Колхозонь эряф/1933/23-24/Корхтатама велень лит. кружокнень мархта
| ←Кафта ширет | Колхозонь эряф (1933), 23—24 № Декабрь ков edited by Леонтьев С. Б., Левчаев П. И. Корхтатама велень лит. кружокнень мархта |
Тефне маладсть→ |
| Колхозонь эряф. Мокшень литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитетсь. Лисенди 6 це кизось эрь ковти кафксть. — 23—24 № Декабрь ков 1933 киза. — с. 26—33 |
| КОРХТАТАМА ВЕЛЕНЬ ЛИТ. КРУЖОКНЕНЬ МАРХТА |
|
Сире Теризморгонь (С.-Шайговскяй р.) литературнай |
Васенда сави азомс пяк оцю благодарность с. Теризморгонь учительти — Колемасов ялгати, сяс, мес сон ащи велеса организаторкс и руководителькс культурань касфтома тевса и тя мархта лезды социалистическяй строительствати.
Ялгат! Литературань тевсь минь странасонок ащи марстонь государственнай и партийнай тевкс. Художественнай литературась няфцы шарькодевиста минь эряфоньконь, строительстваньконь и классовай врагть мархта тюреманьконь. Сон (художественнай литературась) няфцыне тееньк классовай врагть хитрай тюрема методонзон и пуропты минь виеньконь классовай врагть машфтомс и строямс странасонк классфтома социалистическяй общества.
Сяс партиясь и правительствась посабляйхть литературань касома тевти.
Литературань общественностьсь, партиять руководстванц мархта, нолдась лозунг: — терьдемс и сувафтомс литературав заводонь и социалистическяй паксянь ударникнень. Тя ллозунгть минь етафнесаськ эряфс. Заводга, совхозга и колхозтнень эзга улихть ни лама оцю и кеме литературнай кружокт.
Писательть кядьста трудяйхне и партиясь анайхть социалистическяй реализмань методса сермадф произведеният, илякс мярьгомс, анайхть стама произведеният, конатнень эса улеза няфтьф правдивайста эряфсь, штоба эряфсь улеза няфтьф апак васькафнек, а станя, кода сон и ули. Но тя аф эряви шарькодемс станя, што эрявсь можна правдивайста няфтемс кода пяшкодьф анкета, али протокол, — тя ули аф художественнай произведения, а фотография, илякс мярьгомс — простой описания.
Художественнай произведениясь ся ули, конань эса эряфсь сьормадф художественнай образса и красочнай кяльса.
Но кодама-жа лезкс максыхть пролетарско-колхознай литературати ня оц ушоды писательхне-ударникне, конат терьдьфт литературав заводста и социалистическяй паксяста? Сяда вяри мярьгомя, што минь писательть кядьста анатама эряфть правдивайста и художественнайста няфтеманц, а раз тяфта, то эряфсь няфтеви эста правдивайста, мзярда тон сонь лац содасак и тя эряфса тоньць ащат участникокс.
Колхозонь и заводонь ударникне эсь эряфснон и работаснон содасазь сембода лац, сяс синь и терьдьфт литературав, — штоба няфтемс пролетариатть эряфонц, работанц и тюреманц правдивайста и художественнайста; штоба тиемс культураньконь подлинно-социалистическяйкс и, штоба тя культурань строяма тевса улель фатяф сембе трудящай классь.
Сяс тяни и ащи литературать ингеле пяк оцю задача: — тонафтомс литературав терьдьф ударникнень писательскяй тевти, штоба касфтомс тя молоднякть подлинно социалистическяй писателькс-художникокс.
Тя тевсь аф эряви юкстамс и мокшень сире писательхненьдиге, — эряви пособлямс оц ушеды ялганьконьди, эряви сьормадомс стама произведеният, конатнень вельде можналь ба теест тонафнемс.
Минь областьсонок лама организовандаф литературнай кружокт, коса тонафнихть сьормадома колхозникт — од ломатть, конатненьди пяк стака тонафнемс сермадома сяс, што минь колхозсонок аш нинге стама условият, — аш библиотекат, коса ба улельхть сембе классикнень и тяниень пиньгонь писательхнень произведениясна.
Кржа ниньга колхозганк стама квалифицированнай ломаньдонок, конат-ба вятелезь литературнай кружоконь руководствать. Ня кружокне анайхть помощь минь ширьденок тяста няеви, што ломаттнень ули мяльсна тонафнемс и работамс литературнай тевса.
