Колхозонь эряф/1933/02/Литературнай тонафнемань семинарть программац

From Wikisource
Jump to navigation Jump to search
Колхозонь эряф (1933), 2 (46) № январь edited by Шестов Н. С., Порватов Т. М.
Литературнай тонафнемань семинарть программац.
Колхозонь эряф (Колхозная жизнь). Мокшонь литературно-художественнай журнал. Нолдаец ВКП(б)-нь обкомсь, облисполкомсь и облпрофсовець. Лисенди ковти кафксть. — 2 (46) № январь, 1933 к. — с. 31—34
 
[31]
Литературнай   тонафнемань   семинарть
программац.
 

Тонафнемась кармай молеме „Колхозонь Эряф“ журналть редакциянть тевонь кочкаманц ладяманц вельде. Ответственнай руководителец семинарть Н. С. Шестов, а кялень содама ширьде вятись — Черапкин И. Г. Тонафнема кармахть кода „Колхозонь Эряф“ журналса ды „Мокшонь Правда“ газетаса работайхне. Станяжа ширьдень ломатть, конатьнень мяльсна тонафнемс. Синь нолдамань кочксесыне Шестов ялгась. Сон—жа веши пособият и лия, кодама эряви тонафнеманьди литература.

Тонафнемась смексеви етафнемс илять—илять — 6 часцта сявомок 9 часц Эанятиятне кармахть уленьдеме декадати весть, 3 це 13-це ды 23 це числатнень.

Руководительхненьди лездома терьневихть: С. Б. Леонтьев, „Мокшонь правдать“ редактороц и сонь полафниец — Руськин ялгась. Кармахть работама: М. Учватов, С. Врагов, Мокшэрзянь Пединститутонь преподавательхне. Тяда башка писательхне синьц эсь писателень организацияста кочкахть ялга, конац кармай руководительхненьди лездома.

Семинарть программац арсеф 100 част тонафнеманьди. Тевс коре программась явондови тяфтама вете пяльксова.

1. Литератураса марксистско ленинскай установкатне (24 ч.)

2. Мокшокс кялень валвийть содамац, лац сермадомась ды стильсь. (42 ч.)

3. Мокшень кяльс рузонь ды лия кяльста етафнемась (12 ч.)

4. Темань арьсемась (6 ч.)

5. Серматфонь шнамась—сялдомась критикась (16 ч.)

Программать явфонзон коряс тонафнемась тяфта кармай молеме.

[32]
I.  Литератураса  марксистско-ленинскай  установкатне

1. Маркс-энгельс Ленинонь ды Сталинонь и партиять решениянза литературать кувалма. ВКП(б)-ть и советскай власть Ленинскай национальнай политикаснон литератураса йотафтомац.

2. Писателень организациятнень работасна литературать шарфтомац партийнайкс, классовайкс социализмань строямати лездыкс. Литераторхнень эльбафкссна, партиеть генеральнай линиястонза види ды „кержи“ шири молемасна и контрреволюционнай контрабандань таргсемась литератураса.

3. Мокшень литературать пара и осал вастонза. Мокшень писательхнень, политическай эльбетькшнемасна.

4. Художественнай литературась кода классовай афкуксонь эрсема, кода форма классовай идеологиянь азкс. Художественнай литературась базиснонь и надстроикатьнень кизефкса. Пролетарияць, кода класс сембода лац шарькодись об‘ективнай законномерностнень.

5. Искуствать ролец, кода классовай орудия тюремаса. Искуствать художественнай литературать классовай тюремаса аф шаркодеманц. Партийность искуствать-художественнай литературать эса пролетарскай писательсь, поэтсь и художнексь, кода активнайста классовай тюремась социалистическай строительствать инькса Социализмань пингти сувамась и пролетарскай литературать задачанза.

6. Художественнай творчествать Ленинскай анализоц и сонь явксоц Плехановскай методологиять эзда (кода ванцть Ленин и Плеханов, Толстойнь и Горькайнь произведениянзон лангс) Ленинский критикась Плехановонь (Плехановонь теориянц лангс исскуствать и литературань критикань статьянзон ланга).

7 Переверзевщинась меньшевиствующай идеализмь (Беспалов, Зонин и лиятне), кода враждебнай рабочай класти теория литературнай фронца. Троцкизмась жудожественнай литературань кизефкса. Бухарин и сонь школац (сонь оппортунистическяй установканза) художественнай литературань кизефкса. Лефоящинась, кода искуствать машфтомац, „Литфронць“ — сонь враждебнай метологическяй и литературнай политическяй установканза.

