Колхозонь эряф/1933/05/Масторсонок обороноспособностть кемекстаманкса тюрити "Колхозонь эряф" журналти якстерьарьмейскай паравал
| ←Мокшонь литературанкса тюрити — „Колхозонь эряф“ журналти. | Колхозонь эряф (1933), 5 (49) № март edited by Шестов Н. С., Порватов Т. М. Масторсонок обороноспособностть кемекстаманкса тюрити „Колхозонь эряф“ журналти якстерьарьмейскай паравал |
Паронь арьсема.→ |
| Колхозонь эряф (Колхозная жизнь). Мокшонь литературно-художественнай журнал. Нолдаец Совецкай писательень Союзонь облоргкомитець. Лисенди 6-це кизось, эрь ковти кафксть. — 5 (49) № март, 1933 к. — с. 4—5 |
| Масторсонок обороноспособностть кемекстаманкса тюрити „Колхозонь эряф“ журналти якстерьарьмейскай паравал |
Минь Мокшэрзянь обласьцонок, кода национальнай обласьца, конац инголи люпштафоль самодержавиять пильгалу, обласьца, коса аф кунаф питай ашельхть сьормас содай ломаттке вишкста касы национальнай культурась, национальнай форманц, и социалистическай содержаниянц коряс.
Саты аньцек азомс ся, што минь тяни нолятама 4 газетат, 4 журналхт, мордгизсь ноляй лама национальнай литература, паньчф национальнай культурань научно-иследователскай институт.
Сембе нят факттне пяк цебяряста няфнесазь ся походть социалистическай культуранкса, конань тяни лувонцазь аф аньцек минь ялганекя, но сави лувондомс врагонекондинге.
„Социалистическай стройсь од культурань паньжема строй“ (Сталин)
[ 5 ]Сембе журналхнень, газетнень и сембе национальнай литератураса сатомшка васта макссеви и минь обороннай работанеконденгя минь Мокшэрзянь областень условиясонок.
Боевой политическай тонафнемать, Якстерь армиять эряфонц и бытонц, сонь боецонзон социалистическай строительстваса работамаснон, минь Якстерь армиянь резерванеконь — осоавиахимонь организациять работанц колга боевой очеркт, стихть и расскаст — улендихть печаца и национальнай литератураса.
Васеньце инь цебярь организаторкс обороннай литературать пуроптомаса арси „КОЛХОЗОНЬ ЭРЯФ“ журналсь.
Якстерь армияв призывть, переменникнень учебнай сборснон „Якстерь армеецнень семьяснонды льготатнень, эряйхнень сембе военнай подготовкаснонь колга работать, Осоавиахимонь лагернай учебать, минь Якстерь армиянеконь эряфонц, бытонц и техническай кеме шинц и социалистическай строительствати сонь лездоманц — сембонь тянь „КОЛХОЗОНЬ ЭРЯФ“ журналсь, эсь вете кизонь работастонза пяк цебярьста, большевикокс няфнезе эсь страницанзон ланкса.
Но эряви азамс, што журналсь ниньге аф пяшкочнесыне сембе нят вешфкснень, конатне путневихть партиять и Якстерь армиять мархта художственай обороннай литературань пуроптомаса, но киндингя аф сьопови ся факць, што сон тийсь пяк оцю аськолкс минь Якстерь армиянеконь кемокстама тевса, сембодонга пяк минь Мокшэрзянь автономнай областеньконь обороноспособностенц кемокстамаса.
„Колхозонь эряфть“ вете кизонь юбилейстонза журналти и сембе сонь сотрудниконзонды минь кучтама якстерьармейскай спасиба.
ВОЕННАЙ