Ва минь инголенок стихотвореният, конатнень сьормадозь Сире Теризморгонь 1-це ступ. школань ученикне — Ямашкин, Девятайкин, Волгапов и Каргин ялгатне, конатнень учительсна — Колемасов ялгась пуроптозень кружокс и вяти мархтост работа Ня кучф стихотворениятнень эзда няеви, што кружоксь работай и эсонза моли творческяй тонафнемань тев. Сьормасост ня ялгатне сьормадыхть: [ 27 ]„минь организовандаф литературнай кружоконькя кармась работама 15/XII 33 кизоня... анатама „Мокшень правда“ газетать редакторонц кядьста указания и руководства од сьормадыеньди, штоба сьормадомс дальше, — аф лоткафтомс тя тевть и вишкоптемс сяда вишконяста литературнай кружокть“.
Тя статьясонк минь и ваньцаськ ня ялгатнень сермадфснон сембе цебярь вастснон и афсатыксснон и макстама указаният и руководства, кода ня афсатыксне машфтомс и кода вятемс кружоконь тевть
Тяни ванцаськ ялгатнень редакцияв кучф стихотворенияснон.
Ушедтама Ямашкин ялгать стихотворениянзон эзда: „Оцязорти молемась“, „Май“ и „Тялось сась“.
„Оцязорти молемась“ стихотворениясонза Ямашкин ялгась сьормадозе 1905-це кизонь кровавай воскресениять, — мзярда Петроградонь рабочайхне мольсть оцязорти кшинь анама, а оцязорсь синь васьфтезень пуляса и казаконь плетката. Штоба няфтемс кода сьормадф стихотворениясь, минь сьормадсаськ сонь сембонь. Лувость:
«Штоба аердамс рабочайхнень |
Тя стихотворениять цебярь вастоц ся, што Ямашкин ялгась содасы ся пиньгонь историять и улн аф кржа представленияц тя событиять колга. Лувость ня строчканзон:
„Большевикне синь карнезь, |
Тяса няфтьф правильнайста большевиконь тактикась. Ня валхне сильнайста азфт.
Тяста няеви, што Ямашкин ялгась содасы большевикнень тактикаснон и шарькодезе Ленин ялгать учениянц, што свободась аф аназь анави, а нельгозь нельгови, — аньцяк тюрезь — революционнай методса. Свободась классовай борьбафтома афоль сявов трудяйхненьди 1917-це кизонявок.
Аф сатыксонза и кальдяв вастонза стихотворениянц нят: аф содави мзярда и кодама кизоне ульсь тя тевсь и мес рабочайхне мольсть оцязорти, — апак няфтть рабочайхнень кальдяв эряфсна и стака работасна. Вдь минь содасаськ мес мольсть рабочайхне оцязорти и кодамольхть синь требованиясна, но тон сьормадат велень ломаттненьди, теест стихотворенияце аф пяк шарькодеви. Сяс эряви сьормадомс событиясь полнайста, яснайста, шарькодевиста и лишнай валфтома, а тага, кода афсатыкс, Ямашкин ялгай, ся, што ашить няфтя рабочайхнень сознанияснон полафтоманц [ 28 ]кровавой воскресенияда меле. Вдь тяда меле рабочайхне шарькодезь большевикнень валснон и кармась ванома оцязорть и сонь правительстванц лангс илякс и кармасть аноклама пряснон революциянь тиемя.
Ня цебярьхне и афсатыксне стихотворениять содержаниясонза, а тяни ваньцаськ форманц (художественнай кяленц).
Тя неньгя, ялгат, аф стихотворения, если строчкатне эсонза путнефт фкя-фкянь алу колонкань-колонкань. Штоба тинь сяда лац шарькоделесть мезе стамсь стихотворнай формась (стихотворениясь), минь сяфтяма примерхт и пример лангса ванцаськ корхтаманьконь (об‘ясненияньконь).
Стихотворнай формань няфтихне улихть первай: ритмсь и рифмась. Рифмась стихотворенияса можна неньгя афи кирьдемс, но тя аф корхтай сянь инкса, што рифмась стихотворенияса вовси аф эряви, рифмась стихотворениять пяк петьсы, сон тисы стихотворениять художественнайста, стройнайста, звучнайста и рифма мархта стихотворениясь сяда теждя лувомкса.