II.  Мокшокс  кялень  валвийть содамац,  лац сермадомась
(Стилистикась)

1. Лац мокшокс серматфть паронза, мельста лисеньдихть осалхне мокшонь литератураса, ды кода синь петемат.

2. Мокшокс корхтамать ды сермадомать аф фкакс молемасна. Мокшонь корхтафксть кочкамац. Лоткамань тяштенятне ды синь путнемасна. Мокшекс лувомста лоткамань тяштенятнень ланкс лотксемась ды ингольдест ащи валхнень азондомста, вайгелень нолдамась—вятемась.

3. Сермадомста фкя корхтамань кирьдемась. Литературнай кялень касфтомать инкса лия корхтамаста валонь сувафнемась.

4. Мокшонь литературнай кяльть историяц: азксса ды морокс ладяф произведенияса. Баснянь ефксонь кяльсь, ды морамань валладямась и вайгельсь тьнярстонь, — Октябрьскай революцияда ингольдень ефксса ды мороса ды тениень пингоньнеса.

5. Мокшонь кяльса валпакшень ды валонь азондомась, синь законцна ды порядкасна корхтамаса и сермадомаса. Корхтафкс эземс ащи валхне, синь серматкшнемасна и путнемасна. Кодама различия тиеньди сермадыть азондомас лия корхтамаста валонь сувафнемась ды корхтафкс эземс ащи валонь путнемась, Кода ушеткшневи сермадыть стилень тиевомац.

6. Кода полафневихть корхтафкс эземс ащи валхне и мезень лезкс сянь мархта макссихть сермадыти. „Вал ежеса ащи лем валхне, синь тумасна ды сермадома тевса значениясна. Стильть няфтемаса лама вал“ежеса валхнень значениясна. Лама вал“ежеса валхнень полафневомасна, тянь лезксоц сермадома тевса, Кода эльбафксфтома синь серматкшнемат.

[]7. Корхтафксса разнай валонь путнемась и ладозост ащезь синь кочкамасна, правилатне ды закоттне те тевса. Тевонь молемань—тиемань ды природань азндомста кяльть козяшинц лихтемац и эсь содамань няфтемась.

8. Морокс сермадомань ды ефксокс азондомань валонь шарфтоматне Кода тиендеви и няевикс—содавикс арси сермадыть стилец. Кодапт совецкай литературать тяниень задачанза—тевонза. Месть эрявихть содамс; фабрикань, заводонь, колхозонь ды совхозонь, историянь азондомста, рабочаень ды колхозниконь эрямать корхтафтомста.

9 Моразь морамс сермадома тонафнемась. Стихсь ды сонь эсонза ударениятне. Мора ладонь—рядень содамась. Рузонь поэтнень эзда кепотьксонь сявоньдемась Мокшень стихть строямс правилатне ды закоттне.

10 Сермадыть стиленц петевоманц—касамац. Валонь шарфтоматне ды лятфнем валонь азондоматне произведенияса. Лоткамань тяштень содамать эрявиксоц ды писательхнень серматфса синь путнемасна. Знакне Ленинонь ды Сталинонь серматфка и синь значениясна эрь сермадыть тевса. Лац сермадомань правилатне.

11 Кодама валхт улихть корхтамасонок и кодане синь явошневихть тонафнемань ды валвийть кувалма Ленинонь ды, Сталинонь корхнемасна. Кодама мяль кирьдихть мокшетне валвийть кувалма; Формас коре ды вал“ежес коре валхнень явошневомасна.

12. Сире валонь ды од валонь путнемась сермадыть работаса. Од валхнень тушенкшнемасна. Синонипне, синь тушендомасна и сермадома тевса мархтост пользовандамась, классовостць синонимга синонипнень маштозь путнемасна и лац серматкшнемасна.

13. Разнай вал „ежоса путневи фкакс ащи валхне и синь тушендомасна. Сермадомста мархтост пользовандамась. Кодама осал лисенди тяфтама валхнень афмаштозь путнемастост ды сермадомастост. Правописаниясонок синь шоряфкссна.

14. Сравнениянь тиендемась корхтамаса ды сермадомаса. Мезе мезень мархта можна сравниндакшнемс и кие кинь мархта. Сядингольдень осал эрямать тяниень пара эрямать мархта и ингольдень эрямать тяниень социалистическай строительствать мархта сермадомста сравнениясна.

15. Видеста и кичкордозь корхтамась. Валхнень значениясна и синь полафнемасна васц коре и азомать вельде. Маштозь кичкордомать пароц. Кичкордазь сермады писательхне ды синь значениясна культурань кеподемаса.

16. Сермадыть валонза и валксоц. Валкссть мархта пользовандамась ды эсь валксонь тиендемась—кочксемась. Сире валонь ды од валонь приметнемась. Лия корхтамаста валонь кепсемась и синь мархтост пользовандамась сермадомста и корхтамста.

