Колхозонь эряф/1933/18/Эряйксонь эряфти

From Wikisource
Jump to navigation Jump to search
Колхозонь эряф (1933), 18 № Сентябрь ков edited by Шестов Н. С., Порватов Т. М.
Эряйксонь эряфти.
Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитетсь. Лисенди 6-це кизось эрь ковти кафксть. — 18 № Сентябрь ков 1933 киза. — с. 1—3
 
[1]
Эряйксонь  эряфти.  
 

Коммунистическай партиясь и сонь славнай руководителец — кеме большевиксь — Сталин ялгась лифць лозунг: — маластонь кафта колма кизотнень тиемс сембе колхоснень большевистскайкс, а колхозникнень эряйксокс. Сталин ялгать тя лозунгоц путни пяк оцю задачат сембе колхоснень и колхозникнень инголи тя лозунгсь веши штоба тиемс пяк оцю перелом колхоснень роботаса, штоба цебярь методса мольфтеволь колхоснень роботасна штоба колхознай трудть лангс колхозникне ванольхть кода „честень славань доблестень и геройствань тевонь“ ланкс.

Мокшэрзянь областень колхосне областень партийнай организациять кеме большевиконь руководстванц ала цебярьста шарьхкодезь Сталин ялгать тя лозунгонц и сембе вийса кярьмодьсть сонь пяшкодемонза. Синь сембе вийса большевикокс тюрьсть тундань видема кампаниять цебярьста и эсь пингова йотафтоманц инкса, шарфцть оцю мяль колхозса трудть цебярьста ладяманц ланкс, большевикокс йотафтозь сьоронь юмафтомать—арафтомать каршес тюремать и сембонь тянь вельде сацть пяк оцю сатфкст вождть тя лозунгонц пяшкодемаса.

Минь областень колхозоньке тятдень кизоть сацть пяк оцю урожай 10 центнерхт эрь гектарста, 7 килограммат (кунчкава лувозь) сашендови колхозникти эрь трудошинц инкса — сембе тя арси васенце аськолксокс эряйксонь эряфти. Тяни областьсонок эрь цебярьста работай колхозникть сатомшка кшиц аф аньцек эстеенза ярхцамс, но сонь ули кшиц колхознай торговляньдиньгя Но аньцек тянь мархта эряйксонь эряфсь аф сатови. Штоба сатомс эряйксонь эряфть эряви сатомс сянь, штоба эрь колхозникть кшида башка улель танга траксоц, улельхть учанза, улель фкя али кафта тувонза, штоба сонь цебярьста улель урядаф кудоц, штоба культурнайста улель ладяф марнек эряфоц

Мокшэрзянь областень трудяй колхозникне тя ширетьке ашезь юкста ВКП(б) нь ЦК-ать и СНК-ать путфксоц траксфтома колхозникненди трактонь добувамаса лезксонь максомать колга арси васеньце аськолксокс Сталин ялгать лозунгонц пяшкодеманцы — сембе колхозникнень [2]эряйксокс шарфтомаснонды. Минь обласцонок ни 75% колхозникнень эзда тракс мархтот, лама кемотть улихть стама колхознеке конатнень эса марнек машфтф траксфтома шись, коса колхозникнень улихть аф аньцек тракссна, но улихть тувосна, улихть учасна, улихть кудонь нармоньцна. Но аньцек тянь ланкс минь ниньге аф лоткатама. Областень партийнай организациясь путсь задача 1934 це кизоть пенцти тяза уль обласьцонок фкавок траксфтома колхозник, — лиякс мярьгомс юрнек машфтомс траксфтома шить и пяшкодемс Сталин ялгать лозунгонц коса сонь корхтай „Уш минь большевикне старандатама, штоба эрь колхозникть улель соньцень траксоц“

Минь сатомя оцю сатфкст обласцонок жуватань вадяма тевса. Но нят сатфксня нинге марнек аф пяшкочнесазь Сталин ялгать лозунгонц сянь колга, штоба эрь колхозникть улель соньцень траксоц Штоба пяшкодемс тя лозункть, эряви ниньге сяда кемоста кярьмодемс жуватань водяма тевти, эряви цебярьста ладямс работась жуватань водяма совхоснень и ферматнень эса, цебярьста ладямас жувататнень мельгя якамать, синь андомаснон симдемаснон

Тяниень пинкть социалистическай жуватань водяма тевса основной рычагокс арсихть жуватань водяма совхосне и ферматне. Сяс нят участкатнень кемокстамасна, синь эсост тевть цеберста ладямац арси тяни минь инголенок пяк оцю политическай задачакс. Штоба цебярьста ладямс жуватань водяма тевть, эряви васендакигя цеберьста ладямс работась ферматнень и жуватань водяма совхоснень эса, эряви юрнек машфтомс синь эсост обезличкать, конац нинге тя пинькс няендеви кой кона ферматнень и савхоснень эзга Эряви цебярьста ладямс жувататнень мельгя якамать, цебярьста ладяма синь андомасна симдемасна, аруста кирдемс жувататнень эряма васцнон, вишкста тюремс молоднякть урадоманц мархта, ладямс тевть станя, штоба урадомань проценць пачфтемс нольти. Тянкса эряви жувататнень мельгя якама кочксемс стама ломатть, штоба синь улельхть ванфт сембе ширьдя штоба синь улельхть колхозонь производствань инь цебярь ударникть, штоба, син кельголезь марстонь жувататнень станя, кода синь кельгондезь эсь жуватаснонь.