Лувость Тургеневонь афоцю произведениянянц — „Как хороши и свежи были розы“, тя произведениянцты мярьгихть: „стихотворение в прозе“, сяс, мес сонь строчканза ладяфт кода прозань (рассказонь) — листть келсс и эсонза аш рифма. Но сякокс тя произведениясь ули стихотворнай, илякс мярьгомс — поэтическяй, сяс, мес сон сьормадф образнай—художественнай кяльса и ули эсонза ритм. Али сявсаськ М. Горькаень „Песнь о Буревестнике“ произведениянц, тожа — эсонза аш рифма, но ули эсонза ритм. Лувость.
„Над седой равниной моря ветер |
Ритмсь тиезе тя произведениять звучнавста и музыкальнайста. Сьормадф тя произведениясь пяк красочнай, образнай—художественнай кяльса, сяс и ули сон художественнай произведения.
Тяни, штоба лацкас шарькоделесть мезе стамсь стихотворениясь, минь сяфтяма примероньди мокшонь поэтоньконь стихотворенияснон, коса ули и ритм и рифма.
Сявсаськ васеньце пяльксонц Безбородов ялгать „Тефне маладсть“ стихотворениянц.
Лувость:
„Неньгя сяда пяк кельгови велесь, |
Ули тяса ритм? Ули. Ули и рифмавок. Ванцаськ васенда рифмать.
Лувость васеньце строчкасть и колмоцеть, — строчкатнень песа ащи валхне: „велесь“ и „венельсь“ ладявихть фкя-фкянь мархта. Тяни ваность омбоце строчкать и нилецеть, — тожа, песа ащи валхне — „Сай“ и „Уфай“ ладявсть фкя-фкянь мархта. Тя ладявиксты и мярьгихть рифма.
Тяфтама рифмати, — коста васеньце строчкась рифмовандави колмоцеть мархта, а омбоцесь—нилецеть мархта, мярьгихть перекрестнай рифма. (сяда ала вешесть тиньць рифмать).
Тяни ванцаськ ритмть. Штоба содамс ритмсь, эрявихть валхне (и сембе строчкась явомс слогова и лувомс мзяра слогт васеньце строчкаса, сняра улема слогта и колмоце строчкасовок, мзяра омбоцеса, сняра ули и нилецесовок. Тяфтя эряви лувомс сяс, мес васеньце строчкась рифмовандави колмоцеть мархта, а омбоцесь нилецеть мархта рифмованнай строчкатнень мархта.
Ванцаськ примерса:
Нень|гя| ся|да| пяк| кель|го|ви| ве|лесь|, |
Тяни лувость мзяра эрь строчкаса слогта. Лиссь станя: васеньце строчкаса 10 слогт и колмоцесовок кемонь, омбоцеса 9 слогт и нилецесовок 9. Тяста няеви што тя стихотворенияса ритмсь точнай. [ 29 ]Улель фкя, али кафта лишнай слогт кона кона строчкасаи ритмсь кастяволь.
Но тя нинге кржа, штоба мярьгомс ритмсь точнай. Ванцаськ правильнайста ли прашендыхть ударениятне. Строчкаса аф сембе слогтне эряйхть ударнайхть, — улихть ударнайхть и аф ударнайхть. Ванцаськ правильнай ли ударнай и афударнай слогтнень мархта сочетаниясь (распределениясь). Афударнай слогтнень вельхксс путнетяма тяфтама тяштенят: ( а ударнайхнень вельхкс — тяффтамот 1 и ванцаськ мезь лиси:
| ||||||||||||
| ||||||||||||
| ||||||||||||
|
Тяни няйсаськ што кафта слогт афударнайхть а фкя ударнай и тяфта моли скрось. Илякс мярьгомс стихотворениясь сярмадоф трехсложнай размерса. Тяфтама Трехсложнай размерти, мзярда кафта слогт афударнахть, а колмоцесь ударнай, мяргихть анапест. Аф сембе тяфтамот эряйхть размерхне, улихть и лиятка.
