Колхозонь эряф/1933/19-20/Тядясь
| ←Валпрякс | Колхозонь эряф (1933), 19—20 № Октябрь ков edited by Шестов Н. С., Путилин Н. М. Тядясь by авторсь: Максим Горький, мокшекс ётафтозе: Черапкин, Иосиф Григорьевич |
Комсомолонь вайгяль→ |
| Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитетсь. Лисенди 6-це кизось эрь ковти кафксть. — 19—20 № Октябрь ков 1933 киза. — с. 39—41 |
| ТЯДЯСЬ |
| |
| „Мать“ романц, Мокшекс йотафтозе И. Г. Черапкинць | ||
| (Ушетксоц ингольден номерга). | ||
| XXII | ||
Весть праздник шиста тядясь сась лавкаста, панжезе кенкшть ды лоткась парок лангс, соньцень марнек кенярьдема сявозе, пта лембя, кизонь пизем: комнатаса марявсь Паволонь кемя вайгялец,
— Вага сон! — пяйшкоц хохолсь.
Тядясь няезе, кода эрязта шарфць Павел, ды тага наезе, што сонь шамац крьвязьсь стама мяльса, конац теенза лама пара азонць.
— Вага и сать... и кудсат! — маторгоць тядясь, апак учт васьфтемати мялень прамок, ды озась.
Церац комась теенза, а шамац лофтана, сельмя ужесонза пиньделцть йолма сельмя ведьнят, трванза трнацть. Секундашка сон изь кашторда, тядяськя ванць лангозонза апак корхтак.
Хохолсь, сетьмоняста вешконьдезь, прянь нолдазь йотась вакскаст, ды лиссь пирьфи.
— Спасиба тядяй! — седи ваксонь алгак вайгяльса корхтазевсь Павел, а соньць люпшязе тядянц кядянц трнаты суронзон мархта. — Спасиба, роднойняй!
Кянярьдезь токавсь седиец тядят-цьоранц шама варжакстоманц мархта ды вайгаленцты, сон судерязе цьоранц прянц седиень тотнаманц кирьдемя иоткть, сетьмоняста корхтась:
— Шкай ванонзат! Мезенкса?..
— Сенькса, мес лездат минь инь оцю тевонькеньди. спасиба! — корхтась сон. Коста ломаньць может лемдемс эсь тядянц седизянга роднойкс — ся шуроста эряй павас!
Тядясь из кашторда, жаднайста ниленьдезень валонзон панжадонь седиенц мархта, кенярькшнесь цьоранц лангс ваномста сон ащесь инголенза стама валда, седи ваксонь ломань.
— Мон, тядяй, няеньдинь. лама тевоньке фатьнелезе сидицень, стака теть. Арьсекшнень, — мзярдонга аф мирендат минь мархтонок, аф примасайть минь мяленькень, кода тоньценьнетнень, аньцек кармат аф каштордозь кирдемя, кода марнек эряма пинкстот кирнеть. Ся стака ульсь!..
— Андрюшкань вельдя мон пяк лама кармань шарьхкодемя! — азозя тядясь
— Сон азонць тейне тонь лангат! — пеедезь мярьксь Павел.
— Егор тожи лама лезць. Минь сонь мархтонза фкя веленьнетяма. Андрюшкань мялецоль даже монь сермас тонафнемс...
— А теть ся визьксоньди арась ды тоньць салаваня кармать тонафнемя?
— Няемань-ни сон! — визьдезь мярьксь тядясь. Ды лама радостень мархта беспокоендафста, конац пяшкодькшнезе сонь седиенц, азозе Паволоньди:
— Терьдемаль сон! нарошна тусь, штсба аф шорямс. Сон тядяц аш.
— Андрей!.. пяйшкоць Павел, кудынголи кенкшть пажемок. — Косат?
— Тясан Пенгат мялезе лазондомс.
— Сак сей!
