Еңергә өйрәнәм

Еңергә өйрәнәм (Шиғыр)
автор Лилиә Һаҡмар

.Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (81-се бит) ISBN 5-295-03798-3

Еңергә өйрәнәм

Орлоҡҡа ҡом түгеп,
Асфальтҡа күмгәндәр,
Ә сәскә таш ярып,
Ҡояшҡа үрмәләй.

Сәскәгә биргәстен
Шул ҡәҙәр ғәйрәте,
Миндә лә көс етер,
Еңергә ғәйбәтте.

Күңелдең ҡылы ла
Тарттырып көйләнә.
Үҙемдән көслөрәк
Булырға өйрәнәм!