Ня требованиятне ащихть основнайкс стихотворениянь сьормадомста. Но тяни, штоба неньгя сяда шарькодемс мезе стамсь вообще художественнай произведениясь (аф аньцяк стихотворениясь, но и рассказсь, повестьсь, романсь, очерксь и лиятневок) тееньк сави содамс кодама разница художественнай произведениять и простой описаниять еткса. Сяфтяма тяфтяма пример: кодамовок учебникса историк сьормады кодамовок события тя событиять сон сьормадсы аф красочнай (художественнай) кяльса; сон азсы мзярда ульсь тя событиясь, кодама кизоня, кода мольсь и етась, кит ульсть тя событияса. (участники) кода аделавсь тя событиясь Сяфтяма пример обществоведениянь книгаста. Тя книгать сьормады ся сьормадсы 1905 кизонь революциять простой кяльса, — мзярда ушодсь кода мольсь, мзяра рабочай саняфоль тя революцияса и кодамотольхть тя революциять последствиянза. И коста лувсак тя отделть обществоведениянь книгаста, картина аф няят, а аньцяк мяляфцак мезе ульсь сьормадф. А кда лувсаськ М. Горькаень „9-е января“ „Мать“ произведениянсон тяка-жа событиять колга. то минь инголенк няйхтяма целай картина‘ бта аф произведения луфтама, а миньць няйсаськ кода тя тевсь моли. Кажнай геройть эсь мяльсот (воображениясот) кирьдсак и няйсак, — дажа кодама сонь шама ликац, серец и кодама сон ломаньсь. Тяфтама картина простой опесанияста аф няят. Али лувость Гоголень „Страшная месть“ произведениястонза Днепрть описаниянц, сон тоса Днепр ляйть тееньк няфцы картинакс, — кода сон мазы кели кувака тя ляйсь мазы сон шитькя и ветькя, мазы сон и сай мяльце лангосонза ваномс коста сетьмя и коста кепади кяжиста сери и шаржу валнаса. Целай картина!
Сафтяма нагляднай пример тага Безбородов ялгать „Тракторсь“ стихотворениястонза фкя пялькс („Паксянь увф“ сборникстонза). Ваность кода картиннайста и образнайста сон няфцы колхозса шобдавать.
„Палы зорясь, Од эряфонь айгорсь, |
Няйсасть кода художественнайста—образнайста сьормадф шобдавась. Тяса максф целай картина, конань кирьдьсак инголет эсь мяльсот.
Художественностьсь произведенияса тиеньдеви образнай кяльть вельдя, а образнай кяльсь ащи: эпитетста, метафораста, гиперболаста, сравненияста и лият. (сравнениясь ся; коста тиендеви сравнения фкя предметть омбоце предметть мархта, пример: Весь шобда, кода кяшя. Илякс: Кяшекс ащи шобда весь). И тага лаиа неньгя художественнай приемда.
Кда ули мяленьтя содамс и тонадомс лацкас художественнай произведениянь формань теориять, то нят эрявихть содамс и тонадомс, синь тееньть эрявихть и коньдястихть писательскяй тевти тонафнемстонт. Книгада тянь кувалмова лама. Вешесть ШКМ-нь библиотекаста Б. Томашевскяень книганц — „Краткий курс поэтики“. Тя книгась пара и руководитель мархта шарькодеви.
Тяни минь содасаськ мезе художественнай произведениясь. Значит, ся художественнай произведения ули, кона сьормадф образнай кяльса, илякс мярьгомс художественнай кяльса и кона максы полнай и целай представления и картина. Тяни тееньк сяда тьождя ули кочкамс и няфтемс стихотворенияньтень цебярь вастснон и афсатыксснон.
Ямашкин ялгать „Оцязорти молемась“ стихотворениянц содержаниясонза цебярь и кальдяв вастонзон кочкаськ сяда инголе.
Тяни ванцаськ афсатыксонзон и цебярь вастонзон стихотворениянц формастонза. Ямашкин ялгась сьормады: „Большевикне синь карнезь, веляфнезь“. „Веляфнезь“ валсь аф эсь васцонза. Можна кев веляфтомс, али шочка, а рабочайкнень аф веляфнесазь. Тя валсь аф цебярь, — тяфта мокшетне аф корхнихть.
