Колхозонь эряф/1933/04/Рабочай-Сьора видиень Якстерь армияти ВКП(б)-нь ЦК-ть пара арьсемац

←Валпрякс

Колхозонь эряф (1933), 4 (48) № февраль edited by Шестов Н. С., Порватов Т. М. Рабочай-Сьора видиень Якстерь армияти ВКП(б)-нь ЦК-ть пара арьсемац.

СССР-онь Совнаркомть парарьсемац→

Колхозонь эряф (Колхозная жизнь). Мокшонь литературно-художественнай журнал. Нолдаец ВКП(б)-нь обкомсь, облисполкомсь и облпрофсовець. Лисенди ковти кафксть. — 4 (48) № февраль, 1933 к. — с. 1—2

 

Рабочай-Сьора⁠видиень
ЯКСТЕРЬ⁠АРМИЯТИ
ВКП(б)-нь⁠ЦК-ть
пара⁠арьсемац.

СССР-нь
Революционнай военнай советти.

 

Якстерь армиять 15-це годовщинастонза ВКП(б)-нь ЦК-сь кучи параарьсема Якстерь армиянь сембе боецненди, командирхненди и политработникненди.

Киветие киза ся пинкти, мзярда пролетариаць и сембе трудяй сьора видихне, сявозь властть буржуйхнень и помещикнень кяцта и пуропцть Совецкай власьть, васенцетне историяса уставасьть пуроптома — сире армиять ингольдень царизмань оплотать и Россияса оружияса народонь люпштайть васц — миньцень Якстерь армияньконь, кона арась орудиякс трудяйхнень арелямаса.

Якстерь армиясь — тя стама армия, конац шачф Советонь Союзонь трудяйхнень верстост и пакарьстост. Коммунистическай партиять руководстванц ала пуроптф, пролетариатть и сьора видихнень воляс нолдаманкса тюремань оцю идеятнень мархта кепотьф мяльса работай, Якстерь армияти эсь пуроптомодонза меле васень шитнень эзда киге эрявсь вишкста тюремс контрреволюциянь вийхнень мархта, интервентонь вийхнень мархта. Пролетарскай диктатурань од армиясь календавсь тя тюремаса, няфтезе герой шинц, арелязень пролетарскай революциять и Совецкай властть, страфтозень Калчаконь и Юденичень, Деникинонь и врангелень и интервенттнень армияснон.

Мирнай строительствань пинкста Якстерь армиясь арси аф аньцек пяк лама сяда тьожань од пролетариянди и сьора видиенди военнай школакс, но и культурань и социалистическай строительствань школакс, коста лисендихть передовикт, ударникт, социализмань строительхть и Совецкай властть инкса борецт.

Якстерь армеец, командир и политработник ялгат.

Фкавок минута тясть юксне Советскай Союзть ланкс врьгятемань пельксть! Минь границаньконь омба ширеса врагонекя — коль сяда касфцазь эсь вооруженияснон, аноклайхть венептемс эсь разбойниконь кяцнон Совецкай странань границатненди! Уледа анокт!

Кемокстасть дисциплинать, тонафнесть военнай тевть!

Советонь Союзонь пролетариятнень и трудяйхнень кеме вийса СССР са пуроптф кеме и оцю социалистическай промышленность — конац арси основакс СССР-ть обороноспособностенцы. Пролетариятне макссихть Якстерь армияти од пяк кемя военнай техника.

Тинь тевонтте, ялгат, — тонадомс тя техникать, маштомс цебярьста содамс и работамс нят од машинатнень и орудиятнень мархта, конат тийфт СССР онь трудяйхнень кяцнон мархта.

Од техникать содаманкса!

Щумбра улеза Советонь Союзсь — миронь оплоць!

Шумбра улеза Якстерь армиясь — Совецкай Союзть героическай и кемя защитникоц!

ВКП(б)-нь ЦК-ась.

---