Валда ян/1932/05/Види ширень оппортунизмась инь оцю пелькс васць тяниень пинкть эзда
| ←Видьмонь фонць улеза кочкаф. | Валда ян (1932), 5 №, Апрель ков edited by Леонтьев С. Б. Види ширень оппортунизмась инь оцю пелькс васць тяниень пинкть эзда |
Капиталистонь масторхнень эса→ |
| Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 5 №, Апрель ков, 1932 к. — с. 6—7 |
| Види ширень оппортунизмась инь оцю пелькс васць тяниень пинкть эзда |
Вете кизонь плантть васенце колма кизонзон эзда минь шумордаськ социалистическай экономикати фундаментонь тиемать: Ленинскай кизефкссь „кия—кинь“ марнек и апак шаронтт тийф социализмать инькса и ошса и велеса. Партиять тя инь оцю сатфксоц сатф васенда кигя оппортунизмать каршесь апак лотксек и апак мирендак тюрезь, ленинскай, генеральнай китьксть инкса.
Партиясь сась нят сяськоматненди контрреволюционнай троцкизамать сяськоманц вельдя, конац аф надияй социализмать фкя масторса тиеманц ланкс. Партиясь нят сатфкснень сатозеннь апак лотксек и апак мирендак тюрезь кафта фронтова - види ширень уклонть и „кержи“ ширень мяньцематнень каршесь. Види ширень уклонтть китьксоц „ащесь аф аньцек сянь эса, што сон - сязеньдезе социалистическай наступлениянь политикать, но и марнек потась кулачествать и буржуазнай элементтнень эзда“. „Кержи“ ширень оппортунизмась лисенць и лифневи „середнякть каршесь молема мянцематнень эзда“ колхоснень организационно хозяйственнай ширеснон кемокстаманц ланкс сурпачьк ваномать эзда, массовай азондома работать шава администрированиякс шарфтоманц эзда, уровниловкать и обезличкать ареляманц эзда“ Синь тяряфнесть комотемс ниньге апак йотак соцстроительствань этапнень вельф (кода арьтельть вельф коммунати комотнемась).
17-це сембе союзонь партийнай конференциясь омбоце вете кизонь планца пуць оцюдонга оцю задача — „прокс машфатомс капиталистическай элементтнень и класснень марнек и марнек машфтомс сембе сят туфталхнень, конатнень эзда лисеньдихть классовай аф фкя ваноматна и эксплоатациятне и машфтомс капитализмать китьксонза экономикаса и ломатнень сознанияса и странать сембе трудяй эряензон шарфтомс класфтома социалистическай обществань активнай и сознательнай строяйкс“.
Совецскай Союзсь, омбоце вете кизонь плантть пяшкодемода меле арай стама странакс, коса улихть маштфт ломань—ломантть ланкса эксплоатировандама туфталхне. Инь оцюста касы техническай вооружонносць и промышленнай продукциясь. И техникать колга СССР-сь Европаса арай весенце вастти. Ули пяшкотьф велень хозяйствать одукс социалестическайкс тиемаць и улихть аноклафт сембе условиятне, штоба машфтмс аф фкя[ 7 ]
 |
| Ударник конюх ЕРОШКИН (Кр-ский р н) |
Но социалистическай обществась аф сай эсь отям, большевиконь тюремафтома стака шитнень сяскомаснон инкса, классовай тюремафтома. Сяс прокс види ширень оппортунистонекс ащихть теориятне вете кизонь плантть „саворня“ вишкоптеманц эса, сянь колга, што ся пинкть эзда, мзярда карматама йотама класфтома обществати — минь бта мадтама, ляпомфцаськ классовай тюремать. Тяфтама “теориятне“ эсь эсост мезевок аф кирьдихт Ленинскай тонафнемать мархта сянь колга, што классне эсь васцтост аф туйхть мирнайста, што классне машфневихть вишкста тюрезь аф аньцек ся пикть самс, но и сяда меле, кода пролетариаць эсь кядезонза сявсы властть.
Пяк вишката тюрихть капиталистическай элементнень лядыкс пялькссна социалистическай наступлениять каршесь и мелкобуржуазнай мяльхнень люпштамасна лафнихть и кармайхть лифнема башка, партиять аф пяк кеме пяльксонзон эса оппортунистическай колебаният.
„Минь партиянеськ эряй и работай аф кожфтома пространстваса, сон эряй и работай эряфть инь туста вастонц потмоса и ащи перьфпяльдень средать влияниянц ала. А средась, кода минь содасаськ ащи аф фкя лаца класснень и социальнай группатнень эзда... Юмси и кулси класснень каршезнок тюремасна и тейнек шорьсемасна — сят сембе и всякай лаца уклоттне Ленинскай китьксть эзда, конат улихть минь партиянеськонь ряца“ (Сталин).
Види ширень пельлксь тяниень пинкть эзда ащи инь оцю пельксокс. „Види ширень оппортунизмать виец, ащи мелкобуржуазнай стихиянь вайть эса, партиять ланкс капиталистическай элементтнень мархта люпштамань марнек — а башка и сембода пяк кулачествать ширьдя люпштомать виенц эса. И вов самай сяс, мес види ширень уклонць ащи машфневи класснень основной элеменцнон и каршезнок тюремаснон инкса и аньцек сяс види ширень уклонць ащи инь оцю пельксокс тяниень пинкть партиять эса„ (Сталин, ЦК-ать политотчетоц 16 це парт“сезтти).
17 це партконференциясь сяс арьсезя, што „партиять инголя ащи зодачась, ся пролетарскай диктатурать кемокстамац и оппортунизмать каршесь тюремать, а сембода пяк види кядь ширеннесь каршесь, тяниень пингоня“.
Но тя ниньге сянкса аф корхтай, што оппортунизмать каршес тюремась ся тюрема аньцек види кядь ширень фронтть каршесь. Партиясь ингольцекс кармай вятема тюрема кафта фронтова — види и „кержи“ кядь ширень оппортунизмать каршес, конац шудефти ведь кулачествать меленьцянцты, сембе уклоттненди мирендамать каршес, теорияса и практикаса наксада либерализмать каршес и контрреволюционнай троцкизмать лядыкс пяльксонзон каршес.
Ленинскай ЦК-ать руководстванц ала, Сталин ялгать вятеманц вельце, партиясь страфцы вракть сопротивлениянц, кодама-ба сон тяза уль страфцыень оппортунисттнень социалестическай строительствати шорьсемаснон и рабочай клазть, миллиононь трудяйхнень, колхозникнень вяциень класфтома сациалистическай обществань тиемати.
 |
| „Большевик“ колхозть марстонь алашань кардоц, конань эс тяль- ги 60 алаша Кардть колхозникне тиезь ташта постройкаста. |