„Лама сядот ульсь эса кочкайда“. „Кочкайда“ валце тожа аф шарькодеви, — мезень кочкайда? кати. Эрявихть предложениятне стамо валста тиемс, конат шарькодевост и улест эсь вастос. „Меколи молихть пейфтема бабат“. — та предложенияце вовси лишнай, тон сонь сьормадыть аньцяк сянкса, штоба рифмовандамс вяря ащи „жабат“ валсть и тя предложенияце кастязе сембе стихотворенияцень серьезнай содержениянц. „Пейфтемя бабат“ мярьгоньдихть аньцяк эста, мзярда ломаньць азонды, али сьормади мезеньгя шутка али комичнай азкс, атон вдь сьормадат серьезнай, а тя предложениять лувомста сай ракамаце, и кизефтядязь тонь: кали тоса сембе бабатне ульсть пейфтемот? Тожа афпара выраженияце — „ярмакт кассань“, и грамматикань ширьдевок аф правильнай. Тон ерать мярьгомс: „Гапон попть кядьса ульсь касса ярмак“, а тонь лиссь аф правильнай прерложения, — валхне аф эсь вастоваст ащихть.
Ванцаськ омбоце стихотворениянц — „Тялось сась“.
Ямашкин ялгась ушодсы тяфта:
„Якай менельть эзга ковсь |
„Якай“ выраженияце афпара. Сяда лац лисель, кда мярьголеть „уи“, али „кевори“.
„И сон менельти ни повсь“ выраженияця козонга аф пчкяй. Вдь тяда вяря сьормадоть: „якай менельть эзга ковсь“, а тяни тага „менельти повсь“, и лисеньди: ковсь первай якась менельть эзга, а сальдя тага повсь, и читательсь мяльсонза кирьди стама картина, што ковсь пофтаф менельти яскс, али кручекс. Васеньце кафцкя строчкатне афцебярьхть. Думандак вельхкссост и петить. Но омбоце кафта строчкатне азфт яснайста и звучнайста. „Нолдась валдонц паксять ланга“, тя выраженияце пяк дажа пара.
Тяда меле сьормадот: |
Ня ниле строчкатне, Ямашкин ялгай, вовси аф пчкяйхть, — бессмысленнайхть, аф шарькодевихть и путандафт. Мзяра ломань ашема кизефня, киньдигя изь содав тя „лашнясь“ валце. Ловсь тонь чушмоти повесь, да вдь чушмось соньць лов, и лисеньди: „ловсь ловти повсь“, — бессмыслица. Кизефнесак читательцень: „Сон мес чушмоти повсь?“ А минь мярьктяма: аф содасаськ, тон сьормадыть и тон тееньк азк мес ловсь чушмоти повсь. Ингольдень ниле строчкатнень эса сьормадоть ков валда веть колга, тяса сьормадат: „шись пяк [ 31 ]кельмя, паксясь шава“. Но кодама тяни картина читательти эряви кирьдемс мяльсенза, — кати шинь, кати вень.
Тяда ала сьормадат: |
Но, Ямашкин ялгай, ня строчкатне сядонга аф шарькодевихть. Коса морай озада церась? Вень кучкать паксяса ловть лангса штоли? И мес морай? „Зря тят тара“ строчкаце мезевок аф азы, аш кодамовок смысла эсонза. Кие тяза тара? Тон сьормадыть сонь аньцяк рифмать инкса, штоба рифмовандамс — „пара“ валть. Оду тяфта тят сьормадкшня. Эряви думандамс сьормадомста и сьормадфцень проверяндакшнемс, штоба улеза шарькодеви, яснай и образнай, а тонь кодама валхт повсть кяль прязт, сятнень и сьормадыть, а тянь ашить арся, — шарькодеви киньдигя, али аф. Стихотворенияцень пец, Ямашкин ялгай, вовси аф шарькодеви, — сьормадат:
„Аш ведь, аш седь, аф щудихть |
Ня строчкатне вовси смыслафтомот. Кие вишкста моли? Кинь каршес тон молят? и кият тон? Аф шарькодеви „мон“ вальцевок, — кати ловсь, кати тоньць авторсь. Тя стихотворенияце коданга аф шарькодеви и сяс афи петеви.
Ня указяниятнень коряс „Май“ стихотворенияцень тонць кочкайть афсатыксонзон, а сон тожа тянь лаца аф шарькодеви.
Тяни кочкасаськ Девятайкин ялгать „Колхозонь культурась“ стихотворениянц. Сьормадсаськ сембонь, штоба сяда лац няевост сембе цебярь и кальдяв вастонза.
