Валда ян/1932/04/Сьоронь шачемать касфтоманц инкса комсомолонь областень дозорниконь слетть серьгятьксоц

From Wikisource
Jump to navigation Jump to search
Валда ян (1932), 4 №, Март ков edited by Леонтьев С. Б.
Сьоронь шачемать касфтоманц инкса комсомолонь областень дозорниконь слетть серьгятьксоц
Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 4 №, Март ков, 1932 к. — с. 13—14
 
[13]
Сьоронь шачемать касфтоманц инкса ком- сомолонь областень дозорниконь слетть
СЕРЬГЯТКСОЦ

Кельгома ялгат!

Партиять генеральнай китьксонц цебярьста йотафтоманц вельдя, вете кизонь плантть ниле кизоста пяшкодеманц инкса большевиконь темпса тюремать вельдя минь масторонькя Ленинскай ЦК ать и сонь вятиенц Сталин ялгать руковдстваснон коряс саць оцю сатфкст социалистическай строительствать сембе фронтонзон эзга, пуроптф вию социалистическай индустрия, оцю сатфкс мархта шумордаф социалистическай экономикань фундаментть тиемац.
„Совецкай союзсь йомла и инь йомла модань тевонь вяти масторста коллективизациять йотафтоманц вельдя, совхоснень пуроптомаснон и машиннай техникать оцюста сувафтомаснон вельдя, — арань инь оцю модань тевонь вяти масторкс, сембе масторхнень эзда. Социализмать тя сатфксоц, конань вельдя пяшкотькшневи пролетарскай революциять инь оцю, инь стака задачац — кирьди сембе масторлангонь историческай значения (XVII партконференциять путфксонц эзда).

Сатф сатфкснень вельдя, XVII партконференциять ширьде примафт директиват омбоце вете кизонь плантть тиеманц инкса, конань инь оцю политическай ширец ащи сянь эса, — «капиталистическай элементнень и класснень мянь пес машфтомасна, классовай аф фкакс ащемань шачфни, эксплоатяциянь туфталхнень мянь пес машфтомасна и капиталистическай иляткснень машфтомасна экономикать и ломатнень мяльснон эзда, мастороньконь сембе трудяй ломатнень класфтома, социалистическай обществань сознательнай, вию строителькс шарфтомасна» (XVII партконференциять путфксонц эзда).

Минь сатомя оцю сатфкст Мокшэрзянь облазть социалистическайкс одукс тиеманц эса. Пцтай педа пес шумордаф сплошной коллективизациять йотафтомац и сонь йотафтоманц вельдя, кулачествать кода классонь машфтомац. Оцюста вишкоптьф совхозонь строительствась, оцюста касфт машиннай базась конань вельдя ведень хозяйстваста машфневихть сире пингонь производствань орудиятне кода сокась. Социалистическай жуватань водяма тевть оцюста касфтомац, техническай культурань витьфнень касфтомасна и ст. тов. Сатфт сатфкс промышленнозьть вишкоптеманц, касфтоманц эса, — сембе тяц валдоняста няфнесы сянь, што минь областенькя арси ряц Совецкай союзонь инголи моли райоттнень мархта.

Мокшэрзянь областень комсомолонь организациясь, од большевиконь армиясь кона кассь 20000 ломаньц, конат кемокстазь эсь пряснон, вийснон классовай тюремаса кулачествать каршес, фсякай лаца оппортунисттнень каршес, косат эрь работань аськолкснон, эсь эряфснон эрь часцнон макссезь и макссесазь социализмать инкса тюремати.

