Диңгеҙ

← Әлегә

Диңгеҙ (шиғыр) автор Лилиә Һаҡмар

Ҡабатлайым һинең исемде →

Ижад итеү ваҡыты: 1980 йыл. Нәшер ителгән: 2006 йыл. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (17-се бит) ISBN 5-295-03798-3

ДИҢГЕҘ

Килдең.
    Ҡыуҙым.
        Тағын килдең.
Мин: ”Юҡ!” – тинем сараһыҙ.
Ҡасан булырһың икән һуң,
Әй һин, һөйөү, яраһыҙ?!

Диңгеҙҙә лә сал тулҡындар
Ярҙы үбә лә китә,
Ҡаялар шулай диңгеҙҙе
Мәңгегә әсир итә.

Һин килгәндә мин ҡыумаһам,
Ҡабат килмәҫ тә инең.
Ғазапһыҙ ғына йәшәһәм
Һөйөү тимәҫ тә инем.

Диңгеҙ, диңгеҙ, тулҡындарың
Килһен дә китеп торһон,
Ә ҡаялар, сабыр ғына,
Һағынып көтөп торһон…

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар
• "Диңгеҙ" (йыр) - Композиторы Урал Иҙелбаев. "Араз" джаз төркөмө[1]