Йәшә,илкәйем

Йәшә илкәйем (шиғыр) автор Author:Сабир Кинйәкәй

Ижад итеү ваҡыты: 1941. Нәшер ителгән: 1960. Сығанаҡ: "Йыр сафта ҡала" Башҡорт АССР-ы Культура министерствоһының Башҡортостан китап издательствоһы, Өфө, 1960 йыл,184 бит

Йәшә, илкәйем

Яҡты иртәнән
Яҡты илкәйем,
Гөл баҡсаһындай,
Йәмле еркәйем.
Һәр саҡ хуш еҫле
Саф,таҙа һауа.
Һулышым иркен,
Рәхәт тын алам.
Матур йәшәүҙә
Шат, көләс халҡым,
Барыһы ла, дуҫым,
Йөрәккә яҡын.
Һөйөп үҫтергән
Шат Ватанымды,
Бәхетем, иркем
Һәм дә данымды
Мәңге мәңгегә
Батыр һаҡлармын,
Илем алдында
Антым аҡлармын!

1941 йыл

---