Сон аф курок сась, а кухняв сувамок, азоркс корхтазевсь:
— Эряви азомс Николаеньди, штоба пенгат усколь, кржа пеньгяньке Ванцак, ненька кодама сон, Павел? Сянь эземс, штоба наказакшнемс, начальствась куяфнысе бунтовщикнень...
Тядясь пеедезевсь. Сон нингя кенярьдесь тотнась седиец, ирецтокс ащесь кенярьдемати, но кати мезень скупой и ванозь ащема лифнель седи эстонза стама, мяль штоба няемс цьоранц стамкс, кодамоль прокс Пякни пароль седиенцти, ды сон йорась, штоба васеньце инь оцю кенярьдеманц сонь эрямонц сразу и проксоньди озаль седиезонза сяшкава живойста ды вииста. Кода сась Ды пелембачк, кода 6а афоль кирь повазоц сон эрзта йоразе сонь вельхтямс, пта нармонь кунци, апак учт кундаф, шуроста васьфневи нармоньть
— Дайти обедатама! Тон, Паша, изить ярхца вдь нингя? — эрязта мярьксь сон.
— Аш. Исяк мон маряйне надзирательства што монь мярьксть нолдамдон, ды тячи аф ярхцамазе, аф симмазе исть сак...
— Васеньцекс мон тяса васьфтине Сизов атянь, — азондозе Павел. — Няемань сон, йотась кить туркс, шумбрат пархть арьси. Мон теенза мярьгонь тон монь мархтон тяни сяда ванозь, мон ломаньць опаснаян, полициять надзорса ащян, [ 40 ]ничего, мярьги. И содасак кода сон кизефць племяньниконц кувалма? Кода кля Федор, лац эсь прянц кирьдезе Мезе стамсь лац эсь прянь кирьдемась тюрмаса? Ну, мярьги, лишнай мезевок изь корхта ли ялганзон каршесь? Ды коста мон азыне, што Федя честнай ломань и йоню цьора, сон судордазень сакалонзон ды гордайста мярьксь: минь, Сизофне эсь семиясонок кальдяв ломатть аф касфнетяма!
— Сон атясь пря уй мархта! — мярьксь хохолсь, прянь люкафнема пачк. — Минь сонь мархтонза сидеста корхнетяма — пара ломань. Курок Федянь нолдасазь?
— Монь мяльсон, сембонь нолдасазь! Синь мезьсновок аш, Исаень азондомадонза башка, а теенза мезе ина азовсь?
Тядясь сей-тов якась ды ванць цьоранц ланкс. Андрей, кулхцондозень Павелонь азондоманзон, ащесь вальмять ваксса, кядензон путозень фталонза. Павел якафць комнатгва Сонь кассть сакалонза, мелкай шуваня суркскат, равжа шяярьхне тустста кассть щекаванза, петьнезь цьорать шаманц смуглай тюсенц.
— Озада! — мярьксь тядясь, шра лангс лямть кандомок
Обедамста Андрей азондозе тенть Рыбинонь кувалма. Ды коста аделазе Павел ужельдемгя пяйшкоць.
— Кда улелень кудса, афолине нолда сонь! Мезе сон сявсь мархтонза? Оцю кяжень сама ды прявиень тапаркс прясонза?
— Ну, — мярьксь хохолсь, пеедезь, — коста ломаньти нильгемень киза, ды сон соньць ламос тюрьсь седистонза офттнень мархта, — стака лиякс тиемац...
Сотовсь фкя стама споряма, коста ломатьтне кармосельхть корхнемя стама валса, конат аф шарьходевихть тядяти. Аделазь обедамаснон, а синьць знай нингя йорясть фкя—фкянь ланкс кяждезь пта сетень валонь канзерды церахманца иляста корхтасть шарьхкодевста.
— Тейнек молама эсь киганок, аськолкска шири аф аеркшнема — Тангоцта мярьксь Павел.
— Ды трьхтяньдемс ки ланкса лама десатка миллион ломань каршес, конат васьфцамась, кода осал арьсиень...
