Жөда. М.Аҡмулла

← Тупраҡ

Жөда автор Мифтахетдин Аҡмулла (1831—1895)

Яманға ялынмағыҙ... →

Ҡара Йөкмәтке. Сығанаҡ: Әхәт Вилданов. Аҡмулла. Шиғырҙар. — Өфө: Башҡортостан китап нәшриәте, 1981. — 224 бит. • Аҡмулла сайты

• Википедияba:Камалетдинов Мифтахетдин Камалетдин улы( Мифтахетдин Аҡмулла)

  Википедияла мәҡәлә 

Жөда

Ҡотобона нур төшмәй, матур булмаҫ был йыһан,
Һайрамаҫ былбыл да, булһа гөлстандан жөда.
Эй туғаным, ник һорайһың был әсиреңдең хәлен?
Һеҙгә салус* әфсүн әйтһен, булһа иҡрарынан жөда.
Ни ғәжәп: бешкән емештән татлылыр был йәш ваҡыт,
Әммә булдым сәскәләй гүзәл был дәүрандан* жөда.
Ҡайғы-хәсрәт тарта-тарта, башта һушым ҡалманы,
Ғүмерендә бер булманым ҡайғы-хәсрәттән жөда.
Ғүмерем буйы көйә-көйә, йөҙҙә нурым ҡалманы,
Яңғыҙ булмағанмын тик бер ғәзиз йәнемдән жөда.

---

Аңлатмалар

• Салус (ғ.) — икейөҙлө, татлы һүҙле алдаҡсы, хәйләкәр
• Дәүран (ғ.) — дәүер, мәл, осор, ғүмер.