Минь сьоронь шачемать касфтоманц инкса дозорникне, азонцаськ эсь пряньконь ударнай бригадакс велень хозяйстваса инь оцю задачатнень пяшкодемаснон инкса, колхоснень организационно — хозяйственнай кемокстомаснон инкса, 3 це большевиконь тундати анокламать и соньцень видемать инь цебярьста, инь пяшкотьфста йотафтомаснон инкса, вельхоз-работатнень цебярь ширеснон и сьоронь шачемать инь оцюста касфтоманц инкса

Минь терьнейнек сембе комсомолецнень инь маластонь пинкть эзда инь оцюста пачфтемс ня мероприятиятнень колхознай крдатненди. Минь мярьгонттяма теентть пуроптомс инь оцю мяленттень ия инь оцю задачатнень пяшкодемаснон ланкса:

1. „Тяни, мзярда минь вишкста касы машинань сувафтомась, тракторхне, комбайнатне и лият, а станяжа техническай удобрениятне, тейнек сьоронь шачемань касфтома кизефксть эряви путомс инь оцю задачакс“, пинге ни оявомс од большевиконь темпт совхознай и колхознай паксятнень эса сьоронь шачемать касфтоманц инкса“ (Молотов).

Техникась и агротехникась велеса, комсомолонь работань боевой участка, „техникась одукс тиемань пинкть ээда пяшкочнесы сембонь“. Кие аф шарьхкоцы тянь, кия аф тонацы, аф сувафцы тевс техникать сянди аш кода каннемс комсомолонь лемть.

2 Дозорниконь слець путни задача, сембе научнай учреждениятненди, вельхозопытнай станциятненди пуроптомс дозорхт сьоронь шачемать касфтоманц инкса. Комсомолти и велень хозяйствань специалисттненди — агронопненди, зоотехникненди эряви арамс пуроптыкс и руководствань максыкс дозорхнень работаснон эса сянь мархта, штоба эрь колхозса, совхозса и МТС а пуроптомс кружокт техникать содаманц инкса, пуроптомс ударникненди рационализаторхненди, изобретательхненди агротехническай консультацият максомс лезкс программань тиемаса техникупненди ШКМ-тненди кружокненди, конатнень вельдя од ломатне тонадолезь техникать и агрономиять, максомс лезкс од ломатнень ширьде техникать тонадоманц-содаманц эса пуроптомс тевть книгань, брошюрань нолямать инкса, конат няфнелезь совхозонь, колхозонь, МТС нь од ломанень инь цебярьста работай бригадатнень работаснон и синь тевса сатфкснон йотафтомс сембе тюремань пальксненди ведень хозяйствать [14]социалистическайкс одукс тиеманц инкса.

Морафтома куттнень, клупнень, якстерь ужонятнень библиотекатнень работаснон арафтомс тюрикс колхознай крдатнень йоткса массовай работать инь вишкста йотафтоманц инкса агротехникать содаманц инкса, 3-це большевиконь тундати анокламать и соньцень видемать инь цебярьста йотафтоманц инкса.

3 Эрь районца, совхозса, колхозса и сембодонга пяк бригадаса эряви инь оцюста сувафтомс тевс агропаспортть, кона арси фкя инь вию тюрикс минь паксяньконь ланкса сьоронь шачемать касфтоманц инкса. Минь слетонь дозорникне максетяма вал сувафтомс агропаспортть эрь районтти, колхозти, бригадати. Ня задачатнень пяшкодемаснонды минь терьнесаськ Мокшэрзянь областень комсомолть и сембе колхозникнень.

4 Минь тернетядязь инь оцюста пуроптомс виенттень од ломанень бригадань пуроптомать инкса, тиемс синь работаснон кепотьксонь няфтикс, штоба вятемс мельгаст лия бригадатнень, кеподемс колхозникнень трудонь производительносьцнон.

Бригадать производственнай китьксова пуроптомац арси фкя инь оцю задачакс колхоснень организационно-хозяйственнай кемокстомаснон инкса. Тя тевсь араза боевой задачакс сембе комсомолонь организациять инголя.

ВКП(б)-нь ЦК ать путфксоц февраль ковть 4 шинц эзда колхознай бригадать пуроптоманц колга тяниок эряви пачфтемс эрь колхозникти.

