТАТЬЯСЬ. Штоба обеспечендамс граждантнень мельгя совестень [ 36 ]свободать, церькавсь СССР-са явфтф государствать эзда и школась церькавть эзда. Религиознай тевень свободась и антирелигиознай пропагандань вятема свободась лувондови (признается) сембе граждантнень мельгя.
125-це СТАТЬЯСЬ. Трудяйхнень интересснон соответствияса и социалистическяй стройть кемекстаманц инкса СССР-нь граждантненьди гарантируется законса:
а) кортамань свобода,
б) печатень свобода,
в) пуромксонь и митингонь свобода,
г) уличнай шествиянь и демонстрациянь свобода.
Граждантнень ня правасна обеепечендакшневихть трудяйхненьди и синь организацияснонды типографиянь, кагодонь запасонь, общественнай зданиянь, ульцянь, связень средствань и лия материальнай условиянь максомаса, конат эрявихть ня свободатнень эряфс йотафтомаснонды.
126-це СТАТЬЯСЬ. Трудяйхнень интересснон соответствияса и народнай массатнень организационнай самодеятельностьснон и политическяй активностьснон касоманц инкса СССР-нь граждантненьди обеспечендакшневи общественнай организацияс пуромомань права: профессиональнай союзс, кооперативнай об‘единенияс, од ломанень организацияс, спортивнай и обороннай организацияс, культурнай, техническяй и научнай обществас, а рабочай классть рядензон и трудяень лия слойхнень эзда сяда активнай и сознательнай граждантне пуромкшнихть Сембесоюзнай коммунистическяй (большевикень) партияти, кона ащи социалистическяй стройть кемекстаманц и развитиянц инкса трудяйхнень тюремасост передовой отрядкс и ащи трудяень сембе организациятненьди руководящай ядракс, кода общественнайхненьди, станя и государственнайхненьди.
127 це СТАТЬЯСЬ. СССР-нь граждантненьди обеспечендакшневи личностень неприкосновенность. Кивок неможет улемс арестовандаф, кда тянь кувалма аф ули судонь постановления или прокурорть эзда санкция.
128-це СТАТЬЯСЬ. Граждантнень жилищань неприкосновенностьсна и сьормань (перепискань) тайнасна ванови законса.
129 це СТАТЬЯСЬ. СССР-сь максси убежищань права иностраннай граждантненьди, конатнень мельгаст паньцихть трудяйхнень интересснон ареляманкса, или научнай деятельностенкса, или национально-освободительнай тюреманкса.
130-це СТАТЬЯСЬ. СССР-нь эрь гражданинсь обязан ваномс Советскяй Социалистическяй Республикань Союзть Конституциянц, исполнять законтнень, ваномс трудонь дисциплинать, честнайста ваномс общественнай долгть, кельгемс социалистическяй общежититиянь правилатнень.
131-це СТАТЬЯСЬ. СССР-нь эрь гражданинсь обязан ваномс и кемекснемс общественнай, социалистическяй собственностьть, кода советскяй стройть священнай и неприкосновеннай основанц, кода родинать козяшинь и могуществань источниконц, кода сембе трудяйхнень зажиточнай и культурнай эряфснонды источникть.
Ломаньтне, конат врьгятнихть общественнай, социалистическяй собственностьть лангс, ащихть врагокс народти.
132-це СТАТЬЯСЬ. Всеобщай воинскяй обязанностьсь ащи законкс.
Робоче-Крестьянскяй Якстерь Армияса воинскяй службась ащи СССР-нь граждантненьди почетнай обязанностекс.
133-це СТАТЬЯСЬ. Отечествать арелямац ащи священнай долгокс СССР-нь эрь гражданинти. Родинати изменась: присягать нарушенияц, врагть шири йотамась, государствать военнай виенцты ущербонь тиемась, шпионажсь — наказавихть законть сембе строгостенц коряс, кода инь оцю злодеяния.