Валда ян/1932/05/Капиталистонь масторхнень эса
| Капиталистонь масторхнень эса |
| Шанхаень фронтть эса. |
Китаень источникне лувонцазь аф видексонди сянь, што Тайцан районца лиссть столкновеният 19-це кантонцкай армиять часьтензон и Нанкинскай войскатнень 47-це дивизияснон йоткса, а китаецне азонцазь, што стычкатне лиссть китаень посттнень и японскай разведывательнай группатнень йоткса. Тяфтама-жа стычкат фронтть эса лисеньдихть эрь шиня.
19-це армиять штабоц пачфни кулят, што: „19-це армиясь и 47-це дивизиясь ащихть правительствать распоряженияса и фкя-фкянь эзда ащихть ичкизьдень васца, аш стама туфталсна, штоба вятемс вражда и тя аш кода улемс физическайстонга, а сембода пяк тяни, мзярда омба масторонь агрессиясь сатозя эсь апогеянц“.
Китаень источникне азонцазь, што апрель ковть 3-це шистонза, 3 вастова лиссть столкновениять китаень и япониянь часттнень йоткса. Япониянь отряць кармась ляцендема китаень линиятнень ланга Хуандуть маласа. Китаецне кармасть ляценьдема и японецненди савсь потамс.
Японецень солдатонь отряць, коса ульсь 100 ломатть и ульсть вооруженнайхть лама пулемеца, малацть китаень позициятненди Синминцзяоть маласа. Ляцендемасна мольсь пяля част японецне потасть.
Япониянь отряць ляценць пулеметонзон эзда китаень позициятнень ланга Лудунцзя районца. Японецнень врьгятемосна ульсь потафтф.
Апрель ковть васенце шинзон эзда тяфтама-жа нападеният ульсть Цаканмяо и Ситанши районца.
Кода пачфнихть кулят, япониянь солдатне занязь Антинть, (машина ки лангонь станция, 30 вайгяль—пе шанхайть эзда, Шанхай—Сучжоуской машина кить ланкса).
Пачфневихть кулят, што японецне кемокснесазь эсь позицияснон Ченчжуса, коса улихть бетонированнай фортт и лия укрепленият.
| Японскай самолетне Шанхайть вельксса |
Апрель ковть 3-це шистонза шанхайть велькс лийкстасть японскай самалетонь эскадрилиясь. Эскадрилиясь лиенць ошть эса китаень часттнень велькска Нандао и Путун райоттнень вельксса, а стане-ж а сеттльментть территориянц вельксса.
Японецне азонцазь, што самолетнень тя лиеньдемасна лиссь сяс, бта васьфнезь японецнень тундань празникснон.
| Демонстрациятне Варшаваса и Вильнаса. |
Варшаваса ульсь революционнай демонстрация. Демонстранттне вешсть йотамода Крулевскай ульцять эзда и арьсесть молемода Пильсудскаень лемса центральнай площадтти. Кафта автобусне ульсть путфт сянкса, штоба перямс ульцять и перямс революционнай рабочайхнень киснон. Демонстрациясь ульсь страфтф лама полицейскай отряттнень мархта. Аф кунара Вильнаса ульсь пособияста валхтф безработнаень демонстрация. Демонстрациясь кочкась делегатт, штоба максомс власттненди требованият. Демонстрациясь ульсь айдяф полициять мархта.
| Польшась рамси оружият САСШ-ста. |
„Трейхейт“ коммунистическай газетась сят сведениятнень ланкс ваномок, мезе ульсь сьорматф Американскай печатть эса, азонцы сянь, што рамсихть лама оружият САСШ-ста тоза мольф польскай агенттне.
„Ся пинкть эзда, мзярда Женеваса, сьормады газетась, моли разружениять колга конференциясь, САСШ-у састь польскай правительствань агенттне, штоба маладень неделятьнень эзда рамамс 20 миллион долларонь питне оружият. Тя кулять азозя Американь армиять полковникоц Ч. Метлерсь, конац корхтась Бруклинскай резервист—офецеронь ассоциациять отделса.
| Лондонца безработнайхнень демонстрациясна. |
Лондонца Трафольгар сквераса ульс лама тьожань безработнаень демонстрация, конац анась сянь, штоба полафтомс „нуждаемостть ваноманц“ и социальнай страхованиять колга закаттнень. Демонстрациясь ульсь пуроптф безработнайхнень национальнай комитецнон мархта. Демонстрантонь колоннатне мольсть Трафольгар скверати Лондонть сембе пяльксонзон эзда. Сят демонстрантнень, конат мольсть Ист—Эндоть эзда, перязь киснон полицейскайхне и мярьксть страчнемс кудга. Демонстранттне полициять распоряжениянц пяшкодеманц эзда атказасть, а сяда меле синь лангозост врьгяцть ласьтя полицейскайхне сякокс жа демонстранттне явсть аф оцька пакшкянь, мольсть Трафольгар—скверати.
| Ответ. редактороть полавтыец С. Б. Леонтьев |
| Сдано в набор 30-го марта. Подписано к печати 10 апреля. Вышел из печати 12 апреля 1932 г. Издат № 218. |
| Обллито № 270 Тираж 798 экз. Печатных листов 3 г. Саранск. типография „Красный Октябрь“ Заказ № 1165. |