5. Минь обласьтень слетонь дозорникне сявонттяма лангознок задача арафтомс дозорнай молемать кувака пингонь массовай молемакс, и лифнетяма тяфтама тевонь кепотькст: а) инь оцюста сувафтомс велень хозяйствати Сталин ялгать кота историческай указаниянзон, б) инь виюста тюремс буржуазнай и мелкобуржуазнай мяльхнень, тевонь сязендематнень, уравниловкать каршес, сдельщинать тевс инь оцюста сувафтоманц, работать цебярь ширенц касфтоманц, трутть лувоманц инь цебярьста йотафтоманц инкса, в) машфтомс модать кальдяста обработканц, г) кирьфтамс видемань пинкть йотафтоманц 3 шис, д) модать цебярь обработканц вельдя, машфтомс сору тишетнень, е) тяддянь кизоня-ни сувафтомс зрявикс севооборотть, ж) машфтомс паксяса машинань синнемать-тапсемать, мезень инкса инь оцюста пуроптомс — касфтомс комсомолть ширьде азф молемать шумбра тракторть инкса, тюремс сембе вельхозинвентарть, уски вийть аяокламанц инкса, эрь колхозса эрявикс тевонь содай кадрань пуроптомать инкса.

Минь путнетяма задача, штоба март ковть 22 шинцты афоль иляд апак петть фкавок трактор, фкавок прицепной иввентарь, фкавок керял, седелка, крандас. Пуроптомс лама сяда дозорнай бригада инвентарть петьфтеманц инкса. Мастерскойхнень работаснон йотафтомс суткань кувалма пинкс. Комсомолти инь виюста эряви кундамс тракторнай техникать содаманц инкса. Инь цебярь трактористокс, вельхозмашинань директоркс улеза комсомолец.

6. Эрь дозорникти, ячейкати, колхозти, совхозти эряви вятемс инь вию тюрема видьмонь фондонь пуроптомать инкса, кормать тундань видемати анокламанц инкса сяс, тянь эзда кармай лисендема тундань видемать оцю сатфкс мархта йотафтомац.

Минь терьнесайнек сембе комсомолецнень и колхозникнень, штоба сембе эрявикс видьмотне улельхть кочкафт пяшкотьфста и эсь пингова, эсь пингова улельхть ароптфт и штафт.

Минь тернесайнек тундань видемати анокламаса инголи моли райоттнень, колхоснень сявомс буксирс фталу илядыхнень, максомс теест социалистическай лезкс.

7. Сембе работать, колхоснень организационно—хозяйственнай кемокстомаснон инкса, 3-це большевиконь тундати анокламать, видемать йотафтоманц инкса эряви йотафтомс трутть социалистическайкс пуроптоманц вельдя. Тиемс социалистическай фкяфкянь йотама договорхт совхоснень, колхоснень, МТС тнень, бригадатнень йоткса. Пуроптомс рационализаторскай предложениянь кочкама тевть.

8. Минь путнетяма задача жуватань водяма совхозга работай комсомолецнень инголи-инь оцгоста йотафтомс тевс эрявикс зоотехминимумть, пуроптомс эрь пингонь контроль од касыкс, шачи жувататнень ванфтомаснон, касфтомаснон инкса, Тя тевть йотафтоманц инкса ответственнозьть эряви сявомс комсомолти, дозорникти.

Дозорникти тя работась эряви йотафнемс тяфтама лозунгонь ала: „максомс мастороньконди эрявикс сиволь, лофца, вай».

Путф задачатнень сатфкс мархта эсь пингова пяшкодемасна анай лама вий, оцю мяль. Тя кизось ули СССР са социализмань тиема вишкста молемань кизокс, классовай вракть — кулакть каршес вишке тюремань кизокс. Кемокстастъ вийнтень, мяльнттень социалистическай строительствань сембе фронттнень эса!

Ня задачатне савихть пяшкодемс аньцек сяда товолонь вию тюремать йотафтоманц вельдя види шири моли оппортунизмать, кода инь оцю пелькс вастонь каршес, а станяжа «кержи“ шири мяньцематнень, и синь мархтост фсякай лаца мирендайхнень каршас, оартиять генеральнай китьксонц инь пяшкотьфста, инь оцюста эряфс йотафтоманц инкса, ленинскай национальнай политикать эряфс йотафтоманц инкса, вию тюремаса великодержавнай шовинизмать и вастонь национализмать каршес.

Инголи од сатфксненди!

Кепедемс велень хозяйствать цебярь ширенц!

Тонадомс агротехникать!

Инь оцюста касфтомс трутть производительностенц велень хозяйствать эса!