„Машинаса работасазь |
„Кулакне советтнень эзда туйхть еразь“ строчкацти самс, стихотворенияце сьормадф шарькодевиста, а тяста ушодомок и мянь пети молемс тожа путандаф и мезьгя киньдигя аф шарькодеви. „Туйхть еразь“, — кода тя выраженняце эряви шарькодемс? Тяфта аф корхнихть. Кда мярьголеть: „туйхть пеень порезь“, эста неньгя шарькоделеськ; а „еразь“ валсь ащи аф эсь вастсонза.
Тяда ала тага сьормадат: „Вреда тият — паньтядязь“, Коста паньцазь кулакть? Колхозста штоли? Но колхозу кулакт аф прьняндакшихть. Стихотворенияцень песа сьормадат: „Минь тинь митядязь“. Кие кинь мисы? Колхозниктне кулакнень? Но разя минь странасонк кулакнень мишеньцазь? „Кулакне Советтнень эзда туйхть еразь“ строчкатнень эзда сявомок и мянь пети молемс стихотваренияцень петьк, тик шарькодевиста, а тяфтак кадомс аш кода, — киньдигя фкявок строчкаце аф шарькодеви.
Тяни ванцаськ Волгапов ялгать „Тундань шись“ стихотворениянц.
Ушоды тяфта:
„Тундань менельнясь |
Тяса, Волгапов ялгай, ерайть менельть тиемс ласкательнайкс (кельговиксокс), а лиссь: менельсь пяк емланя — афоцю дуцяняшка.
Тяда меле сьормадат:
„Мес ши паньцамак, — Васта та муян, — |
Но ловсь вдь жив аф эряй? и афи кулонды. Сяда пара улель кда мярьголсть проста: „солан“. Ловть и шить одушевленнайкс оду тяйть тиеньдя.
Тяда ала сьормадать:
„Хути мон саян, |
Тяса, Волгапов ялгай, васькафнят. Развя ловсь тееньк аньцяк вред тии? Паксяти сон дажа эряви.
И аделасы стихотворениянц тяфта:
„Хути лов саят, |
Кувакаста сьормадыть стихотворенияцень, но мезьгя эсонза ашеть аза. Аш содержания эсонза, аш форма. Правда, лама васца кирьдьсак рифмать и ритмть, — тя ширесь пара, но тундань картина ашезь няфтев. Сяда пара улель, кда сьормадолить кода тунда живолгодсь сембе природась, — и колхозсь весяласта тусь видемя. Сьормадк тянь, если стихотворениякс аф сьормадови, сьормадк афоцю рассказнякс, али сочинениякс, но штоба улеза максф эсонза картина.
Оцю произведенияста тяда ушед тонафнемя сьормадома, а лучи афоцюняста; тинь неньгя кржа писателень вийдонт и оцю вещась аф сяськови.
Тяни ванцаськ Каргин ялгать „Колхозонь эряф“ стихотворениянц. Лувость.
„Колхозса сокайхть |
Каргин ялгать сяда кржа афшарькодевикс вастонза, но улихть. Машинать вельдя ударнайкс лиси „предложенияце аф шарькодеви, — кати колхозсь, кати модась, конань тракторсь сокасы — ударнайкс лиси„. Мезть колхозсь сокасы, тожа апамярьк. „колхозникть пара мороц, — кивок-аф саласы “выраженияце аф пара и лишнай. Вдь морхнень аф салсесазь. Ня строчкатнень тон сьормадыть аньцек сянкса, штоба рифмовандамс „сероц“ и „марасы“ валхнень.
Аделаськ минь стихотворениянь разборть и надиятама, што тя статьясь пособляй аф аньцяк теризморгонь литературнай кружокти, но и сембе велень кружокненьди. Вдь минь од поэттне сембе пцтай тиеньдихть тяфтама эльбафкст и сембонь сьормадфсост тяфтама афсатыкст.
Тяни дайти корхтатама. кода ня афсатыксне машфтомс и мезе тиемс, штоба тонадомс сьормадома
Тяда пеля, ялгат, тянь эзда, што сьормадфсонт лама афсатыкст, ня афсатыксне ульсть сембе тяниень оцю писательхнень сьормадфсвстка. Синьге тинь лоцонт ушодкшесть сермадома и арасть оцю писателькс аньцяк эста, мзярда лама тонафнестьтя тевти и лама сьормадсть. Аньцяк упорнай работась эсь вельхкссост и тонафнемась тиезень синь писателькс художникокс.