Тядясь кулхцондозе спорямаснонь ды шарьхкотькшнесь, што Павел аф тюшцыне крестьяттнень, а хохолсь ширезост арсель корхталь, што синь эрявихть парс тонафтомс. Сон сяда лац шарьхкоделезе Андреень, и теенза арам хохолть видец, но эрь пинкста, коста сон кармаль корхтама Павелоньди мезевок, виде мяльс кулхцондоль ваймонь апак тарксек, учендозе цьоранц ответоц, штоба куроконя шарьходемс, — ашезе обижа ли сонь хохолсь, Но синь пяшкоткшнесть фкяфкянь каршес кяжень апак сак.
Иляста тядясь кизефнезе цьоранц:
— Станя ли Паша?
Пеедезь, сон отвечакшнесь:
— Станя!
— Тон, господин, — ляпе вейгяльса пеедезь Павел ланкс корхтась хохолсь, — ярхцать топодемс, да кальдявста пореньдить, тонь кргапарьсот сускомсь ащи. Оргалтк кргапарьняцень!
— Тят дураськаткшне! — макссь совет теенза Павел
— Да мон — кода панихидасан...
Тядясь, сетьмоняста пеетькшнезь, люкафнезе прянц...
XXIII
Нежетькшнесь тундась, солась ловсь, штафтнезе рудазть ды качам архтфть, кяшфтхельть сонь потмозонза. Кажнай шида меле рудазсь сяда пяк яцесь сельмос, марнек куронясь няевсь пта лоскоцо шнафокс, апак штафокс. Шить кольксь крьтшкаста, сизефста ды ливозюста качадсть куд стенатне, а вень шири сембе вастова акшолцть эй-сюрот. Сидеста сяда менельти кармась эвондакшнемя шись. И видя мяльс кармосесть шольдерьдемя шудерьксня, ляи шудема йотковаст.
Фабрикава и куронява лиеньцть листокне, конат азондозь тя праздникть значеньянц, и даже пропагандаса апак фатяк од ломатьтне, синь морафнемстост, корхнесть:
— Тя эряви тиемс!
Весовщиков, кяжень пачк пеедезь, пейшкоць:
— Сась пинге! Пандя коньч—коньч налхсемс!
Кенярькшнесь Мазин Федя. Сон пяк осалгодомок, арась похожайкс клеткаса кирьневи жавронкань шири, эсь нервнай трнаманц и корхтаманц мархта. Сон мархтонза прокс якаль [ 41 ]афкаштордысь, аф кизость коря серьезнайсь, Сомов Яку, конац тяни работась ошеса. Самойлов, конац сядонга пяк рыжайгоць тюрьмаса, Гусев Василь, Букин, Драгунов и тага кой—кие мярьгоньцть, што эряви молемс оружия мархта, но Павел, хохолсь, Сомов и лиятне спорясть мархтост.
Сашенкшнель Егор, прокс сизефста, ливозюста, ваймоц аф тяльги потмозонза, ды шутендаль:
— Тяниень стройть полафтоманц кувалма работась инь оцю тев, ялгат, но сянь инкс, штоба сон сяда лац молель, эрявихть тейне рамамс од кемоть! — корхнельс сон, сязентьф ды начка ботинканза ланкс няфтем пачк. — Галошане монь тожи аф пчкафтомшка сязендевсть, и эрь шине мон начфнесайне пилгонень. Монь аш мялезе молемс модать потмос сяда инголи, коста минь атказатама сире мирда сембонь ингольде и аф салава, а сяс, Самойлов ялгать предложениянц вооруженнай демонстрациять кувалма мон аф примаса, а мярьгоньдян вооружить монь пара кемоса, сяс мес мон пяк содаса, што ся сяда лама польза канды социализмать саманцты, хоть и оцю даже тюремать фкяфкянь няфьти шавомать коряс...