Минь улихть ни лама образцовой ферманенке, конатнень эзда ули кода сявомс кепотькс сембе иляды ферматненди Кепотьксоньди савомс Сургодьскай колхозонь МТФ ть Торбеевань районца), 1932 це кизоне оц пуроптф фермаса ульсь 65 пря жувата. Кафта кизоти фермась канць приплодта 94 пря жуватати итяни чеснайста пяшкодезень сембе обязательстванзон государствать инголя и эсонза ни лувондови 187 пря жувата.

Омбоце кепоткссь Сталинонь лемса колхозонь тувонь водяма фермась (Кученяева веле, Ардатовонь район) 1932 це кизоня фермась ушодозе работанц эсонза ульсь анцек 6 тувот. Тятдень кизоть фермаса тувотнень лувкссна кассь 8 нь крда.

Тяфтама жуватань водяма фермада минь обласьцонок лувондови аф фкя аф кафта, а лама кемотть Жуватань водяма ферматне тяфта жа лездыхть колхозникнень и колхозницатнень индивидуальнай жуватань водяма тевснон касфтоманцты. Аньцек тятдень 1933 це кизонь ферматнень эзда колхзникнень индивидуальнай пользованиясь максф 915 вазня и 4550 пурхцкя.

Траксфтома колхозникненди лезксонь максомать колга ЦК ать путфксоц пяшкодемац кигя тятдень кизонь сентябрь ковть эзда областень колхознай ферматнень эзда колхозникнень индивидуальнай пользованияс максф танга 2,5 тьожань вазня.

Классовай вракть кулачествать илядыкс юронза фсякай лаца агитацияснон вельде йорайхть кирдемс жуватань водяма тевть вешкста молеманц Синь йорайхть сянь, штоба эрь колхозниксь афоль добува эстиенза тракс, мезенкса корхтайхть, што контрактациянь вельде и МТФ ста вазнят тяда сявонде, синь макссесазь аньцек тялоть йотамс, а кодак тундась сай, то синь меки сявсазь, синь корхнихть колхозникнень и башка эряйхцень эса сянди, штоба печькселезь вазняснон, синь молихть фуражень анокламать каршес и тянь мархта йорайхть кирьдемс жуватань водяма тевть.

Эряви максомс инь кеме отпор кулачествать тяфтама агитациянцты. Минь инголенок эряви путомс стама задача, штоба анокламс аф 10 центнерда кржа фураж эрь алашати, аф 3 центнерда кржа сьора эрь тувоти. Кальдяв и пяк аф сознательнай ся колхозниксь единоличниксь, конац печьксы вазнянц, ся [3]моли жуватань водяма тевть каршесь ся моли партиять и правительствать мероприятиянзон каршес, ся колхозонь строень враг сяс, мес сон сязенцы сембе траксфтома колхозникненди траксонь добувама тевть

Пяк оцю шерекс жуватань водяма тевса арси жувататнень продуктивносьцнон касфтомац, жуватати сатомшка кормань анокламась, сонь мельганза цебярьста якамась, эсь пинькстонза сонь симдимац и андомац арсихть васеньце ширекс жувататнень продуктивносьцнон касфтоманцты. Минь улихть цебярь жувата мельгя якаеньке, конатнень эзда ули кода сявомс кепотькс. Кепотьксонди сявомс Гантманонь лемса колхозонь тракс потсить Данкинать. Сон эсь тевонц цебярьста ладяманц вельде саць сянь, што эрь траксть эзда потяй 10 литрат лофца шити. Омбоце кепотькссь Ардатовань райононь „Новый мир“ колхозста свинаркась Маныщина ялгась, конань ашезь урад фкавок пурхцкац. Тяфтама ударницатнен эзда эряви сявомс кепотькс и синь работамань опытснон йотафтомс областень сембе колхосненди, сембе ферматненди, сембе жуватань водямя совхосненди.

Миньдейнек эряви тюремс сянкса, штоба эрь тракссь минь фермасонок максоль аф 7 литрада кржа лофца шити, штоба эрь ава тувось максоль 8 деловой пурхцкат кизоти, штоба фкавок тракс, фкавок тува, фкавок уча фермаса афоль ляд ялвайкс.

Алашась тяниень пинкть ниньге ащи пяк оцю вийкс минь хозяйствасонок. Виде минь тяни колхознеконь оцю пяльксснон обслуживандакшнесазь МТС-не, но тя ниньге ламода аф корхтай сянь колга, што алашать эряви кадомс шири. Алашась ульсь, ащи и ниньге лямос кармай улема основнай вийкс минь коллективнай хозяйстванеконь эса. Кальдяв ся колхозсь, конац кальдявста кирьцыне алашонзон, кальдявста якай синь мельгаст, аф шарфни синь ширезост эрявикс мяль. Ниньге сяда эрявиксонди арси алашась Якстерь армияти. Цебярь каваллерийскай, артиллерийскай и обознай алашась армияса — арси залогокс масторнеконь обороноспособностенц кемокстманцты, арси васеньце нажедема вастокс ингольпяльдень бойхнень цебярьста мольфтемаснонды, кда тяряфтыхть минь каршезонок тюрема.

Вишкста тюремс кеме колхознай, каваллерийскай, артиллериянь и обознай алашанкса, прибыльнай товарнай ферманкса, цебярь траксонкса, тувонкса, учанкса и кудонь нармоненкса!

Инь маластонь пинкть шарфтомс Мокшэрзянь областень сембе колхоснень большевистскайкс, а колхозникнень эряйксокс!