Колхозонь эряф/1935/04/Матовсь кяжец/Ингольдень вал

←Матовсь кяжец (оглавления)

Колхозонь эряф (1935), № 4 (22) Апрель ков edited by Илькинов И. Д., Бебан М. А. Матовсь кяжец. Ингольдень вал by Безбородов, Михаил Ильич

I. Моли тракторась→

Колхозонь эряф (Колхозная жизнь). Мокшень литературно-художественнай и общественно-политическай журнал. Мокшэрзянь АССР-нь писателень союзть правлениянц органоц. Лисеньди кавксоце кизось, эрь ковти весть. — № 4 (22) Апрель ков, 1935 к. — с. 12—13

Матовсь  кяжец

(ПОЭМА)

ИНГОЛЬДЕНЬ ВАЛ

 

М.  БЕЗБОРОДОВ

 

Уленць шобда
Сире велесь,
Сире пинкнень,
Кода весь.
Нужась яксесь
Паксять келес,
Кяжи вармакс
Морась, кштись.
Валда вайкс.
Сокайхнень копста,
Шудезь-шудесь
Кельмя ливссь.
Пикссесть эсост
Плеца, локшса,
Тяфта уленць
Эста тевсь.
Уленць сотнеф
Ашуть кялец,
Пуромксу
Изь якся сон.
Ашель авать
Сонцень лемоц,
Сараз лаца
Лувозь сонь.
Сась октябрсь...
Крвязсь модась,
Сире эряфсь
Толти палсь.
Шобдать эзга
Тяштекс йотась,
Сире вели
Зоря валць.
Пидевсь козясь
Тяштень псити,
Тарваць... пильгя
Виец машць.
Сянкса ашусь
Од эряфти,
Кенятьф мяльса
Вишкста шашць
Сргозсь авась,
Вайгяль нолдась:
„Моньгя улихть
Праване...“
Веконь канеф
Ризфнень йордасть,
Арасть ровнакс
Аватне
Шавозь шави
Ашунь седись
Шарьхкоць —
Цебярь эряф сась.
Лиякс шись
Менельста пидесь,
Лиякс вормаскя,
Уфась.
Батраксь, ашусь,
Среднякне,
Фкя кигя
Инголи тусть.
Арсесть каршозост
Кулакне,
Но синь мяльсна
Казнеть мусть.
Касыхть велева
Колхосне,
Озсесть тумокс
Модать ланкс.
Пори пеехть
И шовай пеельхть,

Велень козясь —
Пеляс панксь.
Анок уледа
Колхозникт,
Калхозть виенц
Кемокстасть
Марстонь вийса
Эрек мяльса
Пильгя алу
Вракть люпштась.