17. Валряць корхтафксса. Валрядонь афсодамать осалоц сермадома тевса. Валряць стилень няфтикска арси сермадомаса. Закоттне и правилатне валрядень правилатне.

18. Лемнемась (терминологиясь) и сонь значенияц мокшень литратураса. Од эряфонь строямань тефнень—мяльхнень лемнемасна. Мокшонь кялень закоттне ды правилатне Октябрьскай революцияда ингольдень лемнемаса. Наукань тефнень лемнемасна.

III.    Мокшонь  кяльс  рузонь  ды  лия  кяльста  етафнемась

1. Мезеньди эряви мокшонь кяльс рузонь ды лия кяльста етафнемась мезе корхтайхть. Мокшокс етафнемать эльбафксонзон кувалма. Мезень осалхт няентяма рузонеста мокшокс серматфста.

2. Рузонь корхтафксть ды мокшеньнеть различиясна. Кода строяви рузокс азондомать сермадомац и сонь различиянза мокшоннеть коряс. Мес осалста лисеньдихть ламоц рузоньнеста мокшокс серматфне.

[]
  Номерть  питнец  30  треш.  

3. Рузоньнеста мокшокс сермадомать методикац. Кода кочкама и лац ладяма тевсь штоба лац лисель етафтфсь, Цебярь перевотть признаконза. Кодаме подготовка содамань ширьде эряви етафтыти, штоба тиеволь лац тевоц.

4. Лия кяльста мокшекс етафтыть ответственностец. Етафтф книгава ды газетань статьява осалхне ды кода синь маштомат. Кялень валонь вийямати касомати лия кяльста етафнемать лезксоц.

IV.  Темань  Арьсемась  ды  ушетксонь  кочкамась

1. Произведениятнень лемнемаснон значенияц. Кода классик писательхне лемнезь произведенияснон ды геройснон Мокшонь азонкшневи ефксса-басняса произведениянь лемнемась. Пролетарскай литератураса лемонь путнемась. Мокшонь произведениянень лемладяфкссна. Мезе синь няфнихть-азондыхть.

2. Кода вешеньдема лем произведенияти. Мезе эряви сеньди содамс произведенияса. Ушетксонь тиемась кода самай эрявикс тев од писателеньди. Кодане разнай классонь писательхне ушоткшнезь сермадом тевснон. Кодапт ушеткссна мокшень писательхнень произведенияснон. Темать мархта ушетксть сотфкссна.

V.  Серматфонь  шнамась-сялдомась  (критикась)

1. Литературнай произведениянь шнамать сялдомать пароц, Мезень ширьде эряви кодама произведениясь шнамс сялдомс. Пролетарскай литератураса шнамать-сялдомать методонза. Кода шнакшнесть-сялнесть ученай и литературнай произведеният революциянь вождьтне.

2. Морокс азонтфть-серматфть шнаманц сялдоманц юранза. Мезе эряви вешемс морокс серматф произведенияста. Шнамать-сялдомать паронза моронь сермадомать петемаса.

3. Рузонь и лия кяльхнень эста етафтфть шнамац сялдомац. Мезе вешема етафтф произведенияста.

4. Сермадыть печатламас тевонь анокламац. Типографиятнень ды редакциятнень авторхненьди основной требованиьсна. Сермадыти мяляфтома типогравскай рабочахнень тевснон тежделгофтомац и мезьса теждялгофтови.

5. Кода работакшнесть сермадомань тевснон вельксса писательхне. Кода работахкшнесь Ленин. Кодане тейнек тевсь ладяма сермадомать и шнамать-сялдомать кувалма.

МОРАФТЫ ЯЛГАТ!
„Колхозонь Эряф“ журналть редакцияц совецкай ульцять эзда йотась Володарскай ульцяв и тяни редакциять адре- зоц ули тяфтама;
г.  Саранск,  Володарская  34  редакция  журнала  „КОЛХОЗОНЬ  ЭРЯФ“
Сембе корреспонденциять кучсесть тя адрезть коряс
„КОЛХОЗОНЬ  ЭРЯФ“  журналть  редакцияц
 
Ответ.  редакторсь  Н.  С.  ШЕСТОВ
Литредакторсь  Т.  М.  ПОРВАТОВ
Сдано  в  набор  1  февраля.    Подписано  к  печати  8  февраля.  Мордгиз  №  74.  Обллито  №  35.
Тираж  1635  экз.  Печатных листов  3.  в  листе  54984  знаков.   Заказ  №393.
 
г.  Саранск,  типогр.  „Красный  Октябрь“.