Сяка хитрайста корхтаманц мархта сон азонкшнелезе рабочайхненьди историять сянь кувалма, кода разнай масторга нароць старандась эсь эряманц тьождялгофтомс Тядясь кельголез сонь корхтаманц кулхцондоманц, и сон сявоньдель синь эстост кати кодама страннай мяль — самай хитрай врагонза народть нят, конат сембода пяк кяжиста и сидеста сонь васькафнелезь, нят ульсть йолманя, якстерь шама ломаньнят, визьксфтопт и жаднайхть, хитрайхть и кяжень ардыхть. Коста теест стакаль эрямась оцязоронь кядь ала, синь сурхкафнезь трудяй народть оцязоронь властть каршес, а коста нароць кеподель ды сявоньдезе ся властть королень кядьста, ломаньнятне васькафнезь сявоньдезь сонь эсь кядезост ды паньцезь народть эсь эряма вастоваст, кда сон споряль мархтост — шавондозь сонь сядонь и тьоженень.
Весть, тядясь смендась, ды азондозе теенза эрямань картинать, конац шарьхкотькшневоль сонь корхтамастонза, ды виздезь пеедемста кизефтезе:
— Станя ли Егор Иванович?
Сон рахсесь, кончсезень панчсезень сельмонзон, ваймоц потмозонза аф тяльги, мяштенц шовасы кядензон мархта.
— Видеце, тядясь, станя! Тон сюрода кундайть историянь букат Тя тоже тюсьса ули аф лама орнамент, т. е сермат, но синь тевть аф полафнесазь. Видеце, самай ня эчконя ломаньнятне — главнай грехс сувафтыхне и самай ядовитай насекомайхне, народонь сускондыхнэ. Францусне удалафста мярьгихть теест буржуа. Мяляфтк, тядясь — буржуа. Порихть синь эсонок, порихть и потяхть...
— Козянте значит? — кизефц тядясь.
— Самай синь эса синь осалсна. Коста няйсак идьнять кормазонза лездыхть аф лама медь сере, ся лоткафнесы сонь пакарензон касомаснон, и сон ули карлик, а коста ломанть травасазь золотса сонь ваймоц арай йолманяста, кулыняста и серайняста, совсем кода резинань топа, пятаконь тиида...
Весть, Егоронь кувалма корхтамста Павел мярьксть:
— А содасак, Андрей, сембода пяк ня ломатьтне шутендахть конань седисна ризнай...
Хохолсь аф ламос изь кашторда ды пялес чпрдазь сельмот, отвечась:
— Кда тонь видеце улель, — марнек Россиясь куломшка рахсель...
Явондась Наташа, сонга тюрьмаса ащесь, кодама бди лия ошеса, но ся сонь изьзе полафта. Тядясь приметазе, што сонь пинкстонза хохолсь арси сяда весяласта, йорязь-йоряй шуткат, сембонь токселезень эсь ляпоняста лангаст пеедеманц мархта, кепсель сембоста весяласта пеетькшнема. Но коста стирьсь туль, сон кармосель лажназь вешконьдемост эсь пефтема моронзон и ламос якафнель комнатава, кой-как пильгонзон чежелязень.
Сидеста сашенкшнель Саша, прокс кяжиста ащи, прокс эряскоды ды, мес-бди, кой ши, сяда кажияфтозь арай.
Весть, кода бди, мзярда Павел лиссь кудынголи сонь прважамонза ды ашезе пекста кенкшть мельганза, тядясь марясь тяфтама эрязтонь корхтама:
 This is a translation and has a separate copyright status from the original text. The license for the translation applies to this edition only.
| |
| Original: |
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). The author died in 1936, so this work is also in the public domain in other countries and areas where the copyright term is the author's life plus 87 years or less (if applicable), or the copyright term is 117 years or less since publication (if applicable).
Public domainPublic domainfalsefalse |
| Translation: |
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
The author died in 1935, so this work is also in the public domain in other countries and areas where the copyright term is the author's life plus 88 years or less (if applicable), or the copyright term is 90 years or less since publication (if applicable).
Public domainPublic domainfalsefalse |
