Колхозонь эряф/1932/16-17/Чукальскай тевть колга ВКП(б)-нь крайкомть путфксоц

 

ЧУКАЛЬСКАИ   ТЕВТЬ   КОЛГА

 

Сентябрь ковть 14-це шинц эзда, 1932-це кизоня ВКП(б)-нь крайкомть путфксоц

 

Лувомс, што нарсутть путфксоц Чукальскай „Красный октябрь“ колхозть (Игнатовскай районца, Мокшэрзянь обласьца) ингольдень председателенц Еремин и лия ялгатнень тевснон колга ащи йофси аф правильнайкс, конац политическай ширьдя мяньцесы и кяшенцы колхозницать пикссеманц (шавондоманц) колга и чукальскай колхозаса партиять генеральнай китьксонц оцюста меньцеманц колга.

Ереминць ащи колхозонь массатнень ланкса бюрократическай командованиянь канникс, конац эсь воля азорондась колкознай имуществать ланкса, конац законтфтома сявондезя колхозникнень и башка эряй сьора видихнень имуществаснон. Ереминць ащи революцоннай законностень оцю колсикс и ащи инь оцю виноватокс чукальскай „Красный Октябрь“ колхозса хозяйственнай оцю афсатыкснень и сязьфкснень эса.

Ереминтть преступнай деятельносьтец мянь тоза пачкоць, што сон нльня пикссезя колхозницать.

Сембе нят преступнай действиятнень инкса, конат сязенцазь колхознай движениять и видеста ащихть кулакть кяц. Игнатовань райононь нарсуць Ереминтть судендазя (нарсудонь заседаниясь вятьф Аносин нарсудьть председальстванц ала) аньцек пякстамс киза да пяля кувалма пинкс. Сяда башка Ереминць ульсь таргаф судебнай ответственосьц аньцек колхозницать пикссеманц шава фактонц инкса.

И стане тевть политическай ширец ульсь кяшф.

Сявомс мяльс Мокшаэрзянь ВКП(б) нь обкомать кулянь пачфтеманц Ереминонь тевонц и од судонь процессонь пурптомать, а стане жа Игнатовань нарсудьять Аносинонь васцтонза валхтоманц и судц максомани колга.

Лувомс, што колхозть ингольдень председателец сяшкава бюрократическай и вяць страфнема работа аньцек сяс, мес сонь ашезя лоткафта колхозонь правлениясь и вастонь партийнай ячейкась.

Чукальскай тевсь азонды сят тефнень колга, мзярда колхозонь председательхне работасть аф аньцек колхозонь массатнень контрольфтома, но и колхозонь правлениятненьгя эзда ширеса, эсь мяльсон коряс колхозса тиенцть порядкат, аф аньцек колхозникнень, но и правлениятькя воляда башка азорондасть колхоснень имуществаснон ланкса. Крайкомсь мярьгонди крайть сембе парторганизациянзонды инь кемста машфтомс тя практикать.

Лувомс, што Игнатовань партиянь райкомсь нолдась оцю политическай эльбятькс и ашозь вять кодамовок политическай руководства Ереминтть и лиятнень тевснон ланкса судебной процезть ланкса, кона кепотьксть перьф эряволь пурцотомс районтть эзда, сем бе парторганизациять и колхозниконь массатнень колхоснень эса безхозяйственностть и бюрокраческай командованиять каршес тюрема, колхоснень эзда кулацкай и преступнай элементтнень панемаснон инкса. Сонць Чукальскай тевсь корхтай сянь колга райкомсь ашезь кирьде эрек соткс Чукалы велеть парторганизациянц и колхозонзон мархта.

Сембе райкомть составонц ланкс путомс на вид, а райкомть бюронцты максомс выговор.

Игнатовань райколхозть ширьде мерать аф примаманкса чукальскай колхозть кемокстаманц колга, аф ваномок сянь ланкс, што Ереминонь ланкс пеняндакшенсть колхозникне и колхозницатне, мярьгомс райколхозсоюзть фракциянцты валхтомс райколхозссоюзть председателенц Стенькинть и аф мярьгомс сондеенза работамода киза кувалмонь пинкс колхознай оргаттнень эса.

Мярьгомс Мокшэрзянь обкомти и облколхозсоюзти фкя ковонь кувалма пинкста явомс чукальскай колхозаса 1931-це кизонь дохотнень (эрь колхозникть трудонц количестванц и кячестванц коряс).

Мярьгомс Мокшэрзянь обкомти и облисполкомти фкя ковонь куволма пинкста тиемс расчет Чукалы велень колхозникнень и башка эряй трудяйхнень мархта сьоронь и жуватонь анокламатнень инкса.

Сявомс мяльс, што райкомть путфксонц коряс нолдаф чукальскай колхозть партячейканц бюроц и валхтф Мансуров секретарьсь, строгай выгворонь максома мархта.

Лувомс оцю политичесскай эльбятьксокс Мокшэрзянь областень „Красная мордовия“ газетать, сянь колга, што сон ашезя няфть чукальскай тевть политическай ширенц.

Мярьгомс „Волжскай коммунати“, „Колхознай газетати“, а стане жа крайть сембе районнай печатенцты келиняста пячатламс крайкомть тя путфксонц.

Мярьгамс Мокшэрзянь обкомти кемонь шинь пинкста пуроптомс игнатовскай райкомть пленумонц и тя путфксть колга пачфтемс куля партиянь крайкомти.