Тееньтевок, кда ули мяленьтя улемс писателькс — социалистическай культурань строяйкс, эряви пяк лама тонафнемс и ся еткть сьормадомс. Апак тонафнек и апак работак, кодамовок ломань мастяркс аф шаченды.
Тяни трудяйхне паньжсть эстиест кели ки, штоба тонафнемс и улемс оцю ломанькс социализмань строяма тевса.
Эряви тонафнемс, и тонафмемс марса — кружокса, — тя самай правильнай методсь. Ладясть кружоконьтень работанц сяда цебярьста; тиеньдеда кружоксонт художественнай произведениянь лувондомат. Тя тееньть максы пяк оцю лезкс, сьормадома тонафнемань тевсонт. Лувость рузонь крупнай писательхнень и мокшень писательхненьгя произведенияснон
Ва ня произведениятне эрявихть обязательна лувомс.
I Помещиконь и крепостной крестьянствать эряфснон колга:
[ 33 ]1) Гоголь: „Ревизор“, „Мертвые души“ и „старосветские помещики“.
2) Тургенев: „Муму“, „Льгов“, „Бежин луг“ и “Бурмистр“.
3) Пушкин: „Капитанская дочка“ и „Дубровский“.
4) Гончаров: „Обломов“
II Революцияда иньгольденг батракнень и рабочайхнень эряфста.
1) Чехов; „Ванька Жуков“ и „Спать хочется“.
2) Серафимович: „Стрелочник“.
3) Горький: „Мои университеты“, „9-е января“ и „Мать“.
III Трудяйхнень эряфснон и классовай врагть мархта тюремаснон колга революцияста, гражданскяй войнань пиньгть и социализмань строяма пиньгть.
1) Яковлев: „Октябрь“.
2) Вишневский: „Первая конная“.
3) Серофимович: „Железный поток“.
4) Фурманов: „Мятеж“, „Чапаев“.
5) Шолохов: „Тихий Дон“, „Поднятая целина“.
6) Ляшко: „Доменная печь“.
7) Безыменский: „Выстрел“, „Комсомолия“.
8) Панферов: „Бруски“.
IV Мокшонь писателхнень эзда:
1) Безбородов: „Паксянь увф“ и „Паксять мораса“ (стихотворениянь сборникт).
2) М. Бебан (Бябин): „Тундати казьса“.
3) Макулов: „Одонь вайгяль“.
4) Чумаков: „Эрект“.
5) Пьянзин: „Эряфть мораса“.
6) Пинясов: „Эряфсь панжи“.
Тяда башка неньгя лувондость мокшень писательхнень „Колхозонь эряф“ и „Якстере галстук“ журналхнень эзга моли произведенияснонь. Ня журналхнень лангс обязательна тиеда подписка. „Колхозонь эряф“ журналса эряйхть и критикань статьятка.
Пяк пара улель, кда ня книгатнен луволесть фкя-кафта кизоста, синьтеенть максыхть пяк оцю лезкс сьормадома тевсонтт.
Эсь сьормадф произведенияньтень лувондость кружокса и тиесньдеда разбор. Марстонь критикась пецыня афсатыксоньень, и кружокса лувф, критиковандаф и петьф произведенияньтень макссесть стенаньгазетав.
Минь мархтонк связьть тясть сязя, миньтееньть карматама посабляма.
Васенда танафнеда афоцю произведениянь сьормадкшнемя, ато оцють сьормадомс тинь кржа неньгя виеньтя.
Можна тяфтама темат сявомс: сьормадость сембе тялонь природать, тундань природать и колхозонь работатнень ня пиньгтнень эзда.
Сьормадосгь кода колхозоньте лисихть тунда видемя, кода велесонт пуроптозь колхозть и ся пиньгонь классовай борьбать. Кизонда сьормадость колхозонь паксять, кона пяшкся сеорода икода йотафцазь урожаень урядамать. Ва ня тематнень лангс и сьормодода афоцю рассказнят, али стихотворениянят, и кружоксонт лувондость и критиковандасть фкяфкянь сермадфоньтень. Сермадода од эряфть колга, конань сяда лац содасасть и конань эса тиньць эрятада. Ва тяфта работада кружоксонт.
Тонафнеда и работада, апак тонафне — и апак работак (сермадт) писателькс аф тонадат. Тясть юкста тя тевсовок Владимир Ильичень валонзон:
„Тонафнемс, тонафнемс и тонафнемс!“
„Колхозонь эряф“ журналть
редколлегияц.